Luca 7:49 - ꞌRe Ihâimana Uꞌâsi Mono Zadawa Wasuꞌu

⁴⁹ Tawamhã Zezusihi mreme, ma tô pi'õi ãma wapari za'ra, isiré isaihuri norĩ hã. Tahawa, ma tô tipẽ'ẽ na tãma nharĩ za'ra: — E 'wa hã õ hã, marĩ, da te 're i'manharĩ wasété za'ra mono zé, te te dama 're i'apari mono hã.

Luca 7:49 ပူးပေါင်းရင်းမြစ်များ

Mateu 9:10

Tawamhã bara na ma tô isiré 're inomro mono norĩ hã Zezusihi me tisaihu. Mateuhu nhorõwa ãma te taha wamhã tisaihu. Saihuri ré, ma tô rob'uiprazé arĩ ubumroi'wa norĩ hã itẽme asisi 'ri para u, ahâ na, isiré saihuri da. Ni'wam norĩ hã zudeu nherẽ, farizeu norĩ nhimiroti zarina 're ihâimana za'ra mono õ norĩ zama ma tô duré itẽmemhã aihutu, Zezusihi u hã.

Mateu 9:3

Tawamhã ni'wam norĩ 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ hã ma tô 'râwi sima rowasu'u za'ra, ãne: — Õ hã te 'Re ihâimana u'âsi mono ãma wasété.

Marcu 2:7

Ta norĩ hã te 'râwi sima ãma rosa'rata za'ra, ãne: — E niha te aibâ ma tinha bété, õ hã, imorĩ'õ ma. 'Re ihâimana u'âsi mono ma, wẽ õ di, aibâ ma, te te inharĩzé hã. Dawasédé hã da te 're i'manharĩ wasété za'ra mono zé hã, ni'wa hã te te dama 're apari waihu'u mono õ di. 'Re ihâimana u'âsi mono ma si waihu'u pese di, dawasédé hã te te dama 're i'apari mono zé hã.