Luca 7:29 - ꞌRe Ihâimana Uꞌâsi Mono Zadawa Wasuꞌu

²⁹ Tawamhã uburé ma tô isimirowasu'u hã wapari za'ra ni. Danhib'apito ma, rob'uiprazé arĩ ubumroi'wa norĩ zama, ma tô dame wapari za'ra. Ta norĩ hã ma tô oto wapari pese za'ra, 'Re ihâimana u'âsi mono nhimiroti hã. Tahawa, ma tô Zuwã hã â dawabzuri hã tãma 'manharĩ za'ra.

Luca 7:29 ပူးပေါင်းရင်းမြစ်များ

Salmu 51:4

Aiwi wa tô ĩwasédé hã 'manha, tô aiwi si. Aima iwẽ'õ hã wa tô 'manha. Tahawa, tô ibâre ma tô niha hã ĩ'ãma iwaihu, taha zarina niha na ĩma irob'manharĩ da hã.

Mateu 5:46

Rob'uiprazé arĩ ubumroi'wa norĩ hã bété. Ta norĩ hã dawi 're simisaihuri u'âsi za'ra mono wa, te 're nomro wasété. Ta norĩ hã te tizawi pese 'wa norĩ si te te 're sawi za'ra. Tawamhã asawi pese 'wa norĩ si, 're sawi pese za'ra wa'aba mono wamhã, e te za 'Re ihâimana u'âsi mono hã iwẽ hã te te aima 're sõmri za'ra wa'wa. Mare di. Iwẽ hã te te aima 're sõmri za'ra wa'aba mono õ di za.

Luca 20:6

Ma tô da te 're saze za'ra Zuwã hã, 'Re ihâimana u'âsi mono zadawa 'mahârâ'wa 're imorĩ na. Tawamhã dazadawa parap si, â dawabzuri te te dama 're i'ab'manharĩ mono na, wa te tãma nharĩ za'ra wamhã, ãté te za ẽtẽ na dasiwi wa'uprosi ni.

Luca 3:12

Tawamhã danhib'apito ma, rob'uiprazé ubumroi'wa norĩ hã ma itẽme aihutu, â dawabzuri te te tãma 'manharĩ za'ra da. Tawamhã itẽme sihutu wamhã, te siwi 'mahâ, ãne: — Rowahutu'wa, wa norĩ hã bété e marĩ, wa za 'manharĩ za'ra ni iwẽ hã, 'Re ihâimana u'âsi mono te te wama rob'manharĩ za'ra tõ da hã.

Luca 7:28

— Uburé iwana 're inomro mono norĩ hã te te siwi ãma wabzu za'ra õ di Zuwã hã, isimiromhuri pire na hã. Tane nherẽ, 'Re ihâimana u'âsi mono te te 're ida'azawi mono zéb zarina, te te 're ida'apawapto mono zé hã, hâiba ré, te te waihu'u õ di za, Zuwã hã. Ni'wam norĩ si, 'Re ihâimana u'âsi mono nhib'a'uwẽ norĩ si te za te te sina 're waihu'u za'ra, i'uirĩ na. Tahawa, ta norĩ hã te za pire na 're hâimana za'ra, Zuwã Batistaha nhipai u. Duré ni'wam norĩ hã 'Re ihâimana u'âsi mono nhib'a'uwẽ norĩ hã, tisiré norĩ ma, wapu na 're hâimana za'ra mono nherẽ, te za pire na 're hâimana za'ra, Zuwã Batistaha nhipai u, ta norĩ si i'uirĩ na te te sina 're waihu'u za'ra mono wa, 'Re ihâimana u'âsi mono te te 're ida'apawapto mono zé hã.

