Luca 8:40 - ꞌRe Ihâimana Uꞌâsi Mono Zadawa Wasuꞌu

⁴⁰ Tawamhã ma tô Zezusi norĩ hã apâ saprĩ za'ra, zara u. Zara niwĩ, ma tô da'ahâ na iwana sô ropsãmri za'ra ni. Tawamhã apâ datẽme wisi wẽ te, ma Zezusi hã sawi za'ra ni, dato sina.

Luca 8:40 ပူးပေါင်းရင်းမြစ်များ

Provébiu 8:34

Ni'wa hã te te 're ĩwapari pese mono hã te za tãma robze sina 're hâimana, ĩnhorõwa 'ridawa ãma tame ĩzô bâtâ sidâpâsi 're isimipari mono hã.

Mateu 9:1

Tawamhã Zezusi hã ma tô uba're 're ãzé, zara u te te saprĩ da. Te te saprĩ wamhã, ma tô 'ri nho'õmo u hã wi, tirob u.

Marcu 12:37

— Danho'reptui'wa da hã tinhib'apito na ma tô sisi, Dawi hã. Isib'apito 're morĩ nherẽ, e niha te za isa'u si poto nherẽ, Danho'reptui'wa da hã isihudu na 're hâimana. Tawamhã Zezusihi nhimiroti hã wẽ wa, ma da'ahâ na wapari ze za'ra ni.

Marcu 5:21

Tawamhã Zezusi hã ma tô apâ saprĩ, zara u. Da'ahâ na, ma itẽme tasi'rã'õtõ ni, â zaihâ u hã.

Luca 19:48

Tane nherẽ, Zezusi te te siwi wĩrĩ da nherẽ, te te siwi wĩrĩ õ di. E marĩ wa. Te te 're iwapari za'ra mono norĩ hã ahâ wa, te te siwi wĩrĩ waihu'u õ di.

Luca 19:6

Tahawa, ma si'aba'ré na si'ra. To sina, ma tô tãma tinha, isõrõwa u isiré morĩ da, i'rata a'â sãmra da.

Luca 5:1

Tawamhã Zezusi hã te nhamra, isõ'u zaihâ na, Zenezaré na isõ'u nhisi ãma, 'Re ihâimana u'âsi mono te te dama sadawa wasu'u da. Da'ahâ uptabi na ma tô itẽme hã dasito, da te wapari za'ra da hã.

Luca 8:39

— Apâ aimorĩ, asõrõwa u, 'Re ihâimana u'âsi mono, iwẽ na te te aipawaptobzém na asisãnawã norĩ ma, asiwasu'u da. Tawamhã aibâ te oto mo, tinhorõwa u, 'ri baba dama siwasu'u mono da, Zezusi te te ipawaptobzém na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:33

Tahawa, wa tô ĩsi'aba'ré na ãma asô da'mazatõ, we aimorĩ da. Ãhã zarina, ma tô we oto watẽme aiwi. Rowẽ di oto ãhã na ĩma hã. Ãhã na wa tô ãme wasi'rã'õtõ ni, 'Re ihâimana u'âsi mono nho'a, Wanhib'apito te te aima ipisutuzéb zarina, wa te wapari za'ra da, isimiroti hã.