Luca 7:34 - ꞌRe Ihâimana Uꞌâsi Mono Zadawa Wasuꞌu

³⁴ Ti'ai ãma Dasiré Ipodo hã te dasazém na 're sa. Uwa 'rãi wa'u isé hã te duré te te dame 're hâsi. Tazahã, sa za'ẽtẽ na 're isai mono na, duré uwa 'rãi wa'u isé zei 'wa na, ma tô tãma 're inharĩ wasété za'ra wa'aba mo. Duré siwa'ru 're idanomro mono norĩ siwadi na, ma tô tãma 're inharĩ wasété za'ra wa'aba mo.

Luca 7:34 ပူးပေါင်းရင်းမြစ်များ

Mateu 11:19

Duré ti'ai ãma Dasiré Ipodo hã te to sina dasiré 're sa, mram na. Uwa 'rãi wa'u isé hã te duré dame te te 're hâsi. Tahawa, ma tô ãne na da te tãma 're nharĩ wasété za'ra: “Ma'ãpé 'madâ'â za'ra wa'aba. Õhõta te aibâ hã sa za'ẽtẽ na 're sai u'âsi. Ta hã uwa 'rãi wa'u zei'wa duré. Rob'uiprazé arĩ ubumroi'wa norĩ siwadi ta hã, uburé siwa'ru 're idanomro mono norĩ siwadi.” Ãne ma tô da te tãma 're nharĩ wasété za'ra. Ni'wam norĩ hã 'Re ihâimana u'âsi mono nhimiroti zarina 're nomro mono wamhã, te za marĩ iwẽ si te te 're 'manharĩ u'âsi za'ra. Ãne wa, te za iwaihu'u pese za'ra wa'wa, tô sena 'Re ihâimana u'âsi mono nhimiroti iwẽ uptabi na hã.

Mateu 5:46

Rob'uiprazé arĩ ubumroi'wa norĩ hã bété. Ta norĩ hã dawi 're simisaihuri u'âsi za'ra mono wa, te 're nomro wasété. Ta norĩ hã te tizawi pese 'wa norĩ si te te 're sawi za'ra. Tawamhã asawi pese 'wa norĩ si, 're sawi pese za'ra wa'aba mono wamhã, e te za 'Re ihâimana u'âsi mono hã iwẽ hã te te aima 're sõmri za'ra wa'wa. Mare di. Iwẽ hã te te aima 're sõmri za'ra wa'aba mono õ di za.

Mateu 9:11

Tawamhã farizeu norĩ hã ãne hã te te 'madâ'â za'ra wamhã, ma tô Zezusihi siré 're inomro mono norĩ hã sadanharĩ za'ra, ãne: — E niha bâ, te asib'apito za'ra wa'wa hã rob'uiprazé arĩ ubumroi'wa norĩ siré tisa, dawasété na 're idahâimana za'ra mono norĩ siré zama.

Luca 11:37

Tawamhã tame te te dama rowasu'u pari, ma tô aibâ hã tãma tinha, isõrõwa u morĩ da, isiré sa da. Aibâ hã, farizeu. Tahawa, ma tô Zezusi hã ãma saze. Tawamhã 'ri para u sébré wamhã, te nhamra, sa da.

Luca 14:1

Zudeu norĩ te, romhuri zahârizém na ma tô Zezusi hã ãzé, aibâ nhorõwa u, isiré sa da. Aibâ hã, farizeu. Isiré farizeu norĩ ma, pire di, aibâ hã. Tawamhã tame 'ri para, isi'ubumro norĩ hã ma tô Zezusi hã 'madâ'â za'ra.

Luca 15:2

Tawamhã farizeu norĩ hã te ãne tãma nharĩ za'ra, 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ me: — Õ hã ma tô ãma 're siwadi za'ra, siwa'ru 're inomro mono ãma hã. Ta norĩ siré, te nasi tisa.

Luca 19:7

Tawamhã isõrõwa u sébré wamhã, te dasima nharĩ za'ra ni, Zezusihi za'u, ãne: — Zapre, ma bété isõrõwa u ãzé, aibâ iwasété nhorõwa u.

Luca 5:29

Tawamhã Zezusi te te sawi da, ma tô tinhorõwa ãma dasa hã dama 'manha, sa'ẽtẽ na. Zezusihi siré, te za dasa hã huri ni. Tahawa, rob'uiprazé arĩ ubumroi'wa norĩ hã te i'rata ai'ubumro, isiré saihuri da, da'ahâ na. Ni'wam norĩ zama, te isiré tisa tihu.

Luca 7:33

Tane a norĩ wa'wa hã. Zuwã Batista hã te sai ãna nasi aimasisi. Duré uwa 'rãi wa'u isé hã te te 're hâsi mono õ di. Tazahã, ãne 're hâimana mono wa, ma tô tãma 're inharĩ wasété za'ra wa'aba mo, wa'uburé ré 're imorĩ na.

Luca 7:35

Tane tô. 'Re ihâimana u'âsi mono nhimiroti hã, wẽ di. Tawamhã isimiroti hã da te dasima 're wẽ za'ra mono wamhã, te za iwẽ hã da te 're waihu'u za'ra. Da te 're wẽ'õ za'ra mono õ di za, iwẽ hã dasiwi.

Luca 7:36

Tawamhã aibâ farizeu hã ma tô Zezusihi zô hâ, ime sa da. Tahawa, te Zezusi hã isõrõwa u mo. Tawamhã ma tô nhamra tame, sa da.

Zuwã 12:2

Tawamhã wisi wamhã, ma tô tãma api za'ra ni, sa da, Zezusi hã sawi te. Taha wamhã, Marta hã ma tô ĩsa tãma a'â. Lazaru hã te taha wamhã isiré dame nhamra.

Zuwã 2:2

Zezusihi zô zama, te tahârâ ni, isiré 're inomro mono norĩ zô zama, dasina damro u si'aba'ré da. Tahawa, te duré ta norĩ hã dame asimro.