Luca 8:5 - ꞌRe Ihâimana Uꞌâsi Mono Zadawa Wasuꞌu

⁵ — Aibâ hã te buru u mo, ti'ai hâibâdâ na, amnho hã te te anhamra mono da, poto mono da. Tawamhã amnho hã te te anhamra mono wamhã, nima norĩ hã bâdâdi zababa ma rere'e. Tahawa, ma tô dapara na nasi wati'i za'ra ni, tiwi irere'e mono hã. Sire hã ma duré te te uprosi, poto mono õ ré.

Luca 8:5 ပူးပေါင်းရင်းမြစ်များ

Zenezi 15:11

Tawamhã sipahutu norĩ abaze na ãma isipo'o mono zô ma tô aré nasi ana. Tane nherẽ, Abrã hã te nasi ãma te te awano'õ apâ.

Salmu 119:118

A hã te duré asimiroti te te 're i'madâ'â pese za'ra mono õ norĩ hã uburé asiwi 're i'awẽ'õ mo. E marĩ wa. Ta norĩ hã hâimana nhipese sina te te sima 're irowa'õtõ za'ra mono zé hã, aima hã marĩ dai õ wa, tarére wa.

Mateu 13:37

Tawamhã Zezusi hã te asa tãma nharĩ za'ra, ãne: — Aibâ hã tiburu na amnho iwẽ te te i'a're mono hã, ti'ai ãma Dasiré Ipodo hã, te wasu'u.

Mateu 5:13

Tawamhã ãne te duré tãma rowasu'u za'ra, tisiré 're inomro mono norĩ ma: — Ãne wa za duré aima ãma romnhimiré'é za'ra wa'wa. A norĩ wa'wa hã sa ne, te za dama 're aihâimana za'ra wa'aba mo. Sa na hã dasa hã ãma se ti, dasai warĩrĩzé wa. Tane nherẽ, oto 're sé si'utõrĩ mono wamhã, niha apâ hã da te 'manharĩ waihu'u õ di, isé na ihâimana da hã, dasa da te ãma 're iwarĩrĩ za'ra mono zéb da hã. Marĩ dai õ di oto, dama hã. Taré te za da te 're sa'wari za'ra rob u, marĩ dai õ wa oto. Tahawa, te za oto taré ti'ai wa 're simi'wara mono wa, isisiwimhã 're danomro, dapara na. Tane duré, a norĩ wa'wa hã ĩzadawa wasu'u na dama 're romhuri wẽ za'ra wa'aba mono nherẽ, oto romhuri hã 're sahâri za'ra wa'aba mono wamhã, marĩ dai õ di oto, 're i'aihâimana za'ra wa'aba mono zé hã za, ĩma hã.

Marcu 4:15

Ni'wam norĩ hã 'Re ihâimana u'âsi mono zadawa wasu'u hã, tipo're na te te 're iwapari za'ra mono hã, aiwa amnho hã bâdâdi zababa irere'e mono ne, te za 're hâimana za'ra. Awa'awi waptu na 'Re ihâimana u'âsi mono zadawa wasu'u te te wapari za'ra wamhã, Satanasi hã te za itẽme tiwisi za'ra, te te apâ tiwi wazere za'ra da, ipo're hawimhã.

Luca 8:4

Tawamhã da'ahâ na ma tô itẽme aihutu ni Zezusihi u, 'ri ahâ mono bâ, da te sabu za'ra da. Tawamhã itẽme dasi'rã'õtõ wamhã, ma tô dama romnhimiré'é, ãne:

Luca 8:6

Ẽtẽ nhisiwi, ma duré nima norĩ hã rere'e amnho hã, ti'a baihâire wa, ẽtẽ nhisiwimhã. Tawamhã 'wanhipré wairébé mono wamhã, ti'ai wa'ro wa, ma 'wanhipré 'ré.

Hebreu 2:1

Tahawa, Cristuhu wasu'uwẽ hã wa te 're iwapari za'ra mono zép si, wa za wa te 're 'madâ'â pese za'ra, tiwi wasina 're wapahâ za'ra mono tõ da.