Luca 7:3 - ꞌRe Ihâimana Uꞌâsi Mono Zadawa Wasuꞌu

³ Tawamhã hâzé na nomro ré, ma tô Zezusihi wasu'u hã wapa, romanu hã. Tahawa, ma tô zudeu norĩ ma roti'wa norĩ hã 'mazatõrĩ za'ra, Zezusihi zô, ihâzé ré hã te te pese da.

Luca 7:3 ပူးပေါင်းရင်းမြစ်များ

Mateu 8:5

Tawamhã Zezusi hã Cafanau na 'ri nho'õmo nhisi u ma tô wi. Wisi wamhã, ma tô aibâ sõpẽtẽ, romanu hã. Ta hã da'wapéi'wa norĩ wada'uri'wa. Tawamhã te te sõpẽtẽ wamhã, ma tô aibâ hã tãma ti'ru Zezusihi ma, tãma iromhuri'wa hã te te tãma pese da.

Luca 7:2

Tame aibâ hã te 're hâimana romanu hã, da'wapéi'wa norĩ wada'uri'wa. Tãma iromhuri'wa hã te te sawi pese di. Hâzé na te oto nomro, tãma iromhuri'wa hã. Hâzé ahâ wa, te za oto dârâ.

Luca 7:4

Tawamhã te te sô isatõrĩ za'ra hã ma tô itẽme aihutu, Zezusihi u. Itẽme sihutu wamhã, ma tô tãma rowasu'u za'ra, ãne: — Aibâ iwẽ, romanu hã. Wẽ wa, ma'ãpé pawapto na.

Luca 8:41

Tawamhã ma tô aibâ hã itẽme wi, Zairu na isisi hã, zudeu norĩ te, rowahutuzéb ãma dawada'uri'wa hã. Itẽme wisi wi, ma tô hi'rãtitõ aime, Zezusihi papara, ti'ra ãma te te sadawa pibu da, isõrõwa u morĩ da, i'ra hã hâzé wa, te te tãma pese da. I'ra hã pi'õ pisi, azarudu hã 12 na ãma iwahu. Hâzé ahâ wa, te za oto tiwi dârâ. Tawamhã Zezusi te oto mo, isõrõwa u. Morĩ ré, te da'ahâ na ãma dasi'uirĩ. Ma dasiwi dasina hõti ni.

Luca 9:38

Aibâ hã dawa'wa isa hã ma tô 'mahâ, ãne: — Rowahutu'wa, ĩ'ra ma, wa aiwi rowaptẽ, ĩma pese da. Ĩ'ra misire hã, ai'repudu.

Zuwã 4:47

Zezusihi wasu'u hã te te wapari siromo wa, ma itẽme wi, i'ra hã hâzé wa. Ãne te dasima wasu'u za'ra ni: “Zudéa hawi ma tô Zezusi hã wi, Galiléa u.” Tawamhã itẽme wisi wamhã, ãne te ti'ra hã tãma wasu'u, wawa sina: “Ĩ'ra hã hâzé ahâ wa, wa we asô mo, ĩma pese da. Te za oto ĩwi dârâ.”

Filemo 1:10

Ãne ãhã na Onezimuhu ãma, wa za aima rowaihu'u. Wa za duré aiwi rowaptẽ, Onezimuhu ma. Cristuhu zazei'wa te oto 're mo, ta hã. Wanhib'apito wasu'uwẽ hã wa tô tãma waihu'u, dazazéb 're ĩnhamra ré. Ãhã wamhã, ma tô saze. Tahawa, ĩ'ra ne, te oto ĩma 're hâimana, Onezimu hã.