Luca 8:34 - ꞌRe Ihâimana Uꞌâsi Mono Zadawa Wasuꞌu

³⁴ Tawamhã uhâbâ 'madâ'â'wa norĩ hã te te 'madâ'â za'ra wamhã, te isiti datẽme sisa're, wara sina. 'Ri nho'õmo ãma, ma tô dama rowasu'u za'ra. Rom na, 'ri wa'õtõ ãma zama, ma tô dama rowasu'u za'ra.

Luca 8:34 ပူးပေါင်းရင်းမြစ်များ

Mateu 28:11

Tawamhã Maria Madaréna norĩ hã zahadu neb zahuré ré, ma tô ab're 'madâ'â'wa norĩ ni'wam norĩ hã ai'aba'ré, Zeruzalẽ u. Zahadu te duré taha wamhã ni'wam norĩ hã asimro, ab're 'rata. Tawamhã Zeruzalẽ u isi'aba'ré norĩ hã, sasedoti ipire norĩ ma, ma tô rowasu'u za'ra, uburé iromhâimana mono zém na hã.

Mateu 8:33

Tawamhã uhâbâ 'madâ'â'wa norĩ hã ma tô isiti sisa're. 'Ri nho'õmo u ma tô sisa're. Tame ma tô uburé dama rowasu'u za'ra, aibâ norĩ ma, niha iromhâimana zahuré zém na hã, wa'uburé ré 're ineb zahuré ma.

Marcu 5:14

Si'utõrĩ wi, te uhâbâ 'madâ'â'wa norĩ hã isiti sisa're wara sina, 'ri ahâ u, te te dama rowasu'u za'ra da, duré rom na 'ri wa'õtõ ãma zama. Tawamhã da'ahâ na ma tô itẽme ai'aba'ré ni, da te 'madâ'â za'ra da hã.

Luca 8:33

Tawamhã aibâ hawi ma tô wairé wa'uburé norĩ hã, uhâbâi u si'aba'ré da, ihâiba 're, 're si'ubumroi mono da. Tawamhã itẽme sisisi wamhã, uhâbâ norĩ hã te sisa're, wara sina. Sa'a hawi, te pi'reba sisa're, isõ'ui u. Tawamhã âi ba ma tô rere. Tahawa, ma ai'utõ uburé.

Luca 8:35

Tawamhã isimirowasu'u hã da te wapari za'ra wamhã, te itẽme ai'aba'ré ni, da te sabu za'ra da. Zezusihi u dasihutu wamhã, ma tô aibâ hã 'madâ'â za'ra ni, wa'uburé ihawi iwairébé hã. Uza ré, te oto nhamra Zezusihi papara, rowẽ na. Tawamhã tãma rowẽ wa, ma tô tãma tipahi za'ra, dama 're irowẽ za'ra mono zé hã tãma sa'rese za'ra õ wa.