Luca 8:51 - ꞌRe Ihâimana Uꞌâsi Mono Zadawa Wasuꞌu

⁵¹ Tawamhã Zezusi hã Zairuhu nhorõwa u oto wisi wamhã, ma tô pisutu za'ra, Pedru norĩ si isiré sisisi da, Zuwã, duré Tiagu, azaruture mama norĩ siré hã.

Luca 8:51 ပူးပေါင်းရင်းမြစ်များ

Marcu 14:33

Tawamhã Pedru norĩ hã te siré te te simro, Tiagu norĩ hã, Zuwãhã me. Tawamhã te te sina rosa'rata pese wamhã, sina pẽ'ẽzé uptabi di.

Luca 6:14

Ta norĩ nhisi za'ra hã ãne: Sima Pedru, ino Ãdréhé me. Pedru na te za sisi té, Zezusi hã. Duré Tiagu norĩ hã tisisãnawã Zuwãhã me, duré Filipi norĩ hã, Batolomeuhu me,

Luca 8:50

Tawamhã Zezusi ma tô sina wapa. Tahawa, te Zairuhu ma tinha, ãne: — Ai'ra wasu'u ma, aipahi tõ. Ĩwétési asina ĩ'umnhasi, te aipawaptob da. Ĩwétési ĩ'umnhasi wamhã, rowẽ na te za oto aima 're sãmra.

Luca 8:52

Tame da'ahâ na te ãma ta'ru'ru ni, dapẽ'ẽzé wa. Tahawa, te Zezusi hã dama tinha, ãne: — Ãma ai'ru'ru wa'aba õ di za. Azaruture hã dâ'â õ di. Taré te nhono.

Luca 9:28

Romhuri hã misi ãma si'utõrĩ pari, ma tô Zezusi hã te te siré simro, Pedru norĩ hã Zuwã norĩ me, Tiagu norĩ me, 'Re ihâimana u'âsi mono ma, mreme da. Ẽtẽ 'rãihâ na, ma tô sai'uri za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:40

Tahawa, ma tô Pedru hã tãma rob'ru za'ra, aihĩni wairébé da. Wairébé za'u si, ma tô hi'rãtitõ nhamra, 'Re ihâimana u'âsi mono ma, mreme da. Tawamhã ma tô aipi'ra, pi'õ idâ'â u. Te tãma tinha, ãne: — Tabita, ai'utu. Tawamhã pi'õ hã ma tô toporo. Pedru te te 'madâ'â wamhã, ma tô udu.