Luca 6:4 - ꞌRe Ihâimana Uꞌâsi Mono Zadawa Wasuꞌu

⁴ Mra te te simroi wamhã, ma tô ãzé 'ri para u, 'Re ihâimana u'âsi mono nhorõwa 'ri u. Tawamhã sébré wamhã, ma tô 'mai'rẽ i'u'ẽne hã, 'Re ihâimana u'âsi mono ma, aré da te isa'ra za'ra hã. Duré tisiré norĩ ma, ma tô tãma a za'ra. 'Re ihâimana u'âsi mono, ma tô aré pisutu, da'ãma romhuri'wa norĩ si, i'u'ẽne hã te te 're huri mono da hã, sasedoti norĩ si. Tane nherẽ, ma tô 'mai'rẽne za'ra, Dawi norĩ hã.

Luca 6:4 ပူးပေါင်းရင်းမြစ်များ

Mateu 12:4

'Re ihâimana u'âsi mono nhorõwa 'ri u, ma tô ãzé, apito Dawi hã. Sébré wamhã, ma tô 'mai'rẽ, i'u'ẽne hã. Isiré norĩ zama ma tô tihu, 'Re ihâimana u'âsi mono ma, aré da te isa'ra hã. 'Re ihâimana u'âsi mono, ma tô pisutu aré, da'ãma romhuri'wa norĩ si i'u'ẽne hã te te 're huri mono da, sasedoti norĩ si. Tane nherẽ, ma tô 'mai'rẽne za'ra, Dawi norĩ hã. Te te 'mai'rẽne za'ra nherẽ, 'Re ihâimana u'âsi mono hã te te siwi wẽ'õ za'ra õ di, ta norĩ hã.

Luca 6:5

Te duré tãma nharĩ za'ra, ãne: — Wa hã 'Re ihâimana u'âsi mono te te ĩpisudu, dasiré ĩpoto da, ti'ai ãma. Tahawa, dama ĩpire di, sabadu na roti hã te dama 're i'apisutu mono zéb da hã.

1 Samuéu 21:6

Ãne te te tãma wasu'u za'ra wa, ma tô sasedoti hã Dawihi ma sõmri za'ra, i'u'ẽtẽ wapu iwazéb zahi hã. E marĩ wa. Taha si hâimana wa, Uburé Danhib'apito ma, ãma 're isõpru mono zé hã. I'u'ẽtẽ wapu wedeza iwazéb zahi hawi da te iwaibu hã, iwa'rãmi da te sa'ra da, wedeza nhisiwi iwahâ hã.