Luca 8:7 - ꞌRe Ihâimana Uꞌâsi Mono Zadawa Wasuꞌu

⁷ Nima norĩ hã ma duré rere'e, wab'ru wazari. Tawamhã siré ma tô 'wanhipré. Siré 'wanhipré mono wamhã, ma te te ubu, wab'ru hã. Tahawa, ma tô te te uprosi.

Luca 8:7 ပူးပေါင်းရင်းမြစ်များ

Zenezi 3:18

Te za duré ti'ai hawi warõno hã siwazari 'wabzéré me hã 're poto u'âsi za'ra. Tawamhã te za duré rom na da te 're izuri za'ra mono õ hã 're i'a'masi u'âsi mo.

Mateu 13:22

Duré ni'wam norĩ hã amnho wab'ru wazari irere'e mono ne, te aiwa 're hâimana za'ra. Wab'ru hã ro'wanhipré siré i'wanhipré mono, te te oto ubu mono wa, i'rã za'ra õ ne, 'Re ihâimana u'âsi mono zadawa wasu'u hã tipo're na te te 're wapari za'ra mono nherẽ, iwẽ hã te te 're i'manharĩ za'ra mono da, mare di za, ta norĩ hã. Tihâimanazém na si te za sina 're hâtâ'â u'âsi za'ra. Duré danhibro pe hã wẽ uptabi newa te za taha zô si sima te te 're rob'ruiwapari u'âsi za'ra. Tahawa, amnho 'wanhipré hã i'rã za'ra õ ne, 're nomro wẽ mono õ di za, ta norĩ hã.

Mateu 13:7

Nima norĩ hã ma duré rere'e, wab'ru wazari. Tawamhã ta norĩ hã ma tô siré 'wanhipré. Duré siré 'wanhipré mono wa, ma tô wab'ru hã te te ubu. Tahawa, 'rãi mono õ di, duré ta norĩ hã.

Marcu 4:7

Nima norĩ hã ma duré rere'e, wab'ru wazari. Tawamhã siré ma tô duré ta hã 'wanhipré. Siré 'wanhipré mono wamhã, ma tô te te ubu, wab'ru hã. Tahawa, 'rãi mono õ di, duré ta norĩ hã.

Luca 21:34

Tawamhã Zezusi hã tinhimiroti na ma tô tãma 'rãsutu za'ra, ãne: — Asimiza'rese sina, te za 're aihâimana za'ra wa'aba mo. Datoi u hã âsipãrĩ na 're asapa'a za'ra wa'aba mono õ di za. Marĩ na si 're rosa'rata za'ra wa'aba mono õ di za. E marĩ wa. Rosa'rese õ ré, bâdâ ipire, iwa waptã'ã õ'umnhasite. Rosa'rese õ ré, te robzari hã itede'wa hã te te 're waibu, wedenhorõ na. Tane, duré rosa'rese õ ré, te za bâdâ ipire hã iwa waptãrã, uburé ti'ai ãma hã.

Luca 8:14

Duré amnho hã wab'ru wazari i'a'a mono hã, aimawi a'uwẽ, te wasu'u. Ta norĩ hã ãté te za taré tipo're na te te 're wapari za'ra, isadawa wasu'u hã. Tazahã, marĩ wamhã, õhõ ãma si 're nomro mono õ di za. Ãté, marĩ na si te za te te 're rosa'rata za'ra sima, ãté rob'uiprazém na si, ãté titozém na si. Tawamhã rob'rã i'rã wẽ prã ne, 're hâimana wẽ uptabi za'ra mono õ di za.

Luca 8:6

Ẽtẽ nhisiwi, ma duré nima norĩ hã rere'e amnho hã, ti'a baihâire wa, ẽtẽ nhisiwimhã. Tawamhã 'wanhipré wairébé mono wamhã, ti'ai wa'ro wa, ma 'wanhipré 'ré.

Luca 8:8

Ti'ai wẽ wa, ma duré nima norĩ hã rere'e. Ta hã ma tô duré oto 'rã. 'Rãi mono wamhã, 'rãi pese uptabi di, rob're hã. Te duré dama tinha: — Asimipari pese za'ra wa'aba wamhã, ma'ãpé ĩwapari pese za'ra wa'aba ĩnhimirowasu'u na hã, waihu'u za'ra wa'aba da.