Luca 7:7 - ꞌRe Ihâimana Uꞌâsi Mono Zadawa Wasuꞌu

⁷ Wẽ prãi wa, si'uihâ na we atẽme morĩ õ di za, u, tãma iromhuri'wa hã tãma pese da. Romhâ na nherẽ, aimreme pire wa, te za, u, aimreme na tãma ipe, rowẽ na tãma 're sãmra mono da.

Luca 7:7 ပူးပေါင်းရင်းမြစ်များ

Ezodu 15:26

Tahawa, te ãne tãma nharĩ za'ra: — Te aima inharĩ za'ra wa'aba zém na ĩwapari pese za'ra wa'aba wamhã, i'uwaibaba na marĩ 're 'manharĩ za'ra wa'aba mono wamhã, duré aima ĩnhimiroti za'ra wa'aba zé hã asima 're tété za'ra wa'aba mono wamhã, wa hã aihâzé na te i'aihâ za'ra wa'aba da hã mare di za, ezipsiu norĩ te ãma ihâ za'ra zém ne hã. Wa hã Uburé Danhib'apito, te 're i'aipese za'ra wa'aba mono 'wa.

Marcu 1:27

Tawamhã ma ãma tatob'uzu za'ra ni. 'Râwi te ãma dasima rowasu'u za'ra ni, ãne: — Õ hã, e niha. Wama isa'rese õ na, te wama rowahutu za'ra. Wa'uburé norĩ ma, te te rob'rui wamhã, ma tô duré wapari za'ra, imreme hã.

Luca 4:36

Tawamhã da te 'madâ'â za'ra wamhã, ma ãma tatob'uzu za'ra ni, uburé. Tahawa, te ãne dasima nharĩ za'ra ni: — Õ hã mreme pire di. Waihu'u pese di. Dahawi si'aba'ré da, te za tãma rob'ru za'ra. Tawamhã te za dahawi ai'aba'ré.

Luca 5:13

Tawamhã tinhib'rada hã ma tô wahutu Zezusi hã, te te ãma upi da. Te te upi wamhã, te tãma tinha, ãne: — Wa tô ĩsima aiwẽ tô, te aipese da. Tâibâ za oto aihâzé hã. Tawamhã awa'awi ma i'wa're hã tãma aimani za'ra.

Luca 7:6

Tawamhã Zezusi te isiré timorĩ za'ra. Ma tô oto rosahutu za'ra, 'ri u. Te te rosahutu za'ra wamhã, romanu hã ma tô tisiwadi norĩ hã 'mazatõrĩ za'ra, te te tãma sadawa wasu'u za'ra da, Zezusihi ma. Tawamhã te te uzusi za'ra wamhã, ãne te tãma rowasu'u za'ra, Zezusihi ma: — Wasiwadi hã zudeu'õ nherẽ, ãté asébré õ di za, u, isõrõwa u. A hã, u, aiwẽ di. Õ hã, u, wẽ prã ti. Wẽ prãi wa, ãté isõrõwa u asébré õ di za, u.

Luca 7:8

Romanu hã, damreme ipire hã tãma waihu'u pese di, u. Isib'apito norĩ mreme hã tãma pire za'ra di, u. Duré õ hã, u, imreme hã pire di, tinhib'a'uwẽ norĩ ma, da'wapéi'wa norĩ ma. Tawamhã te te 'mazatõrĩ wamhã, te za, u, mo, isadawa para. Sô hârâ wa, te za u, itẽme wi, isadawa para. Duré marĩ hã tãma iromhuri'wai ma, te te 'rui wamhã, te za, u, tãma 'manha, te te tãma i'ruzéb uwaibaba. Tahawa, aimreme hã pire wa, te za, u, tãma ipe, tãma iromhuri'wa hã, rowẽ na tãma 're sãmra mono da.

1 Samuéu 2:6

Uburé Danhib'apito si dahâimanazé 'rãsutu pisutu'wa hã, duré dahâimana na'rata zé pisutu'wa hã. Ta hã te te 're da'azatõrĩ, adâ 're ihâimana za'ra mono zéb u hã. Ta hã te duré te te 're da'azani, ta hawimhã.