Luca 6:35 - ꞌRe Ihâimana Uꞌâsi Mono Zadawa Wasuꞌu

³⁵ Dawasété na 're idanomro mono ne, 're anomro aba mono õ di za. Uburé te za 're idazawi pese za'ra wa'aba mo. Asitob'ru norĩ zama, te za 're isawi pese za'ra wa'aba mo. Uburé te za marĩ hã tãma 're i'manharĩ wẽ za'ra wa'aba mo. Ãté marĩ hã te za da te aiwi 're waptẽrẽ za'ra wa'wa, suru na a'â dama 're sõmri za'ra wa'aba mono da. Tawamhã te za dama 're isõmri za'ra wa'aba mo. Iwa'rãmib zô 're asimnhasi za'ra wa'aba mono õ di za. Ãne wamhã, te za iwẽ na te te 're asawi za'ra wa'wa, 'Re ihâimana u'âsi mono hã. I'ra te za 're aihâimana za'ra wa'aba mo, danhipai u ipire uptabi 'ra na. Marĩ wẽ na, uburé te dama 're sõpru. Isõprum na ãma 're idawata za'ra mono õ norĩ ma zama, te dama 're sõpru. Dawasété na 're idanomro mono ma zama, te uburé 're sõpru.

Luca 6:35 ပူးပေါင်းရင်းမြစ်များ

Salmu 112:5

Ni'wa hã, marĩ da te tiwi waptẽrẽ wa, sõprum na a'â iwa'rãmib zô te te dama isõmri hã te za toi u'âsi 're sãmra. Sena na tinhimarĩ na te te ãma 're iromhuri mono hã te za duré toi u'âsi 're sãmra.

Provébiu 19:17

Ni'wa isimarĩ'õ ma, te te 're rob'manharĩ wẽ mono wamhã, Uburé Danhib'apito ma, marĩ te te a'â taré tãma isõmri ne hã. Tahawa te za isimi'manharĩ wẽ zé wa'rãmi iwẽ hã tãma tisõ.

Provébiu 22:9

Ni'wa sõprum na 're hâimana mono wamhã, te za iwẽ si tãma ipisudu hã 're hâimana. E marĩ wa. Tisa hã isimarĩ'õ norĩ ma, te te 're a'a mono wa.

Mateu 5:9

— Duré, rowẽ na dasiré 're dahâimana za'ra mono da, ni'wam norĩ hã tinhimiroti wẽ na te te 're dapawaptob u'âsi za'ra mono wamhã, ta norĩ ma si, tãma 're rowẽ za'ẽtẽ za'ra mono di za. Ta norĩ si te za ti'ra na te te 're sisi za'ra, 'Re ihâimana u'âsi mono hã.

Marcu 5:7

Sa'ẽtẽ te 'mahâ, ãne: — Zezusi, 'Re ihâimana u'âsi mono, danhipai u 're isãmra mono 'ra, e marĩ ĩ'ãma 'manharĩ da, te we aimo. Ĩ'azâri õ di za. 'Re ihâimana u'âsi mono nho'a, wa ĩsina aipa'uwati.

Luca 1:32

Ai'ra hã prédu wapsi, te za dama pire na hã 're mo. 'Re ihâimana u'âsi mono 'ra na isisi hã za, danhipai u ipire uptabi 'ra na. Ta hã uburé Danhib'apito uptabi hã te za ti'ra ma pisutu, tihi'rata ne, si'apito da, Dawihi ne.

Luca 6:36

Tahawa, te za Aimama aba ne, 're anomro aba mo, aiwẽ na.

Zuwã 13:35

Tawamhã Sima Pedru te sadanha, ãne: — Wanhib'apito, e momo te za aimo. Tawamhã Zezusi asa te tãma tinha, ãne: — Nimomo wa za mo. Ãma ĩzarina, aimorĩ waihu'u õ di za a'â. Zahadu wapsi te za ĩzarina ãma aimo za.

Zuwã 15:8

'Re anomro wẽ uptabi aba mono wamhã, ĩzazei uptabi 'wa na te za da te 're aiwaihu'u za'ra wa'wa. Tawamhã Ĩmama ãma te za 're dawata za'ra. E marĩ wa. 'Re anomro wẽ wa'aba mono da, te te 're aipawaptob u'âsi za'ra wa'aba mono wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:17

Tane nherẽ, ma tô dama 're siwaihu'u u'âsi, tinhoprubzém na sena 're ihâimana mono zém na, da te 're waihu'u za'ra mono da. Tã hã ma tô pisutu, we aima 're ta'a za'ra wa'aba mono da, te te aima 're robdi'i za'ra wa'aba mono da. Buru nho hã te duré te te aima 're sõmri za'ra wa'wa, 're i'rã za'ra mono da hã, te te ipisutu zarina, ãma 're asaihuri aba mono da hã, aima ãma 're irobzei u'âsi za'ra wa'aba mono zéb da hã.

2 Corĩtu 8:9

Wanhib'apito Zezu Cristuhu nhimizawi pese zé hã aima waihu'u pese za'ra wa'aba di oto. Ta hã Timama siré robze na 're hâimana u'âsi mono nherẽ, ma tô hâiwa ãma tihâimanazé hã we tirẽ a'â, ti'ai ãma si'a'uwẽ da, te te a'â dame 're robzépata mono da. Asada za'ra wa'aba, ma tô dawazari si'a'uwẽ, taha zarina, a norĩ wa'aba zama 'Re ihâimana u'âsi mono 'rata 're asimroi u'âsi aba mono da, hâiwa ãma hã. Tahawa, Wanhib'apito hã sisawi ãna 're ihâimana mono ne, te za asisawi ãna dama asõprub za'ra wa'wa, ate rob'uiprazé wa'aba na hã.

2 Timotiu 3:2

Ãne dahâimanazé hã za: Dasima si te za marĩ zô 're danhopré. Duré rob'uiprazéb zô si te za da te dasima 're rob'ruiwapari za'ra. Duré 'râwi dapẽ'ẽ na, te za marĩ na dasina 're dawata za'ra. Duré te za da te dasima 're nharĩ wasété za'ra. Duré marĩ na dama 're danhoprub za'ra mono nherẽ, danhoprum na da'ãma 're dawata za'ra mono õ di za. Duré damama norĩ nhimiroti hã da te 're wapari za'ra mono õ di za. Duré 'Re ihâimana u'âsi mono nhimiroti hã da te 're wazéb za'ra mono õ di za.