Luca 8:39 - ꞌRe Ihâimana Uꞌâsi Mono Zadawa Wasuꞌu

³⁹ — Apâ aimorĩ, asõrõwa u, 'Re ihâimana u'âsi mono, iwẽ na te te aipawaptobzém na asisãnawã norĩ ma, asiwasu'u da. Tawamhã aibâ te oto mo, tinhorõwa u, 'ri baba dama siwasu'u mono da, Zezusi te te ipawaptobzém na hã.

Luca 8:39 ပူးပေါင်းရင်းမြစ်များ

Marcu 1:45

Tazahã aibâ hã rowasu'u wẽ na ma tô ãma ropé. Tahawa, sõ'awi 'ri ahâ u hã datẽme 're ne waihu'u mono õ di, Zezusi hã. Tahawa, a'ubuni wi te a'â 're hâimana, danhiti. Tame 're hâimana mono ré, te itẽme 're dasihutu, daro mono bâ, da te 're sabu za'ra mono da.

Marcu 5:18

Tahawa, Zezusi ma oto ãzé uba're wa, danhiti morĩ da. Uba're wa, sébré wi, te aibâ hã ãne sina 'mahâ, wa'uburé ré aré 're imorĩ hã: — Ma'ãpé ĩma pisutu, asiré 're ĩmorĩ da.

Marcu 5:19

Tane nherẽ, Zezusi te te ãma sazei õ di. Tahawa, ma te aibâ ma waihu'u, ãne: — Apâ te za aimo, asõrõwa u, 'Re ihâimana u'âsi mono, iwẽ na te te aipawaptobzém na asisãnawã norĩ ma, asiwasu'u da.

Luca 8:38

Tawamhã aibâ te sina 'mahâ, Zezusihi siré 're morĩ da, te te tãma pisutu da, wa'uburé ihawi iwairébé hã. Tane nherẽ, te Zezusi hã aibâ ma tinha, ãne:

Luca 8:40

Tawamhã ma tô Zezusi norĩ hã apâ saprĩ za'ra, zara u. Zara niwĩ, ma tô da'ahâ na iwana sô ropsãmri za'ra ni. Tawamhã apâ datẽme wisi wẽ te, ma Zezusi hã sawi za'ra ni, dato sina.

1 Timotiu 5:8

Ãté ni'wam norĩ tisisãnawã tinhimarĩ na hã te te 're pawapto pese za'ra mono õ di za. Ãté isõrõwa 're, 're ihâimana za'ra mono norĩ zama, te te 're pawaptob za'ra mono õ di za. Ãne wamhã, Wanhib'apito nhimiroti zarina te te 're pawapto pese za'ra mono õ wamhã, te aré isazei'õ'wa ne oto 're nomro. Ãne wamhã, te te 're ipawaptob za'ra mono õ na, te aré isazei'õ'wa norĩ hã 'rãnhipa za'ra, tihâimana wasété na hã.