Luca 8:37 - ꞌRe Ihâimana Uꞌâsi Mono Zadawa Wasuꞌu

³⁷ Tawamhã aibâ wasu'u te te wapari za'ra wamhã, ma tô tãma tipẽ'ẽwara za'ra. Tahawa, te Zezusihi ma rob'ru za'ra, irom nhiti morĩ za'ra da. Aihĩni te tãma rob'ru za'ra, Zeraza ãma 're isi'ubumroi mono norĩ hã. Tawamhã Zezusi te za oto ãzé, uba're wa, danhiti morĩ da.

Luca 8:37 ပူးပေါင်းရင်းမြစ်များ

Mateu 8:34

Tawamhã 'ri nho'õmo ãma 're idasi'ubumroi mono norĩ hã ma tô aihĩni tawairébé ni, Zezusi hã da te dasina uzusi za'ra da. Tawamhã ma tô sãmri za'ra ni. Da te dasiwi sãmri wamhã, ma tô tãma rob'ru za'ra ni: — Ma'ãpé, warom nhiti aimorĩ, nimomo. — Ãne te dasiwi satõrĩ ni, Zezusi hã.

Marcu 5:17

Tawamhã te siwi satõ, danhipti'ai hawi watobro da, Zezusi hã.

Luca 10:16

Tawamhã te tãma nharĩ za'ra, tisiré 're inomro mono norĩ ma, ãne: — Ni'wam norĩ hã ĩzadawa wasu'u na, te te 're aiwapari pese za'ra wa'aba mono wamhã, ĩmreme 'madâ'â pese 'wa na, wa za ta norĩ hã te ĩsina 're awaihu'u. Duré ni'wam norĩ hã ĩzadawa wasu'u na te te 're aiwẽ'õ za'ra wa'aba mono wamhã, ĩwẽ'õ'wa na, wa za duré ta norĩ hã ĩsina te 're awaihu'u. We ĩzatõrĩ'wai wẽ'õ'wa na zama, wa za ta norĩ hã te ĩsina 're awaihu'u.

Luca 5:8

Tebe ahâ na te te awaibui wamhã, ma tô ãma titob'uzu za'ra. Tiagu norĩ zama, ma tô ãma titob'uzu zahuré, Zuwãhã me. Ta norĩ hã Zebedehe 'ra zahuré. Isiré tepe na, te te 're romhuri zahuré, Simahã siré hã. Tawamhã hi'rãtitõ, ma aime Zezusihi papara, Sima Pedru hã, tebe ahâ na te te 'madâ'â wa. Ãne te Zezusihi ma tinha: — Ĩ'rata asãmra õ di za. Te za oto aimo, ĩnhiti. Wa hã ĩwasétére di. Tawamhã Zezusi te asa tãma tinha, ãne: — Asina aipahi õ di za. Tepe na 're iromhuri mono ne, te za oto ĩma 're ida'awaibui wẽ mo.

Luca 8:28

Aibâ hã da'rata 're sãmra mono ré, ma tô da te 're 'madâ'â za'ra, 're pusi tõ mono da. Ma tô da te dasiwi 're hi wasisi, isi'uwazi nhorõ rutu na. Te duré da te dasiwi 're pa wasisi. Tazahã, tihi wasisizé hã te te sina 're anhinarĩ, tipawasisizéb zama. Taha pari, te wa'uburé hã te te siwi 're saprõni, a'ubuni u. Tawamhã aibâ hã Zezusi te te 'madâ'â wamhã, ma tô 're sadari. Tahawa, hi'rãtitõ ma aime, Zezusihi papara. Tawamhã mreme 'rãihâ na te tãma tinha, ãne: — Zezusi, 'Re ihâimana u'âsi mono 'ra, e marĩ ĩ'ãma 'manharĩ da, te we aimo. Ĩ'azâri õ di za. Ãne, wa ĩsina aipa'uwati.

Luca 8:36

Tawamhã ãma i'madâ'â za'ra 'wa norĩ hã te aibâ wasu'u hã dama wasu'u za'ra, isihutu norĩ ma. Aibâ, Zezusi te te ipawaptobzém na, te tãma rowasu'u za'ra.

Luca 8:38

Tawamhã aibâ te sina 'mahâ, Zezusihi siré 're morĩ da, te te tãma pisutu da, wa'uburé ihawi iwairébé hã. Tane nherẽ, te Zezusi hã aibâ ma tinha, ãne:

Luca 9:5

Datẽme 're aihutu aba mono wamhã, ãté asô 're datob'uzu za'ra wa'aba mono õ di za. Tawamhã dahawi te za 're aiwairébé aba mo, darob amoi u. Dahawi 're aiwairébé aba mono wamhã, aipara'uza zapru hã te za 're itata'a za'ra wa'aba mo, ti'ai u 're rere'e mono da, dawasété ma ropibuma, asimirowasu'u na, da te dasiwi 're aiwẽ'õ za'ra wa'aba mono wa.

Luca 9:56

Taha pari, ma tô ai'aba'ré, 'ri wa'õtõ hâiba amoi u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:39

Tahawa, ma tô itẽme ai'aba'ré, tãma siwasu'u za'ra da, Paulu norĩ ma, ta norĩ hã te te sina 'ruiwapari za'ra tõ da. Taha pari, ma tô siwi sani zahuré dazazém hawi, neb zahuré da. Tawamhã ma tô tãma rob'ru za'ra, 'ri nho'õmo hawi neb zahuré da oto.

1 Samuéu 6:20

Tawamhã aibâ norĩ Bete-Semesi ãma 're ihâimana za'ra mono norĩ hã te sima nharĩ za'ra ãne: — E 'wa hã te za Uburé Danhib'apito 'Re ihâimana u'âsi mono nho'remhã tihâiba, iwasété'õ iwẽ uptabi nho'remhã. Mare di. Ni'wa hã ihâimana da hã waihu'u õ di. Duré isimiroti ré, wedehâ're hã e momo wa za wasiwi sõmri ni, wanhiti za'ra 're ihâimana mono da hã.