Luca 8:54 - ꞌRe Ihâimana Uꞌâsi Mono Zadawa Wasuꞌu

⁵⁴ Tazahã, te te damreme 'madâ'â õ di, Zezusi hã. Ma tô pa'â. Mreme 'rãihâ na, te tãma tinha, ãne: — Azaruture, aiwahutu.

Luca 8:54 ပူးပေါင်းရင်းမြစ်များ

Mateu 9:25

Tawamhã rob u ma tô tawairébé ni. Dawairébé wi, ma tô Zezusi hã ãzé 'ri 're wa'wa u, azarudu inomrozéb u. Tawamhã awa'awi ma tô pa'â. Te te pa'âri wamhã, ma tô awa'awi wahudu, azarudu hã.

Marcu 1:31

Tahawa, te oto itẽme mo, inomrozéb u. Tawamhã ma pa'â, wahutu da. Tahawa, ma awa'awi tiwahâ. Tawamhã ma tô tãma api za'ra ni Zezusi norĩ ma, saihuri da.

Marcu 8:23

Tawamhã Zezusi hã ma itob'a hã pa'â, danhiti te te sima saprõni da. Tawamhã tizadaipro na ma sada sisiptõmo di'i, te te ãma tob'u'ré da, aibâ hã. Taha pari, ma duré tinhib'rada hã ãma tihi. Taha parimhã, te sadanha, ãne: — E zahadu marĩ hã 'madâ'â õ di. E ma tô marĩ hã i'madâ.

Marcu 9:27

Tane nherẽ, ma tô Zezusi hã ai'repudu hã pa'â. Ma tô hâiwi wahutu, para na sab da.

Luca 8:51

Tawamhã Zezusi hã Zairuhu nhorõwa u oto wisi wamhã, ma tô pisutu za'ra, Pedru norĩ si isiré sisisi da, Zuwã, duré Tiagu, azaruture mama norĩ siré hã.

Luca 8:53

Tawamhã asa te tãma nharĩ za'ra ni: — Oro taré sõtõ za, te pẽ'ẽzani ãna nomro. Idâ'âzém na, ma tô waihu'u za'ra ni. Tahawa, ma tô ãne tãma nharĩ za'ra ni.

Luca 8:55

Tawamhã ma tô apâ pẽ'ẽ waze, awa'awi. Hâiwi te oto za. Tahawa, mram na te wada'uri zahuré, te te tãma a zahuré da, imama norĩ hã.

Zuwã 11:43

Timama ma mreme pari, te oto Lazaruhu zô hâ, mreme 'rãihâ na, ãne: — Lazaru, ab're hawi we aiwatobro, rob u.

Zuwã 5:21

'Re dadâ'â za'ra mono wa, te Ĩmama hã ab're hawi te te 're da'ahâiwa'utu, apâ 're danomro u'âsi mono da. Ĩzama te ĩsima 're i'awẽ mono norĩ ma, wa za duré te 're anharĩ, apâ 're hâiwa'utu za'ra mono wa, 're nomro u'âsi mono da, wa hã i'ra wa. Tawapsi te za da te 're ĩwaihu'u za'ra, ĩwaihu'u pese uptabi na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:40

Tahawa, ma tô Pedru hã tãma rob'ru za'ra, aihĩni wairébé da. Wairébé za'u si, ma tô hi'rãtitõ nhamra, 'Re ihâimana u'âsi mono ma, mreme da. Tawamhã ma tô aipi'ra, pi'õ idâ'â u. Te tãma tinha, ãne: — Tabita, ai'utu. Tawamhã pi'õ hã ma tô toporo. Pedru te te 'madâ'â wamhã, ma tô udu.

Roma 4:17

Duréihã ni'wa hã ma tô ãne na 'Re ihâimana u'âsi mono mreme na rob'ui'éré, Abra'ãhã ãma hã: “Wa hã wa tô aipisutu, daro mono bâ da te dasina 're ĩ'umnhasi za'ra mono norĩ hi'rata na, da te 're asisi za'ra mono da.” 'Re ihâimana u'âsi mono nhimiropisutuzé hã, tô sena. Pire uptabi di. E marĩ wa. Õ hã tô sena, 're hâimana mono wa. Taha si, ma tô Abra'ã hã te te sina 're umnhasi u'âsi. Taha si, 're dadâ'â za'ra mono nherẽ, dahâiwa'utu'wa hã te 're hâimana. Taha si duré marĩ õ ré, Ropoto mono 'wa hã.