Luca 8:24 - ꞌRe Ihâimana Uꞌâsi Mono Zadawa Wasuꞌu

²⁴ Tahawa, ma Zezusihi u tiwahutu za'ra, te te siwi utu da. Tawamhã ãne te siwi 'mahâ: — Rowahutu'wa, rowahutu'wa, wa za ai'utõrĩ ni. Tawamhã Zezusi ma tô udu. Duré ma tô wahudu hâiwi. Rowa'u'u ma, te tinha, te te sazâri da. Duré â ma, te tinha, âtu da. Tahawa, ma tô sazâ, rowa'u hã. Duré ma tô ti'âtu oto.

Luca 8:24 ပူးပေါင်းရင်းမြစ်များ

Mateu 14:30

Tawamhã â nhisi baba itẽme morĩ wamhã, ma tô rowa'u'u za'ẽtẽ ma hã tipahi, Pedru hã. Tahawa, ma tô tizadari. Taha wamhã, ma tô aré ãzé, â 'rowi. Tahawa, te sina 'mahâ, ãne: — Wanhib'apito, ma'ãpé ĩnho'reptu na, ĩdâ'â tõ da.

Mateu 8:25

Tawamhã isiré 're inomro mono norĩ hã ma tô itẽme sina roptob za'ra, te te siwi utu da. Taha wamhã, te ãne siwi 'mahâ: — Wanhib'apito, ma'ãpé wanho'reptu za'ra na. Wa za ai'utõrĩ ni.

Marcu 4:39

Tawamhã ma tô wahudu. Wahutu wamhã, rowa'u'u ma, te tinha, wa'u'utu da. Duré âsisasisi ma zama, te tinha, ãne: — Ma'ãpé ai'âtu na. Tawamhã ma tô sazâ, rowa'u hã. Ma tô duré ti'âtu oto.

Luca 4:35

Tahawa, ma tô Zezusi hã wa'uburé ma tinha, ãne: — Tô'ã, we ĩma nharĩ tõ, tane na hã. Mo oto aiwatobro, aibâ hawi. Tawamhã sisa'u ma tô aibâ hã time ti'ai u, danho'a. Taha pari, ma aibâ hawi watobro, te te u'a ãna.

Luca 4:39

Tahawa, isimiwaptâ u hã te itẽme mo. I'rata te za. Tawamhã iwa'ro ma, te tinha, wahâ da. Tahawa, ma tô tiwahâ. Awa'awi ma tô wahudu. Wahutu wamhã, ma tô tãma api za'ra, saihuri da hã.

Luca 5:5

Tahawa, ma tô Sima hã asa tãma siwasu'u, ãne: — Mara bâre, wa tô wei wa te sô sãmra. Tane nherẽ, wa te 'mai'âri za'ra õ di. Tepe õ di. Tane nherẽ, i'ruzéb zarina wa za wasiwi me ni.

Luca 8:25

Tawamhã tisiré 're inomro mono norĩ ma, te tinha, ãne: — E niha bâ asiwi ĩ'umnhasi aba õ di. Tahawa, te sima nharĩ za'ra, ãne: — E niha õ hã aibâ, rowa'u'u ma, te te nharĩ wamhã, ma tô rowa'u hã sazâ. Duré, â nhibzaihâ ma hã, te tinha. Tahawa, ma tô ti'âtu. Imreme hã ma tô wapari zahuré. Mreme pire wa, ma ãma titob'uzu za'ra. Õne hã tãma sa'rese za'ra õ wa, ma tô tãma tipahi za'ra, isiré 're inomro mono norĩ hã.