Luca 7:35

Tane tô. 'Re ihâimana u'âsi mono nhimiroti hã, wẽ di. Tawamhã isimiroti hã da te dasima 're wẽ za'ra mono wamhã, te za iwẽ hã da te 're waihu'u za'ra. Da te 're wẽ'õ za'ra mono õ di za, iwẽ hã dasiwi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:25

Wanhib'apito 're imorĩ wẽ zém na ma tô da te tãma 're romnhoré za'ra. Tahawa, mreme nhiptete na ma tô i'uwaibaba si te te dama 're rowahutu, Zezusihi wasu'u na hã. Tane nherẽ, uburé Zezusihi wasu'u hã zahadu te te waihu'u õ di. Dawasété wi 're dasipizari za'ra mono da, Zuwã, â dawabzuri te te dama 're iwasu'u mono si ma tô waihu'u, Apolu hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:3

Tahawa, ma tô duré sadanharĩ za'ra, Paulu hã: — E 'wa simirowahutu zarina ma tô â dawabzuri hã i'manharĩ za'ra wa'wa bété. Tawamhã asa te duré tãma nharĩ za'ra, ãne: — Zuwãhã nhimirowahutu zarina wa tô 'manharĩ za'ra ni.

Roma 10:3

'Re ihâimana u'âsi mono, dawasédé te te oto da'ãma 're i'ab'madâ'â mono õ zarina, te te 're ida'awẽsãmri mono zé hã, tãma waihu'u pese za'ra õ di. Te te 're ida'awẽsãmri mono zéb da, 'Re ihâimana u'âsi mono te te tãma 're ipisutu za'ra mono zé hã, te te 're 'madâ'â pese za'ra mono õ di, ta norĩ hã. Si'uihâ na te te sima 're ipisutu za'ra mono zéb zarina si, ma tô 'râwi sô 're si'wapé za'ra, taha na te te 're wẽsãmri za'ra mono da newa.

Apocalipsi 15:3

Te duré tizadawa'a'a, Mozésihi nho'rezém na, 'Re ihâimana u'âsi mono ma romhuri'wa nho'rezém na, Ezitu hawi isib'a'uwẽ norĩ, 'Re ihâimana u'âsi mono te te dawi isõ'reptu za'ra zém na. Te duré tizadawa'a'a, Pone'ẽrebâ te te 're ida'anho'reptui mono zém na. Ãne te ãma tizadawa'a'a: “Uburé Danhib'apito uptabi, 'Re ihâimana u'âsi mono, aiwaihu'u pese uptabi di. 'Re i'ab'manharĩ mono zé hã wẽ uptabi di. A hã daro mono bâ uburé pese Danhib'apito. Tô sena uptabi na si te dama 're i'aroti wẽ uptabi mo. Upai ãna, te duré 're ida'ab'madâ'â wẽ mo.

Apocalipsi 16:5

Tawamhã wa tô wapa, hâiwa ãma romhuri'wa hã, â mono bâ, â 'madâ'â'wa hã. 'Re ihâimana u'âsi mono ãma te tiwata, ãne: — A hã tô sena te marĩ na upai ãna i'uwaibaba si dama 're i'arowairébé mo. A hã 're aiwasété mono õ. Marĩ õ ré hã te 're aihâimana u'âsi mo. Ai'utõrĩ waihu'u õ di. Õne u'âsi te 're aihâimana mo.

Zuize 1:7

Ãhã wa, te Adoni-Bezequi hã tinha ãne: — Wa hã wa tô ti'ru, 70 na apito norĩ nhiptõmohi na'rata za'ra hã, duré iparadub'rã na'rata za'ra hã, da te tiwi sihâri za'ra da. Ta norĩ hã ma tô ĩte wedeza zahâpâ dasai'a'a hã te te 're waibu. Tahawa, ãhã na awa'awi na hã 'Re ihâimana u'âsi mono, ma tô ãne hã ĩma 'manha, ta norĩ ma, te 're i'ab'manharĩ mono zém ne hã. Tawamhã Adoni-Bezequi, 'rinho'u Zeruzalẽ u ma tô dasiwi saprõni ni. Tahawa, tame ma tô oto dârâ.