Luca 6:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã Zezusi ma tô ãma sadanharĩ za'ra, ãne: — Wa za asadanharĩ za'ra wa'wa. E niha 'Re ihâimana u'âsi mono nhimiroti, sabadu na hã, romhuri zahârizé bâtâ na roti hã. E ma hã iwẽ, wa te 're i'manharĩ za'ra mono zéb da hã sabadu na. E ma hã iwẽ'õ. E wa te ãma 're dapawaptob za'ra mono õ di za. E wa te ãma 're danho'reptu za'ra mono õ di za. E niwamhã wa za taré wa te 're da'madâ'â za'ra, 're dadâ'â za'ra mono da.

Luca 6:9 ပူးပေါင်းရင်းမြစ်များ

Marcu 3:4

Te duré da'ab'mahâ, ãne: — E niha romhuri zahârizém na roti hã. E marĩ, wa za wa te dama 're 'manharĩ za'ra, romhuri zahârizém na, sabadu na hã. E iwẽ na, wa za wa te 're dapawaptob za'ra. E iwasété si, wa za wa te dama 're 'manharĩ za'ra. E romhuri zahârizém na, wa za wa te 're danho'reptu za'ra. E bâtâ na, wa te 're danho'reptu za'ra mono ãna, wa za taré wa te 're da'madâ'â za'ra. Tawamhã ni'wa hã asa te te ãma sada'âbâ õ di, Zezusi te te ãma isadanharĩ za'ra zém na hã.

Luca 14:3

Tahawa, ma tô Zezusi hã rowahutu'wa norĩ hã azadanha, farizeu norĩ me, ãne: — E romhuri zahârizém na, wa za wa te 're dapese za'ra, sabadu na hã. E ma tô wawi sawi, 'Re ihâimana u'âsi mono hã, sabadu na, wa te 're dapese tõ za'ra mono da. E niha isimiroti na rob'ui'éré hã.

Luca 6:10

Tawamhã Zezusi te ab'madâ, te te siwi i'uirĩ za'ra norĩ hã. Tawamhã isimizu'rã're ma, te tinha: — Ma'ãpé, asimizu wahutu. Tawamhã ma tô tinhimizu wahutu, aibâ hã. Tawamhã awa'awi ma tô tinhimizu pese.

Luca 6:8

Tawamhã Zezusi ma tô sina waihu'u za'ra, isimirosa'rata za'ra hã. Tawamhã aibâ ma, te tinha, ãne: — Aiwahutu, dawa'wa asab da. Tawamhã aibâ ma tô wahudu. Hâiwi te za.

Luca 9:56

Taha pari, ma tô ai'aba'ré, 'ri wa'õtõ hâiba amoi u.