Luca 7:18 - ꞌRe Ihâimana Uꞌâsi Mono Zadawa Wasuꞌu

^18-19 Tawamhã Zezusi te te ihâiwa'utuzé hã ma tô Zuwãhã ma wasu'u za'ra, isadawa 'madâ'â pese 'wa norĩ hã. Tawamhã maparane te sô tihârâ zahuré, Wanhib'apito u neb zahuré da, te te sadanharĩ zahuré da. Ãne te Zuwã hã tãma nharĩ zahuré: — Ane wa'aba wamhã, te za isadanharĩ 'wa, ãne: “E a hã Zuwã Batista te te dama 're i'aiwasu'u mono, te we aimo. E zahadu aimawi zô, wa za 're wanhimipari za'ra.” Ãne te za tãma ĩzadawa wasu'u wa'wa.

Luca 7:18 ပူးပေါင်းရင်းမြစ်များ

Mateu 14:12

Tawamhã Zuwãhã siré 're inomro mono norĩ hã ma tô ihâiba zô hã sô ai'aba'ré, te te siwi âri da, duré te te siwi sẽrẽ da, ab're 're. Taha pari, ma tô duré oto ai'aba'ré Zezusihi u, te te tãma rowasu'u za'ra da hã.

Zuwã 3:26

Tahawa, ma Zuwã Batistaha tẽme aimasa, isiré 're inomro mono norĩ hã. Ãne te tãma wasu'u za'ra: — Rowahutu'wa, Zodã zara niwĩ aihâimana ré, ma tô Zezusi hã we atẽme wi. Wisi wi, ma tô dama iwasu'u, 'Re ihâimana u'âsi mono te te ipisutu na Danho'reptui'wa da. E niha te bété õ hã te te duré dama 're ab'manharĩ, â dawabzuri hã. Zezusihi u si te oto aihĩni 're danomro.