Luca 6:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã Zezusi ma tô sina waihu'u za'ra, isimirosa'rata za'ra hã. Tawamhã aibâ ma, te tinha, ãne: — Aiwahutu, dawa'wa asab da. Tawamhã aibâ ma tô wahudu. Hâiwi te za.

Luca 6:8 ပူးပေါင်းရင်းမြစ်များ

Salmu 44:21

te aré tô iwa'a'upsibi me, a hã niha na uburé danhimirosa'rada hã aima waihu'u pese wa, dasi'rep si pi'uriwi da te 're irosa'rata za'ra mono zé hã.

Mateu 9:4

Tane nherẽ, ma tô Zezusi hã sina waihu'u, isimirosa'rata za'ra hã. Tahawa, te ãne tãma nharĩ za'ra: — E marĩ da, ma tô ãne ĩ'ãma irosa'rata wasété za'ra wa'wa.

Marcu 3:3

Tawamhã Zezusi hã te aibâ 'mahâ, ãne: — We aimorĩ ãwa.

Luca 13:12

Tawamhã Zezusi te te 'madâ'â wamhã, te 'mahâ, ãne: — Pi'õ, aihâzé hã te za oto aima apa.

Luca 5:22

Tawamhã Zezusi ma tô sina waihu'u za'ra, isimirosa'rata za'ra hã. Tahawa, te tãma nharĩ za'ra, ãne: — E marĩ da, te ãne ĩ'ãma irosa'rata za'ra wa'wa.

Luca 6:9

Tawamhã Zezusi ma tô ãma sadanharĩ za'ra, ãne: — Wa za asadanharĩ za'ra wa'wa. E niha 'Re ihâimana u'âsi mono nhimiroti, sabadu na hã, romhuri zahârizé bâtâ na roti hã. E ma hã iwẽ, wa te 're i'manharĩ za'ra mono zéb da hã sabadu na. E ma hã iwẽ'õ. E wa te ãma 're dapawaptob za'ra mono õ di za. E wa te ãma 're danho'reptu za'ra mono õ di za. E niwamhã wa za taré wa te 're da'madâ'â za'ra, 're dadâ'â za'ra mono da.

Zuwã 21:17

Te duré sadanharĩ na sahu, ãne: — Sima, Zuwãhã 'ra, e tô aima ĩzawi pese uptabi di. — Ãne te duré Pedru hã sina sadanha, si'ubdatõ ãma. Tawamhã si'ubdatõ te te sadanharĩ wa, pẽ'ẽzé di oto, Pedru hã. Tawamhã Zezusihi ma, te duré tinha, ãne: — Uburé marĩ hã aima waihu'u pese di. A hã ma tô asina ĩwaihu'u siro, te 're i'asawi pese mono zém na. Tawamhã Zezusi te tãma tinha, ãne: — Ma'ãpé, ĩzazei'wa norĩ hã 're ab'madâ'â pese mono za, pone'ẽrebâ 'madâ'â wẽ 'wa ne.

Zuwã 9:4

Ta hã ma tô we ĩzatõ, dapawaptom na te tãma 're romhuri mono da. Rowa'a ré, te za da te 're romhuri za'ra, 're mara mono wa, da te 're romhuri waihu'u za'ra mono dai õ wa za. Tahawa rowẽ ré, wa za wa te tãma 're romhuri za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:24

Tane nherẽ, ĩhâiba ré 're ĩmorĩ siroptu da hã, ĩhâiba te ĩsima sawi õ di, tarére wa, ĩma hã. Wanhib'apito Zezusi hã ma tô ĩnhimiromhuri hã ĩma tisõ, 'Re ihâimana u'âsi mono nhimizawi pese zé wasu'u na te dama 're sadawa wasu'u mono da. Ĩnhimiromhuri hã te tãma ãma uwaimrami da, wa tô ĩsima wẽ pese, taha si.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:26

Tawamhã apito Agripaha ma, te duré tinha, ãne: — Apito Agripa, Zezusi hã ti'ai ãma 're morĩ ré hã uburé marĩ hã tãma 're iromhâimana mono zém na hã aima waihu'u pese di, idâ'âzém na hã duré ihâiwa'utuzém na zama. Da'ahâ na ma tô ãma 're danhopré. Tahawa, apito Agripa, a zama ma tô iwaihu, uburé Zezusihi wasu'u hã te aima iwasu'u hã. Tahawa, sena na, wa aima ĩsiwasu'u ĩpahi ãna, waihu'u da.

Filipu 1:28

Asitob'ru norĩ ma, 're aipahi za'ra wa'aba mono da hã, mare di, Cristuhu zazei'wa norĩ 'ruiwapari'wa norĩ ma hã. Ãne hã aipahi ãna sada 're aihâimana za'ra wa'aba mono wamhã, te za ta norĩ hã 'râwi 're siwaihu'u za'ra, 'Re ihâimana u'âsi mono za te te i'uprosizém na hã, duré a norĩ wa'aba si za te te i'asõ'reptu za'ra wa'aba zém na hã.

Hebreu 4:13

Marĩ hã 'Re ihâimana u'âsi mono wi isima'uri pese na hã 'maihâimana õ di, te te 're i'ab'madâ'â mono õ na hã. Ai'uréiwi te uburé marĩ hã tãma 're hâimana, sõ'awi. Taha ma si, wa za nimahã na hã wahâimanazém na tãma wasiwasu'u za'ra ni, wahâiba mono bâ. Tahawa, wahi'rata norĩ ne, 're wahâimana za'ra mono õ di za, wa norĩ hã.

1 Pedru 4:1

Cristu hã ma tô tihâiba na robzépata. Tahawa, te za asina 're asiptete za'ra wa'aba mo, asihâiba zawi ãna, isine 're irobzépata za'ra wa'aba mono zéb da hã. Ãne, da te 're robzépata za'ra mono wamhã, marĩ, da te 're i'manharĩ wasété za'ra mono zé hã, te za oto da te 're rẽme pese za'ra.

Apocalipsi 2:23

Pi'õ nhirã zarina 're ihâimana za'ra mono norĩ hã wa za duré hâ za'ra, si'utõrĩ da, isimiroti zarina ta norĩ hã we 're hâimana za'ra mono wa. Tawamhã ãne te tãma rob'manharĩ za'ra wamhã, te za uburé ĩzazei'wa norĩ hã ãma ĩwaihu'u za'ra, pi'uriwi marĩ hã da te 're 'manharĩ za'ra mono newa, duré pi'uriwi danhimirosa'rada hã da te 're 'manharĩ za'ra mono newa, uburé marĩ hã te dawi 're i'awaihu'u mono na hã. Uburé danhimirosa'rada hã ĩma waihu'u pese di, duré marĩ zô 're idanhimnhasi za'ra mono zéb zama. Tawamhã ni'wam norĩ hã marĩ iwẽ hã te te 're i'manharĩ za'ra mono zé wa'rãmip si, wa za marĩ iwẽ na te tãma 're awa'âbâ. Duré ni'wam norĩ hã marĩ te te 're i'manharĩ wasété za'ra mono zéb zarina si, wa za te 're ahâ za'ra.