Luca 7:46 - ꞌRe Ihâimana Uꞌâsi Mono Zadawa Wasuꞌu

⁴⁶ A hã dama ĩ'rui õ di, azeitona 'rãi wa'ui wam na da te ĩzéré u'ré da, ĩma robze da. Pi'õ hã wedewa'u zadaze pire hã ma tô ĩpara nhisiwi sa'wa.

Luca 7:46 ပူးပေါင်းရင်းမြစ်များ

Salmu 104:15

Te duré ti'ai ma 're inharĩ mo, uwa 'ru 're 'rãi pese mono da, iwa'u zô, taha na dama 're rowẽ za'ẽtẽ za'ra mono da. Azeitona wa'u tob zô zama, te duré tãma 're inharĩ mo, te te sina 're da'ubu waipo za'ra mono da. Te duré i'u'ẽtẽ wapu zô zama tãma 're ĩnharĩ mo, danhiptede hã te te dama 're sõmri za'ra mono da.

Salmu 23:5

Dasa isa'ẽne hã te ĩma 're i'a'manharĩ u'âsi mo, ĩnhitob'ru norĩ tõmo nho'a hã. A hã te ĩpire na 're ĩnhimizusi mo. Te duré ĩnhimihâsizé hã ĩma 're i'masisi mo, taré 're ipu'u mono zéb u.

Daniéu 10:3

Taha bâtâ mono na hã dasa ise hã te 'rẽne õ di. Romnhi na zama ĩsai õ di. Duré uwa 'rãi wa'u isé hã te zâ'rẽne õ di. Duré marĩ wa'u to isadaze na ĩsihâiba 'ma'wamarĩ õ di, si'ubdatõ romhuri isi'utõrĩzéb u.

Mateu 6:17

Tahawa, a norĩ wa'wa hã 'Re ihâimana u'âsi mono ma, 're aimreme zusi aba mono da, asai ãna a'â 're aihâimana za'ra wa'aba mono wamhã, te za taré â na 're asi'ubu upsõ za'ra wa'aba mo, tô 're aihâimana za'ra wa'aba mono zém na 're aihâimana za'ra wa'aba mono da. Te za duré taré 're asiwarĩrĩ za'ra wa'aba mo, a'â asai ãna 'Re ihâimana u'âsi mono ma, 're aihâimana za'ra wa'aba mono zém na, da te ãma 're aiwaihu'u za'ra wa'aba mono tõ da, Aimama aba si te te 're aiwaihu'u za'ra wa'aba mono da, datõmo na da te 're i'madâ'â waihu'u za'ra mono õ si. Ãne wamhã, aihâiba pisutu, asai ãna a'â tãma 're aimreme zusi aba mono ré, Aimama aba si te te ai'ãma 're 'madâ'â za'ra wa'aba mono wa, te za iwẽ hã te te aima 're sõmri za'ra wa'wa, iwa'rãmi.

Luca 7:47

Tãma ĩzawi uptabi wa, ma tô ĩma 'manharĩ wẽ. Marĩ hã te te 're i'ab'manharĩ wasété mono zé hã ahâ nherẽ, wa tô tãma tipa. Tahawa, tãma ĩzawi uptabi di, te tãma apari wa. Dawasété ahâ na 're dasisãmri za'ra mono õ wamhã, da te dasina 're waihu'u za'ra mono õ di za, 'Re ihâimana u'âsi mono, dawasété ahâ na te te dama 're i'apari mono zé hã. Tawamhã 'Re ihâimana u'âsi mono, dama sawi prã ti za. Dawasété ahâ na 're dasisãmri za'ra mono wapsi, te za da te dasina 're waihu'u za'ra, 'Re ihâimana u'âsi mono, dawasété ahâ na te te dama 're i'apari mono zé hã. Tawamhã 'Re ihâimana u'âsi mono, dama sawi uptabi di za.

Ruti 3:3

Ãne te za i'manha. Te za asi'upsõ. Taha parimhã, te za asisadaze. Te za duré asi'uza, ai'uza ihâi wẽ uptabi na. Taha pari, te za aimo, Buazi te te iromhurizéb u hã. Tane nherẽ, tãma asihâi'ré õ di za a'â, te te aiwaihu'u tõ da, i'rata i'aihâimana na hã. A'â tisa hã te te 'rãsutu, duré a'â tisa te te simizâri pari.