Luca 7:50 - ꞌRe Ihâimana Uꞌâsi Mono Zadawa Wasuꞌu

⁵⁰ Tawamhã Zezusi te duré pi'õi ma tinha, ãne: — Ĩzazei wa, wa tô aipawapto, aiwasédé hã rẽme pese da. Rowẽ na te za oto 're aimo.

Luca 7:50 ပူးပေါင်းရင်းမြစ်များ

Mateu 9:22

Tawamhã pi'õ, i'uza te te upi wamhã, ma tô Zezusi hã sô aipi'ra. Sipi'rai wamhã, ma tô pi'õ hã 'madâ. Ãne te tãma tinha: — Ĩsiwadi, aiwi robzei'õ tõ. Za te i'aipesezém na, ĩ'umnhasi wa, ma tô aihâzé hã aima apa. Tawamhã awa'awi ma tô pi'õ hã séptârâ.

Marcu 10:52

Tawamhã Zezusi te ãne tãma tinha: — Te za oto aimo. Asina ĩ'umnhasi wa, ma tô ato pe. Tawamhã awa'awi ma tô rob'madâ'â wẽ, aibâ hã. Tawamhã Zezusihi zarina te oto mo, bâdâdi na.

Marcu 5:34

Tawamhã Zezusi ma tô tãma waihu'u, ãne: — Ĩhidiba, za te aipesezém na, asina ĩ'umnhasi wa, ma tô aihâzé hã aima apa. Rowẽ na si aimorĩ. Ma tô aipe.

Luca 17:19

Tawamhã Zezusi hã te aibâ ma tinha, ãne: — Hâiwi asa na, asõrõwa u aimorĩ da oto. A hã ma tô ĩzaze, te aipesezém na. Tahawa, ma tô aséptâ, ĩzazei wa.

Luca 18:42

Tawamhã te Zezusi hã tãma tinha, ãne: — Rob'madâ'â. Asina ĩ'umnhasi wa, ma ato pe.

Luca 7:9

Tawamhã Zezusi ãne hã te te wapari wamhã, ma tô ãma titob'uzu, isimirowasu'u za'ra na, romanuhu ãma hã. Tawamhã ma aipi'ra datẽme, da'ahâ uptabi na isarina isi'aba'ré norĩ u. Ãne te dama tinha: — Tô sena, wa aima waihu'u za'ra wa'wa. Ã hã te te sina ĩ'umnhasizém na hã, niwa te i'madâ'â õ, Izaraéu nhihudu norĩ nhipti'ai ãma hã. Ta norĩ hã te te ãma siwi wabzu õ di, te te sina ĩ'umnhasizém na hã.

Luca 8:18

— Tahawa, ma'ãpé ĩmreme hã 're wapari pese za'ra wa'aba mono. Tawamhã ĩzadawa wasu'u hã te za te te aima 're waihu'u za'ẽtẽ za'ra wa'wa, 'Re ihâimana u'âsi mono hã. Ĩmreme hã 're wapari pese za'ra wa'aba mono õ wamhã, te za apâ te te aiwi 're awaibui wa'wa, ĩzadawa wasu'u hã. Tawamhã ĩmreme waihu'u'wa na, 'râwi 're asi'madâ'â ze za'ra wa'aba mono nherẽ, te za ĩmreme waihu'u'õ'wa ne, oto 're anomro aba mo.

Luca 8:48

Tawamhã Zezusi te tãma tinha, ãne: — Ĩhidiba, za te aipesezém na ĩ'umnhasi wa, ma tô aihâzé hã aima apa. Rowẽ na te za oto 're aimo.

1 Samuéu 1:17

Tawamhã Eri te tãma tinha ãne: — Rowẽ na si aimorĩ. Wa aima wẽ tô, Izaraéu nhihudu norĩ te, 'Re ihâimana u'âsi mono si marĩ tiwi iwaptẽrẽzé hã te te aima sõmri da.