Luca 9:2 - ꞌRe Ihâimana Uꞌâsi Mono Zadawa Wasuꞌu

² Tawamhã ma tô duré satõrĩ za'ra, iwasu'uwẽ na te te 're dapo're pu'u za'ra mono da, 'Re ihâimana u'âsi mono, da'ãma 're isib'a'uwẽ mono zé wasu'u na. Taha wasu'u na te te 're dapo're pu'u za'ra mono da hã, ma tô satõrĩ za'ra. Duré te te 're dapese za'ra mono da, ma tô datẽme satõrĩ za'ra.

Luca 9:2 ပူးပေါင်းရင်းမြစ်များ

Mateu 10:5

Tawamhã Zezusi hã te te satõrĩ za'ra da, ma tô ãne tãma roti za'ra, 12 na ihâiba norĩ ma hã: — Zudeu'õ norĩ nhipti'ai u 're anomro aba mono õ di za. Duré samaritanu norĩ nhipti'ai u 'ri nho'õmo mono bâ, 're asisisi aba mono õ di za.

Mateu 13:19

Amnho hã aibâ te te i'anhamra mono hã, 'Re ihâimana u'âsi mono zadawa wasu'u, te wasu'u. Ni'wam norĩ hã 'Re ihâimana u'âsi mono, da'ãma 're isib'a'uwẽ mono zé wasu'u, tipo're na te te 're wapari za'ra mono nherẽ, te te ãma sima 're rosa'rata ze za'ra mono õ wamhã, te te ãma iwaihu'u pese za'ra da hã mare di za. Ta norĩ hã amnho bâdâdi zababa irere'e mono ne, te 're hâimana za'ra. Amnho hã sire te te i'uprosi mono ne, te za iwasété uptabi hã itẽme 're simasisi za'ra, 'Re ihâimana u'âsi mono zadawa wasu'u hã tipo're na taré te te 're iwapari za'ra mono hã te te tiwi 're awaibui mono da, Wa'uburé hã.

Mateu 24:14

'Re ihâimana u'âsi mono, da'ãma 're isib'a'uwẽ mono zé wasu'u hã iwẽ uptabi hã, ĩzazei'wa norĩ hã te za daro mono bâ te te dama 're wasu'u za'ra, daro mono bâ da te oto 're wapari za'ra mono da, da te ãma 're isaze za'ra mono zéb da hã. Tame te za oto tirob'rãsutu.

Mateu 3:2

Taha wamhã, te ãne dama rowasu'u: — Ma'ãpé, aiwasété wi aipizari za'ra wa'aba. 'Re ihâimana u'âsi mono, da'ãma 're isib'a'uwẽ mono zéb u hã romhuture di oto. — Ãne te dama rowahutu, Zuwã Batista hã.

Marcu 16:15

Tahawa, te ãne oto tãma nharĩ za'ra: — Daro mono bâ te za oto 're iropéi wa'aba mo, a'uwẽ mono bâ, ĩwasu'uwẽ na 're dapo're pu'u za'ra wa'aba mono da.

Marcu 6:12

Tawamhã isiré 're inomro mono norĩ hã te oto datẽme ai'aba'ré, te te dama 're sadawa wasu'u za'ra mono da, dawasété wi 're dasipizari za'ra mono da, 'Re ihâimana u'âsi mono niwĩ.

Luca 10:1

Taha pari, ma tô Zezusi hã aibâ ahâ na pisutu za'ra, isõwa datẽme 're nomro mono da, 72 na aibâ norĩ hâiba za'ra na. Maparane si, ma tô te te apisutu, 'ri wa'õtõ mono bâ iwana te te datẽme ropéi mono da, za datẽme 're imorĩzé wana, datẽme si'aba'ré da.

Luca 10:9

Tame 're ai'ubumroi wa'aba mono ré, te za 're idapese za'ra wa'aba mo. Duré te za ãne dama 're irowasu'u za'ra wa'aba mo: “Ãhã na bâdâ hã ma tô oto iwa waptãrã, 'Re ihâimana u'âsi mono hã da'ãma 're isib'a'uwẽ mono zéb da hã.” Ãne te za dama 're irowasu'u za'ra wa'aba mo.

Luca 16:16

— Uburé marĩ hã Mozési te te dama 're i'apisutu mono hã, da te 're 'madâ'â za'ra mono da, duré 'Re ihâimana u'âsi mono zadawa 'mahârâ 'rata 'wa norĩ nhimiroti hã ma tô dasipara bâ si, da te 're pese za'ra, Zuwã Batista datẽme morĩ õ ré. Tawamhã iwasu'uwẽ hã te oto da te 're wapari za'ra, 'Re ihâimana u'âsi mono hã, da'ãma 're isib'a'uwẽ mono zé wasu'u hã. Tahawa, marĩ zô dasima iwẽzéb uwaibaba, da te 're irob'ruiwapari za'ra mono ne, te za oto da te dasima 're rob'ruiwapari za'ra, itẽme 're dasihutu mono da.

Luca 9:11

Tazahã ma tô iwasu'u hã wapari za'ra ni. Tahawa, da'ahâ na te isarina ai'aba'ré ni. Itẽme dasihutu wamhã, uburé ma tô Zezusi hã da'azawi. 'Re ihâimana u'âsi mono hã da'ãma 're isib'a'uwẽ mono zém na, te dama rowasu'u, Zezusi hã. Duré, ihâzé ré norĩ hã ma tô apese.