Luca 8:49 - ꞌRe Ihâimana Uꞌâsi Mono Zadawa Wasuꞌu

⁴⁹ Tawamhã pi'õi ma, te te rowasu'u ré, ma tô ãma wi, aibâ hã. Zairuhu u, ma wi. Isõrõwa hawi, ma itẽme wi, rowahutuzéb ãma 're da'anhimi'rui mono 'wai u hã. Tawamhã te Zairuhu ma rowasu'u aibâ hã, ãne: — Ai'ra hã ma tô aiwi dârâ, azaruture hã. Rowahutu'wai wi, ro'wa'ré da nherẽ, simiromhuri nherẽ.

Luca 8:49 ပူးပေါင်းရင်းမြစ်များ

Mateu 26:10

Tawamhã Zezusi hã te te sima ãma inharĩ za'ra zé hã te te tiwi waihu'u za'ra wamhã, te ãne na ãma sadanharĩ za'ra: — E marĩ da, te pi'õi ma inharĩ za'ra wa'wa. Tãma nharĩ za'ra wa'aba tõ. Tô'ã. I'uwaibaba ma tô ãne na hã ãma ĩzawi wẽ.

Mateu 9:18

Tawamhã Zezusi hã te te dama rowasu'u ré, ma tô aibâ hã itẽme wi, dama roti'wa hã. Itẽme wisi wamhã, ma tô hi'rãtitõ ipaparamhã nhamra. Tawamhã te ãne tãma tinha: — Ĩ'ra hã azarudu hã ma tô ĩwi dârâ, ãhã na si. Tane nherẽ, ma'ãpé ãma ĩme aimorĩ, asib'rada hã ãma hiri da, hâiwa'utu da, duré ĩma 're morĩ da apâ a'â.

Marcu 5:22

Tawamhã aibâ hã ma itẽme wi, Zairu na isisi hã zudeu norĩ te, rowahutuzé 'madâ'â'wa hã. Itẽme wisi wi, ma tô hi'rãtitõ aime, Zezusihi papara.

Luca 11:7

— Tahawa, te za ãté asa aima 'manharĩ 'wa: “Tane nherẽ, ĩ'utu zei õ di. Tahawa, i'u'ẽtẽ wapu hã te aima sõmri neza. Wa tô 'rinhito. Ĩ'ra norĩ me, wa oto wanhotõ za'ra ni.” Ãté, ãne te za aima 'manharĩ 'wa, asiwadi wa'wa hã. Tazahã, te za sô wahudu, i'u'ẽtẽ wapu zô, tiwi iwaptẽrẽzéb uwaibaba, te te aima 'manhomri da. E marĩ wa, te za aima 'manho. E asiwadi wa, te za aima 'manho. Mare di. Taha wab õ di. Marĩ õ wa, nasi tiwi waptẽrẽ wa, te za aima 'manho.

Luca 7:6

Tawamhã Zezusi te isiré timorĩ za'ra. Ma tô oto rosahutu za'ra, 'ri u. Te te rosahutu za'ra wamhã, romanu hã ma tô tisiwadi norĩ hã 'mazatõrĩ za'ra, te te tãma sadawa wasu'u za'ra da, Zezusihi ma. Tawamhã te te uzusi za'ra wamhã, ãne te tãma rowasu'u za'ra, Zezusihi ma: — Wasiwadi hã zudeu'õ nherẽ, ãté asébré õ di za, u, isõrõwa u. A hã, u, aiwẽ di. Õ hã, u, wẽ prã ti. Wẽ prãi wa, ãté isõrõwa u asébré õ di za, u.