Luca 9:12 - ꞌRe Ihâimana Uꞌâsi Mono Zadawa Wasuꞌu

¹² Ãne ré, ma tô tihâiwahâ. Tahawa, ma itẽme ubumro, isiré 're inomro mono norĩ hã, 12 na ihâiba za'ra hã, te te tãma nharĩ za'ra da, ãne: — Ãmemhã robaba di, 'ri hã. Õhõta õwamhã romhuture di, 'ri wa'õtõ u hã. Duré, re na 'ri isimasa mono u hã, romhuture di. Ma'ãpé tamomo dazatõrĩ za'ra na, dasa hã da te huri da, danhotõ za'ra da zama tame.

Luca 9:12 ပူးပေါင်းရင်းမြစ်များ

Mateu 14:13

Tawamhã Zezusi hã Zuwãhã wasu'u te te wapari wamhã, ma tô danhiti uba're na siwaprosi hã mo, romnhiwasi sãmra da. Tane nherẽ, nimomo romnhiwasi siwaprosi isãmra na iwasu'u da te wapari za'ra wamhã, ma tô darom hawimhã tawairébé ni da'ahâ na, isarina dasi'aba'ré da isõ'rãmi, ti'ai baba.

Mateu 15:23

Tawamhã ãne na pi'õ te te 'mahârâ nherẽ, te te sada'âbâ õ di asa, Zezusi hã. Tawamhã isiré 're inomro mono norĩ hã ma tô Zezusihi u itẽme ai'ré za'ra. Taha wamhã, ma tô ãne tãma 'ru za'ra: — Ma'ãpé pi'õ satõrĩ apâ, wahawib za'ra morĩ da. Wazarina te we 're mo. Te we te te duré wa'ab'mahârâ, mreme 'rãihâ na.

Mateu 15:32

Tawamhã Zezusi hã ma tô tisiré 're inomro mono norĩ zô sima sô tihârâ za'ra. Tawamhã te tãma nharĩ za'ra, ãne: — Ãhã na ĩ'rata dasi'ubumroi ré, ma tô dasa hã dawi ai'utõ, si'ubdatõ bâdâ hã da'ãma si'utõrĩ wa. Tahawa, da'ãma hã ĩpẽ'ẽzé di, wa hã. Mram na dahâimana za'ra nherẽ, te dama rob'rui waihu'u õ di, apâ da te ropéi mono da hã. E marĩ wa. Bâdâdi wa, danhib'uwa za'ra wa, da te ãma ãpusi pese za'ra õ'umnhasite.

Luca 9:11

Tazahã ma tô iwasu'u hã wapari za'ra ni. Tahawa, da'ahâ na te isarina ai'aba'ré ni. Itẽme dasihutu wamhã, uburé ma tô Zezusi hã da'azawi. 'Re ihâimana u'âsi mono hã da'ãma 're isib'a'uwẽ mono zém na, te dama rowasu'u, Zezusi hã. Duré, ihâzé ré norĩ hã ma tô apese.

Luca 9:13

Tahawa, te Zezusi hã asa tãma nharĩ za'ra, ãne: — Mare di. A norĩ wa'wa hã te za dama i'a za'ra wa'wa, dasaihuri da. Tahawa, te duré asa tãma nharĩ za'ra, ãne: — Wasa za'ra hã surure di. I'u'ẽtẽ wapu 5 nare, te tihâimana za'rare. Duré pe'a hã maparanere te tihâimana zahuré. E da'ahâ uptabi nherẽ, wa za tawamhã ai'aba'ré ni, dasa hã wa te dama uipra za'ra da.

Zuwã 6:1

Tawamhã Zezusi hã ma tô uba're na saprĩ, isõ'õmo na. Galiléa ãma, isõ'u te 're hâimana. Tiberiadi na isõ'õmo nhisi hâiba amo nhisi hã.