Luca 8:6 - ꞌRe Ihâimana Uꞌâsi Mono Zadawa Wasuꞌu

⁶ Ẽtẽ nhisiwi, ma duré nima norĩ hã rere'e amnho hã, ti'a baihâire wa, ẽtẽ nhisiwimhã. Tawamhã 'wanhipré wairébé mono wamhã, ti'ai wa'ro wa, ma 'wanhipré 'ré.

Luca 8:6 ပူးပေါင်းရင်းမြစ်များ

Luca 8:13

Duré amnho hã ẽtẽ nhisiwi irere'e mono hã, aimawi a'uwẽ, te wasu'u. Ta norĩ hã ãté te za 'Re ihâimana u'âsi mono zadawa wasu'u hã te te 're wapari za'ra, tipo're na. Tawamhã te za iwasu'u ma 're to za'ra. Tazahã, õne haré te te 're saze za'ra mono õ di za. Ãté, te za te te 're saze hutu za'ra. Ãté rowasédé hã da te tãma 're 'manharĩ za'ra mono õ'umnhasite, te za apâ 're sipizari za'ra.

Luca 8:5

— Aibâ hã te buru u mo, ti'ai hâibâdâ na, amnho hã te te anhamra mono da, poto mono da. Tawamhã amnho hã te te anhamra mono wamhã, nima norĩ hã bâdâdi zababa ma rere'e. Tahawa, ma tô dapara na nasi wati'i za'ra ni, tiwi irere'e mono hã. Sire hã ma duré te te uprosi, poto mono õ ré.

Luca 8:7

Nima norĩ hã ma duré rere'e, wab'ru wazari. Tawamhã siré ma tô 'wanhipré. Siré 'wanhipré mono wamhã, ma te te ubu, wab'ru hã. Tahawa, ma tô te te uprosi.

Hebreu 3:15

Duréihã ni'wa hã 'Re ihâimana u'âsi mono pẽ'ẽzani zadawa para, te te ãma irob'ui'éré na wa za ãma aima sahu za'ra wa'wa, ãma aipo're si'âri za'ra wa'aba tõ da: “Ã bâtâ na, 'Re ihâimana u'âsi mono mreme hã wapari za'ra wa'aba wamhã, aipo're si'âri 're aihâimana za'ra wa'aba mono õ di za, ai'rã tete aba na. Duréihã aihi'rata norĩ hã ma tô ãne na hã po're ãna sada tihâimana za'ra, 'Re ihâimana u'âsi mono da hã.”