Luca 8:46 - ꞌRe Ihâimana Uꞌâsi Mono Zadawa Wasuꞌu

⁴⁶ Tawamhã Zezusi asa te tãma tinha, ãne: — Ni'wa hã ma tô ĩ'uza hã ĩwi upi. Ĩwaihu'u pese na, wa tô pese. Ãne, wa tô ĩsina waihu'u.

Luca 8:46 ပူးပေါင်းရင်းမြစ်များ

Luca 5:17

Tawamhã apâ datẽme wisi wamhã, te nimahã bâtâ na dama rowasu'u, Zezusi hã. Te te dama rowasu'u ré, te i'rata ai'ubumro, farizeu norĩ hã. Rowahutu'wa norĩ me, te i'rata ai'ubumro, 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ hã. Ta norĩ hã ma tô itẽme sito Galiléa hawi, duré Zudéa hawi, duré Zeruzalẽ hawi. Tawamhã 'Re ihâimana u'âsi mono tiwaihu'u pe hã, te te tãma isõmri na, ma tô da'apese, Zezusi hã.

Luca 6:19

Simipese waihu'u pese wa, ma tô dasima wẽ za'ra ni, danhib'rata na da te upi za'ra da, rowẽ na oto 're dasi'ubumroi mono da.

Luca 8:47

Tawamhã ma tô pi'õ hã sina wapa, Zezusihi mreme hã. Da te waihu'u ãna, sãmra õ di oto, pi'õ hã. Ãne ma tô sina waihu'u. Tawamhã rẽrẽ'ẽ sina, ma tô Zezusihi papara aime hi'rãtitõ. Danho'a te Zezusihi ma siwasu'u pese, ãne: — Ĩhâzé wa, wa ai'uza aiwi upi, ĩpese da. Tawamhã awa'awi wa tô séptârâ.

1 Pedru 2:9

Tanei õ di, a norĩ wa'wa hã. 'Re ihâimana u'âsi mono, ma tô sima aipisutu za'ra wa'wa, isib'a'uwẽ si oto tãma 're anomro aba mono da. Sasedoti norĩ hã te te sima 're i'apisutu mono ne, te oto a norĩ wa'wa hã uburé Danhib'apito ma romhuri'wa, 're anomro aba mo, õhõ ãma si 're anomro aba mono da, ite da. Ta hã robra hawi ma tô rowa'a u sitẽme asô tihârâ za'ra wa'wa, 're anomro wasété aba mono zém hawi, rowẽ uptabi na si 're anomro aba mono da oto. Taha wasu'u na, tiwaihu'u pese na te te aima ãma 're i'uwaimrami wẽ za'ra wa'aba mono zém na, ma tô sima aipisutu za'ra wa'wa, ãma 're dapo're pu'u u'âsi za'ra wa'aba mono da.