Luca 8:48 - ꞌRe Ihâimana Uꞌâsi Mono Zadawa Wasuꞌu

⁴⁸ Tawamhã Zezusi te tãma tinha, ãne: — Ĩhidiba, za te aipesezém na ĩ'umnhasi wa, ma tô aihâzé hã aima apa. Rowẽ na te za oto 're aimo.

Luca 8:48 ပူးပေါင်းရင်းမြစ်များ

Ezodu 4:18

Tawamhã Mozési, timaprewa Zetruhu nhorõwa u ma tô mo. Tahawa, te ãne tãma tinha: — Ĩma rowairébé, a'â Ezitu u apâ ĩmorĩ da wasisabu za'ra da. Wa tô ĩsima wẽ, te sabu za'ra da zahadu rowẽ na 're hâimana za'ra mono zô. Tawamhã Zetru ma te ãma sada'â ãne: — Rowẽ na aimorĩ za!

Mateu 12:20

Duré, buru teihi hã sihâpâ na 're simasa mono wamhã, e te za da te 're si'ẽ. Mare di. Taré te za da te 're wahutu za'ra, wahu na apâ 're simasa mono da. Tane duré, sib'uware na ĩ'ãma 're inomro mono norĩ ma, te te tãma 're rob'manharĩ wasété za'ra mono õ di za, ta hã. Duré iro'ore hã ro'o nhib'uware nherẽ, da te 're isimroi mono õ ne, sib'uware na ĩ'ãma 're inomro mono norĩ ma, te te tãma 're rob'manharĩ wasété za'ra mono õ di za duré. Ta norĩ ãma te za 're siwamri u'âsi za'ra. Tawamhã nimahã na si te za oto isimipawapto wẽ zéb zarina, da te 're waihu'u za'ra, dapoto mono bâ, te 're ida'anho'reptui mono zém na hã, isitob'ru norĩ hã te te dawi 're ro'wa'rutu u'âsi za'ra mono nherẽ, da te 're waihu'u za'ra mono tõ da, te 're ida'anho'reptui mono zé wasu'u hã.

Mateu 8:13

Tawamhã te duré da'wapéi'wa norĩ wada'uri'wai ma tinha ãne: — Mo oto aimorĩ apâ, asõrõwa u. Asina ĩ'umnhasizéb zarina, wa za aipawapto tô. Tawamhã ãne te te tãma nharĩ wi, ma tô tipese, romanuhu ma, romhuri'wa hã.

Mateu 9:2

Tamomo ma tô ni'wam norĩ hã we siwi ti'â, imorĩ'õ hã isimiwaptâ ré. Imorĩ'õ za te te ipesezém na hã ma tô ãma siwi umnhasi, Zezusi hã. Tawamhã Zezusi hã taha na ma tô sina simirosa'rata waihu'u za'ra, aibâ norĩ hã. Tahawa, te imorĩ'õ ma tinha ãne: — Ĩsiwadi, aiwi robzei'õ tõ. Aiwasédé hã 're i'ab'manharĩ wasété mono zé hã te ai'ãma 're ab'madâ'â mono õ di za oto.

Mateu 9:22

Tawamhã pi'õ, i'uza te te upi wamhã, ma tô Zezusi hã sô aipi'ra. Sipi'rai wamhã, ma tô pi'õ hã 'madâ. Ãne te tãma tinha: — Ĩsiwadi, aiwi robzei'õ tõ. Za te i'aipesezém na, ĩ'umnhasi wa, ma tô aihâzé hã aima apa. Tawamhã awa'awi ma tô pi'õ hã séptârâ.

Marcu 5:34

Tawamhã Zezusi ma tô tãma waihu'u, ãne: — Ĩhidiba, za te aipesezém na, asina ĩ'umnhasi wa, ma tô aihâzé hã aima apa. Rowẽ na si aimorĩ. Ma tô aipe.

Luca 17:19

Tawamhã Zezusi hã te aibâ ma tinha, ãne: — Hâiwi asa na, asõrõwa u aimorĩ da oto. A hã ma tô ĩzaze, te aipesezém na. Tahawa, ma tô aséptâ, ĩzazei wa.

Luca 18:42

Tawamhã te Zezusi hã tãma tinha, ãne: — Rob'madâ'â. Asina ĩ'umnhasi wa, ma ato pe.

Luca 7:50

Tawamhã Zezusi te duré pi'õi ma tinha, ãne: — Ĩzazei wa, wa tô aipawapto, aiwasédé hã rẽme pese da. Rowẽ na te za oto 're aimo.

Luca 8:47

Tawamhã ma tô pi'õ hã sina wapa, Zezusihi mreme hã. Da te waihu'u ãna, sãmra õ di oto, pi'õ hã. Ãne ma tô sina waihu'u. Tawamhã rẽrẽ'ẽ sina, ma tô Zezusihi papara aime hi'rãtitõ. Danho'a te Zezusihi ma siwasu'u pese, ãne: — Ĩhâzé wa, wa ai'uza aiwi upi, ĩpese da. Tawamhã awa'awi wa tô séptârâ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:9

Paulu hã te te dama rowasu'u ré, ma tô ihi'ré hã mreme wapa. Tawamhã Paulu, ma tô itẽme rob'madâ. Te te 'madâ'â wamhã, ma tô sina waihu'u, tô sena Wanhib'apito te te isaze na hã, duré te te pese da, te te sina i'umnhasi na hã.

2 Corĩtu 6:18

Tawapsi, wa za duré Aimama za'ra wa'aba na hã aima 're ĩhâimana 'wa. Tawamhã ĩ'ra te za duré oto ĩma 're aihâimana za'ra wa'aba mo.”

Hebreu 4:2

Ta norĩ hã 'Re ihâimana u'âsi mono nhimiropisutu wẽ hã te te wapari za'ra nherẽ, te te sina uwaimrami za'ra õ di, te te ãma saze za'ra õ wa. Tane duré, wa norĩ zama wa tô 'Re ihâimana u'âsi mono wasu'uwẽ hã wa te 're wapari za'ra. Tane aiwa isimiropisutu wẽ na wa te 're saze za'ra mono õ wamhã, wa norĩ zama tô wa te wasina 're uwaimrami za'ra mono õ di za, te te wama iropisutu za'ra zé hã, 're idawa'utu u'âsi za'ra mono ne, 're wahâimana za'ra mono da hã oto, rowẽ uptabi na.

1 Samuéu 1:17

Tawamhã Eri te tãma tinha ãne: — Rowẽ na si aimorĩ. Wa aima wẽ tô, Izaraéu nhihudu norĩ te, 'Re ihâimana u'âsi mono si marĩ tiwi iwaptẽrẽzé hã te te aima sõmri da.