Luca 7:45 - ꞌRe Ihâimana Uꞌâsi Mono Zadawa Wasuꞌu

⁴⁵ A hã we ĩwisi wi, ĩzawi õ di, ĩtob'rata hârâ na. Pi'õ si ĩzébré wi, ma tô ĩpara hârâ.

Luca 7:45 ပူးပေါင်းရင်းမြစ်များ

Zenezi 29:11

Taha pari, ma tô duré Raqueu hã oto tob'rata hârâ na sawi. Tawamhã wawa 'rãihâ na te duré ãma aiwa'õ.

Zenezi 33:4

Tane nherẽ, Ezau, Zaco te te sõpẽtẽ da ma tô wara sina, sina uzusi. Te te sina uzusi wamhã, ma tô ibutu na hã sitẽme 'wani, te te sawi da, tino hã. Ma tô duré tob'rata hârâ na sawi. Tawamhã ma tô duré sina aiwa'õ zahuré, sipẽ'ẽ rĩ wa.

Mateu 26:48

Ãne ma tô Zuda hã tãma waihu'u za'ra, te te siwi i'âri wana ré hã: “Aibâ za te itob'rata hârâ hã, te za asiwi i'âri 'wa.” Ãne ma tô dama waihu'u, te te ãma irosa'ratazém na, Zuda hã.

Roma 16:16

Uburé asiré isazei'wa 're aihâimana za'ra wa'aba mono wa, te za asõ'utu na asisawi sina 're asitob'rata hârâ za'ra wa'aba mo. Ãmemhã uburé Cristuhu zazei'wa norĩ hã, i'upsãtã mono bâ sitẽme 're isi'rã'õtõ mono norĩ hã te duré ãma asawi za'ra wa'wa.

1 Corĩtu 16:20

Ãme wasisãnawã norĩ 're isi'ubumroi mono norĩ hã te duré uburé ãma asawi za'ra wa'wa. Duré 're asi'rã'õtõ aba mono wamhã, te za uburé asiré isazei'wa na 're aihâimana za'ra wa'aba mono wa, asõ'utu na asisawi sina 're asitob'rata hârâ za'ra wa'aba mo.

Éfézu 6:4

Damama norĩ, ai'ra ma hã 're 'manharĩ wasété za'ra wa'aba mono õ di za, asada 're sahi za'ra wa'aba mono tõ da. Te za asimiroti wẽ na si 're ipawapto wẽ za'ra wa'aba mo, Wanhib'apito nhimiroti zarina, ai'ra norĩ wa'wa hã 're nomro wẽ mono da.

1 Tesalonita 5:26

Uburé asiré isazei'wa 're aihâimana za'ra wa'aba mono wa, te za asõ'utu na asisawi sina 're asitob'rata hârâ za'ra wa'aba mo.