Luca 8:47 - ꞌRe Ihâimana Uꞌâsi Mono Zadawa Wasuꞌu

⁴⁷ Tawamhã ma tô pi'õ hã sina wapa, Zezusihi mreme hã. Da te waihu'u ãna, sãmra õ di oto, pi'õ hã. Ãne ma tô sina waihu'u. Tawamhã rẽrẽ'ẽ sina, ma tô Zezusihi papara aime hi'rãtitõ. Danho'a te Zezusihi ma siwasu'u pese, ãne: — Ĩhâzé wa, wa ai'uza aiwi upi, ĩpese da. Tawamhã awa'awi wa tô séptârâ.

Luca 8:47 ပူးပေါင်းရင်းမြစ်များ

Salmu 2:11

Uburé Danhib'apito ãma wazép sina, te za ãma 're aiwata za'ra wa'aba mo, isõ'remhã 're airẽrẽ'ẽ za'ra wa'aba mono sina.

Mateu 28:8

Tahawa, te sa'ẽtẽ oto asamro zahuré ab're hawi, pahi te. Pahi zahuré nherẽ, tãma rowẽ zahuré di, pi'õ norĩ ma hã. Zezusihi siré 're inomro mono norĩ ma, te te rowasu'u zahuré da, te asamro zahuré.

Marcu 5:33

Tahawa, te itẽme mo, pi'õ hã. Ma tô sihâiba waihu'u, ihâzé te te tãma ipari na. Tahawa, pahi nherẽ, te itẽme mo, rẽrẽ'ẽ sina. Hi'rãtitõ ma aime Zezusihi papara, tãma siwasu'u da. Ma tô tãma siwasu'u pese, pi'õ hã.

Luca 8:46

Tawamhã Zezusi asa te tãma tinha, ãne: — Ni'wa hã ma tô ĩ'uza hã ĩwi upi. Ĩwaihu'u pese na, wa tô pese. Ãne, wa tô ĩsina waihu'u.

Luca 8:48

Tawamhã Zezusi te tãma tinha, ãne: — Ĩhidiba, za te aipesezém na ĩ'umnhasi wa, ma tô aihâzé hã aima apa. Rowẽ na te za oto 're aimo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:29

Tawamhã ma tô dazazé 'madâ'â'wa hã rob'uiwẽzéb zô hâ. Wara sina, ma tô itẽme tizébré zahuré, Paulu norĩ u. Ipapara, ma tô aime zahuré hi'rãtitõ, rẽrẽ'ẽ sina.

1 Corĩtu 2:3

Te ãma asabu za'ra wa'aba wamhã, ĩpẽ'ẽ 'remhã ĩnhib'uware di. Tahawa, wa tô duré ĩpahi te hã, rẽrẽ, ĩnhimiromhuri na 'Re ihâimana u'âsi mono ma, te ãma 're i'uwaimrami mono zém na hã te 're 'wanhi'riti mono õ'umnhasite.

2 Corĩtu 7:15

Titu hã ai'rata sãmra aba ré, ma tô isimiroti hã asiwi iwapari pese 'wa. Ma tô duré asiwi iwazéb za'ra wa'aba sina, asiwi i'âri wẽ wa'wa. Tawamhã taha na nasi ai'ãma po're pu'u za'ra wa'aba wamhã, ma tô isimizawizé ai'ãma za'ra wa'aba hã te te sina tãma 're hâimo u'âsi.

Filipu 2:12

Ĩsisãnawã norĩ, ĩma asawi pese za'ra wa'aba norĩ hã, ma'ãpé ĩwapari pese za'ra wa'aba za. Wa hã tame ai'rata ĩhâimana za'ra wa'aba ré, ma tô ĩnhimiroti hã iwapari pese za'ra wa'wa. Tane nherẽ, ãhã na oto ai'rata ĩhâimana za'ra wa'aba õ nherẽ, te duré ĩnhimiroti hã 're iwapari pese za'ra wa'aba mo, ãma atẽme ĩwisi za'ra wa'aba õ nherẽ. Aihâimana prédup sina, te za 're iromhuri pese za'ra wa'aba mo, 'Re ihâimana u'âsi mono te te asõ'reptu za'ra wa'aba zéb zarina, 're anomro wẽ wa'aba mono zém na tãma ãma asina 're uwaimrami u'âsi za'ra wa'aba mono da.

Hebreu 12:28

'Re ihâimana u'âsi mono hã 'râwi te te 're wa'ab'madâ'â mono da, i'rata 're iwahâimana u'âsi za'ra mono zéb da hã, ma tô te te wama 're apisutu, da te wawi ãma i'ai'uté waihu'u za'ra õ hã. Tahawa, wa za 'Re ihâimana u'âsi mono ãma 're wawata u'âsi za'ra, sõpru wa. Te te sima 're iwa'awẽ mono zéb zarina, wa za ãma 're wawata u'âsi za'ra, wa te wasiwi 're wazéb za'ra mono sina, wama 're toi u'âsi mono da.

1 Samuéu 16:4

Tawamhã Samuéu hã ma tô 'manha, Uburé Danhib'apito te te tãma i'ruzéb uwaibaba. Taha pari, ma tô Belẽ u hã mo. Tawamhã oto wisi wamhã, 'ri'ahâ ãma dama i'rãnho'õmo norĩ hã ma tô pahi te rẽrẽ'ẽ sina, sina uzusi za'ra. Tawamhã te ãne siwi sadanha: — E aiwaimri na te we aimo, ã wamhã.