Tawamhã ma tô uburé ãma saze za'ra, isimirowasu'u na hã. Uburé Danhib'apito itẽme imorĩ za'ra zém na te te sina waihu'u za'ra wa, duré da te tãma 're irob'manharĩ wasété za'ra mono zém na te te 're i'madâ'â za'ra mono na te te sina waihu'u za'ra wa, hi'rãtitõ ma tô asimro, 'Re ihâimana u'âsi mono ãma wata za'ra da hã.
Luca 7:16 - ꞌRe Ihâimana Uꞌâsi Mono Zadawa Wasuꞌu16 Dâ'â zahã, oto sahâ na sãmra wa, ma tãma tapẽ'ẽwara za'ra ni. Ãne te dasima nharĩ za'ra ni: — Tinhib'a'uwẽ norĩ hã te za we te te 're wa'apawapto, 'Re ihâimana u'âsi mono hã. Ma tô we watẽme satõ, tizadawa wasu'u'wa hã. Mreme pire uptabi di. အခန်းကိုကြည့်ပါ။ |
Luca 7:16
31 ပူးပေါင်းရင်းမြစ်များ
Tawamhã imreme'õ norĩ hã ma tô mreme wairé. Duré i'rãtẽire norĩ hã ma tô timorĩ wẽ za'ra. Imorĩ'õ norĩ hã te duré oto para na 're nomro. Itob'a norĩ hã te te duré rob'madâ'â wẽ za'ra di oto. Tawamhã ãne hã da te 'madâ'â za'ra wamhã, ma tô ãma tatob'uzu za'ra ni. 'Re ihâimana u'âsi mono ãma, ma tô duré ãma tawata za'ra ni, Izaraéu nhihudu norĩ nhib'apito ãmamhã.
Danhitob'ru norĩ hã te za 'ri hã daré te te 're sãmra za'ra. 'Ri hã, tâibâ za oto. 'Ri tede'wa zama, te za uprosi za'ra. 'Ri tâibâ wamhã, ẽne hã te za oto re na 're simi'wara, 'rizé hã. 'Re ihâimana u'âsi mono, te aré danho'reptu za'ra. Tane nherẽ, danho'reptui'wa, datẽme iwisi na hã da te waihu'u za'ra õ di.
Taha pari, te apâ ai'aba'ré, pone'ẽrebâ 'madâ'â'wa norĩ hã. Morĩ sina, te ãma tiwata za'ra, 'Re ihâimana u'âsi mono ãma, rowasu'u te te iwapari za'ra zém na, duré te te i'madâ'â za'ra zém na. Hâiwa ãma romhuri'wa nhimirowasu'u zarina, tô sena na te te waihu'u za'ra wa, ma tô tinho're na ãma tiwata za'ra.
Tahawa, ma tô Zezusi hã asa sadanharĩ zahuré ãne: — E marĩ, hâimana bâ. — Zezusi, Nazaré hawi imorĩ ma, ma tô rob'manharĩ wasété za'ra ni. 'Re ihâimana u'âsi mono zadawa 'mahârâ'wa, te 're mo aré. Tiwaihu'u pese na ma tô aré marĩ hã te te dama 're ab'manharĩ, iwẽ hã. Duré mreme pire na, te 're mo. Ãne na ma tô waihu'u, 'Re ihâimana u'âsi mono hã. Ãne na hã uburé ma tô waihu'u za'ra ni.
Tebe ahâ na te te awaibui wamhã, ma tô ãma titob'uzu za'ra. Tiagu norĩ zama, ma tô ãma titob'uzu zahuré, Zuwãhã me. Ta norĩ hã Zebedehe 'ra zahuré. Isiré tepe na, te te 're romhuri zahuré, Simahã siré hã. Tawamhã hi'rãtitõ, ma aime Zezusihi papara, Sima Pedru hã, tebe ahâ na te te 'madâ'â wa. Ãne te Zezusihi ma tinha: — Ĩ'rata asãmra õ di za. Te za oto aimo, ĩnhiti. Wa hã ĩwasétére di. Tawamhã Zezusi te asa tãma tinha, ãne: — Asina aipahi õ di za. Tepe na 're iromhuri mono ne, te za oto ĩma 're ida'awaibui wẽ mo.
Te duré siwi sadanharĩ za'ra, ãne: — E 'wa hã bété, a hã. E a hã, Eliasi apâ aihâiwa'udu. Tawamhã asa te duré tãma nharĩ za'ra, ãne: — Mare di. Ta hãi õ di, wa hã. Tawamhã te duré siwi sadanha, ãne: — E a hã, 'Re ihâimana u'âsi mono zadawa 'mahârâ'wa zô, 're idanhimipari za'ra mono, te 're aimo. Tawamhã asa te duré tãma nharĩ za'ra, ãne: — Mare di. Wa hã, ta hãi õ di.
I'u'ẽtẽ wapu hã umrore nherẽ, da'ãma si'utõrĩ õ wa, ma tô ãma tatob'uzu za'ra ni, waihu'u pese wa, Zezusi hã. Tawamhã te ãne dasima rowasu'u za'ra ni, dasaihuri wẽ te: — Tô sena õ hã 'Re ihâimana u'âsi mono zadawa 'mahârâ'wa, we datẽme imorĩ zô 're idanhimipari za'ra mono. Oto wa te wasiwi saprõni aba, ãma wanhib'apito za'ra da.
Tawamhã Pedruhu mreme te te wapari wi, ma tô waptãrã ti'ai wa, Anania hã. Waptã'ã wamhã, ma tô dârâ. Tawamhã ipréduptém norĩ hã ma tô sô tiwahutu za'ra, te te siwi ubu da hã. Taha pari, ma tô duré oto siwi ti'â, te te siwi sẽrẽ da. Tawamhã taha wasu'u hã da te wapari za'ra wamhã, aihĩni pese ma tô tãma tapẽ'ẽwara za'ra ni.
ကြော်ငြာတွေ