Luca 8:2 - ꞌRe Ihâimana Uꞌâsi Mono Zadawa Wasuꞌu

² Pi'õ norĩ zama, te isiré 're nomro, wa'uburé, te te tãma 're i'anhamra mono norĩ hã. Duré, ihâzé hã te te tãma 're i'apari mono norĩ zama, te isiré 're nomro. Pi'õ nhisi hã, Maria Madaréna na isisi hã, wa'uburé hã, 7 na ihâiba za'ra hã te te tãma isãmra za'ra hã.

Luca 8:2 ပူးပေါင်းရင်းမြစ်များ

Mateu 4:24

Tawamhã Zezusi te te ida'apesezém na, ma tô rowasu'u hã te te ropé, Siria na danhipti'a nho'õmo nhisi ãma. Tahawa, ma tô itẽme da te 're 'wasari dahâzé mono bâ, uburé aimawi hã dahâzé da te 're isépata za'ra mono norĩ hã, wa'uburé te te 're iwamnarĩ za'ra mono norĩ hã, duré da'rã siwamnarĩ wa, 're idahâiba popo'o za'ra mono norĩ hã, duré imorĩ'õ norĩ hã. Uburé ma tô taha wamhã da'apese, Zezusi hã.

Marcu 16:1

Tawamhã bâdâ oto sébré wamhã, tâibâ oto sabadu hã romhuri zahârizé zudeu norĩ te hã. Tawamhã pi'õ norĩ iwa'u zadaze hã, ma tô siwi uipra, te te siwi ãma hâiba u'ré da, Zezusi hã. Pi'õ norĩ nhisi hã Maria Madaréna, duré Salomé, duré Maria, Tiaguhu na hã.

Marcu 16:9

Zezusi hã dumigu na ma tô apâ hâiwa'udu, mararé. Tawamhã imorĩ'rata na ma tô Maria Madarénahã ma, sihâi'ré. Ti'ai baba 're morĩ ré, ma tô taha ma, wa'uburé hã 7 na sãmra.

Luca 23:27

Tawamhã da'ahâ na te Zezusihi zarina ai'aba'ré ni. Pi'õ zama, te dame ai'aba'ré, wawa sina. Zezusihi ãma pẽ'ẽzé uptabi za'ra wa, te 'ru'ru.

Luca 23:49

Zezusihi zawi pese'wa norĩ hã, romhâ na ma tô ãma da'madâ'â za'ra. Pi'õ norĩ zama, te romhâ na ãma da'madâ'â za'ra, Galiléa hawi isarina isi'aba'ré norĩ hã.

Luca 23:55

Tawamhã Zuzé hã ab're u morĩ wamhã, ma tô pi'õ norĩ hã isarina ai'aba'ré. Zezusihi zarina, Galiléa hawi we isi'aba'ré, pi'õ norĩ hã. Tawamhã ab're hã ma tô sabu za'ra. Duré Zezusihi hâiba, Zuzé te te isẽrẽzé hã ma tô sabu za'ra.

Luca 8:30

Tawamhã Zezusi hã te sadanha, ãne isisi zô: — E niha asisi hã. — Ahâ na, ĩnhisi hã. — Ãne te aibâ hã tãma sisisi, wa'uburé hã ãma ahâ wa.

Zuwã 19:25

Tame te pi'õ norĩ hã aimasa, Zezusihi za'ozéb 'rata ina norĩ hã, duré ina wapté, duré Maria, Coropasihi mro, duré Maria Madaréna.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:14

Tawamhã awẽ sidâpâsi te nasi si'rã'õtõ, 'Re ihâimana u'âsi mono ma, mreme zusi da nasi, Zezusihi no norĩ me, duré ina Maria na isisi hã aimawi pi'õ norĩ me.