Luca 6:46 - ꞌRe Ihâimana Uꞌâsi Mono Zadawa Wasuꞌu

⁴⁶ — E marĩ da, ma tô Asib'apito na asiwi 're ĩnhisi za'ra wa'aba mo, ĩnhimiroti hã 're 'madâ'â pese za'ra wa'aba mono õ nherẽ.

Luca 6:46 ပူးပေါင်းရင်းမြစ်များ

Mateu 25:11

— Tawamhã ãma ronomro za'ra parip si, ma tô isiré norĩ hã apâ aihutu, pi'õ ipréduptém norĩ hã, aibâ pi'õi ãma imrozéb u hã. Sihutu wamhã, ãne te nasi 'mahârâ za'ra, rowi hawi: “Apito, apito, wei wama 'ridawa za'ra na, ãma atẽme wanhisisi da.”

Mateu 25:24

— Tawamhã romhuri'wa hã miu na rob'uiprazé te te aré i'âri hã ma tô duré itẽme ãzé, tinhib'apito u. Tawamhã ãne te tãma tinha, ta hã senai õ na hã: “Apito, ĩma aiwaihu'u pese di. A hã da'ãma 're aipẽ'ẽzé mono õ. Ni'wa hã te te dame 're rob're mono õ nherẽ, danho hã tite da, te te dawi sima 're i'a'rãihâri mono ne, te danhimarĩ hã dawi asima 're i'awaibui mo, ate da.

Mateu 25:44

— Tawamhã ta norĩ hã te za asa tãma nharĩ za'ra, ãne: “Apito, e niwa wa tô taré wa te 're ai'madâ'â za'ra, mram na 're aihâimana mono ré hã, duré 'rubu 're sépata mono ré hã, duré wama aiwaihu'u õ nherẽ, nima hawi watẽme 're aimasisi mono na hã, duré ai'uza ãna 're aimorĩ ré hã, duré aihâzé na 're aihâimana mono ré hã, duré dazazéb 're, 're asa mono ré hã. E niwa wa tô ãne na hã taré wa te 're ai'madâ'â za'ra, wa te wasiwi 're aipawaptob za'ra mono ãna.” Ãne te za duré ta norĩ hã isadanharĩ na tãma ãma wa'rãmi za'ra, isimi'e niwĩ isimasam norĩ hã.

Galata 6:7

Ma'ãpé ĩwapari pese za'ra wa'aba za. 'Re ihâimana u'âsi mono wi, simani õ di za, dahâimana wẽ wa'rãmimhã, iwẽ na te te dama ãma 're i'a'uwaimrami mono da hã, duré dahâimana wasété wa'rãmimhã, iwasété na te te dama ãma 're i'a'uwaimrami mono da hã. Ãhã wasu'u hã tô sena wa, senai õ na ãma 're rosa'rata za'ra wa'aba mono õ di za, 'râwi aipẽ'ẽ 're asima 're asadawa nhipese za'ra wa'aba mono tõ da.

Tiagu 1:22

Taré isimiroti hã aipo're na 're wapari za'ra wa'aba mono õ di za, imreme wapari pese 'wa na, taré 'râwi asima 're asadawa nhipese za'ra wa'aba mono tõ da. Tô sena te za isimiroti hã 're i'madâ'â za'ra wa'aba mo.