Luca 7:44 - ꞌRe Ihâimana Uꞌâsi Mono Zadawa Wasuꞌu

⁴⁴ Tawamhã pi'õi u sipi'rai wamhã, te duré tãma tinha, Simahã ma, ãne: — Ãhãta, pi'õ hã. Tãma ĩzawi pese di. A hã we ĩzébré wamhã, â hã dama 'rui õ di, da te ĩpara upsõ da. Pi'õ si ma tô ĩpara upsõ, ti'upĩni na. Ma tô duré tizéré na ĩpara u'õ.

Luca 7:44 ပူးပေါင်းရင်းမြစ်များ

Zenezi 18:4

 hã wa za dama ti'ru, da te we dasiwi 'mai'a'âri da, ãma asipara upsõ za'ra wa'aba zéb da hã. Taha parip si te za rowede zahâpâmhã aiwa'utu za'ra wa'wa.

Zenezi 19:2

Taha sina, ma tô ãne tãma nharĩ zahuré: — Ĩnhib'apito norĩ, ma'ãpé asib'a'uwẽ nhorõwa u ĩsiré ãma ane wa'aba da asima wẽ wa'aba. Tawamhã õmep si te za 'râwi asipara upsõi wa'wa. Te za duré tame asõtõ 'wa. Tawamhã awẽ wi mararé te za ane wa'aba zém na ãma i'uzusi 'wa za. — Mare di. 'Re idasisõpẽtẽ pese za'ra mono zéb ãma rowip si wa za wanhotõ ni. — Ãne ma te asa ãma sada'âbâ zahuré.

Zenezi 43:24

Taha pari 'ri para u ma tô te te simro. Tawamhã ma tô duré â hã tãma sõmri za'ra, ãma sipara upsõ za'ra da. Awaru po're pore sazéb zama ma tô duré tãma sõmri za'ra, tisa te te ãma ihuri da hã isabâdâb za'ra.

Luca 7:38

Tawamhã Zezusihi babarã na ma tô nhamra, wawa sina. Wawai wamhã, Zezusihi para nhisiwi, ma tô ti'upĩni a'a. Tahawa, te tizéré na tãma u'õ. Tawamhã da te 're idatob'rata hârâ za'ra mono ne, tizadawa na ma tô para hârâ. Ma tô wedewa'u zadaze hã ipara nhisiwimhã sa'wa, pi'õ hã.

Luca 7:43

Tawamhã Sima te asa tãma tinha, ãne: — Ãté 500 na te te tãma isõmri hã te za sawi pese. Tawamhã Zezusi te duré asa tãma tinha: — Tane tô. I'uwaibaba ma tô ĩma iwaihu.

Zuwã 13:5

Tawamhã â, ma tô sa'wa, piza'a 're nho'a wa, isiré 're inomro mono norĩ hã te te ãma apara upsõ da. Te te i'apara upsõ na ma tô oto ãma sãna'rata. Te te apara upsõi pari, te duré apara u'õ, tisi'u'õzém na.

Tiagu 2:6

Tane nherẽ, ma tô a norĩ wa'wa hã isibrob'õ norĩ hã 're ihâiba wazéb'õ za'ra wa'aba mo. Ma'ãpé rosa'rata za'ra wa'aba. E 'wam norĩ hã te bété te te 're aiwati pese za'ra wa'wa. Duré e 'wam norĩ hã ma tô datẽme te te 're asimroi wa'wa, da'ãma rowairébé'wa norĩ u, ipipa na te te ai'ãma 're rowairébé za'ra wa'aba mono da. Isibro pese norĩ si, ma tô ãne na te te aima 're rob'manharĩ wasété za'ra wa'wa.

Zuize 19:21

Tawamhã tinhorõwa u te te oto simroi mono wamhã, ma tô awaru po'repore ma isa hã tãma sõmri zahuré. Duré za isõrõwa ãma isimi'wara norĩ hã ma tô apara upsõ. Taha pari ma tô duré isihutu norĩ hã tisa tihu, te te simihâri za'ra sina.

1 Samuéu 25:41

Tawamhã ãne te te tãma rowasu'u za'ra wa, ma tô Abigaiu hã hi'rãtitõ tãma tinhamra za'ra isõ'reb za'ra. Tahawa, ma tô ti'ubu na ropto ti'ai u hã. Tawamhã te ãne tinha: — Wa hã Dawihi ma romhuri'wa. Tahawa, tãma romhuri'wa norĩ hã ĩma wẽ di, te oto ipara upsõ za'ra da si.