Luca 7:36 - ꞌRe Ihâimana Uꞌâsi Mono Zadawa Wasuꞌu

³⁶ Tawamhã aibâ farizeu hã ma tô Zezusihi zô hâ, ime sa da. Tahawa, te Zezusi hã isõrõwa u mo. Tawamhã ma tô nhamra tame, sa da.

Luca 7:36 ပူးပေါင်းရင်းမြစ်များ

Luca 11:37

Tawamhã tame te te dama rowasu'u pari, ma tô aibâ hã tãma tinha, isõrõwa u morĩ da, isiré sa da. Aibâ hã, farizeu. Tahawa, ma tô Zezusi hã ãma saze. Tawamhã 'ri para u sébré wamhã, te nhamra, sa da.

Luca 14:1

Zudeu norĩ te, romhuri zahârizém na ma tô Zezusi hã ãzé, aibâ nhorõwa u, isiré sa da. Aibâ hã, farizeu. Isiré farizeu norĩ ma, pire di, aibâ hã. Tawamhã tame 'ri para, isi'ubumro norĩ hã ma tô Zezusi hã 'madâ'â za'ra.

Luca 7:34

Ti'ai ãma Dasiré Ipodo hã te dasazém na 're sa. Uwa 'rãi wa'u isé hã te duré te te dame 're hâsi. Tazahã, sa za'ẽtẽ na 're isai mono na, duré uwa 'rãi wa'u isé zei 'wa na, ma tô tãma 're inharĩ wasété za'ra wa'aba mo. Duré siwa'ru 're idanomro mono norĩ siwadi na, ma tô tãma 're inharĩ wasété za'ra wa'aba mo.

Luca 7:35

Tane tô. 'Re ihâimana u'âsi mono nhimiroti hã, wẽ di. Tawamhã isimiroti hã da te dasima 're wẽ za'ra mono wamhã, te za iwẽ hã da te 're waihu'u za'ra. Da te 're wẽ'õ za'ra mono õ di za, iwẽ hã dasiwi.

Luca 7:37

Tame 'ri wa'õtõ ãma hã ma tô iwasu'u hã wapa pi'õ hã, siwa'ru 're imorĩ hã. Farizeu nhorõwa ãma sa da, isãmra na ma tô wapa. Tahawa, ma tô simhi ti'â, Zezusihi zarina, wedewa'u zadaze ré hã. Simhi hã, ẽtẽ'a 'manharĩ. Wa'âbâ za'ẽtẽ di, wedewa'u zadaze hã.