Luca 6:33 - ꞌRe Ihâimana Uꞌâsi Mono Zadawa Wasuꞌu

³³ Duré, uburé te za marĩ hã dama 're i'manharĩ wẽ za'ra wa'aba mo. Dawasété na 're idanomro mono norĩ hã, tizawi pese 'wa norĩ ma si, te za te te tãma 're 'manharĩ wẽ za'ra. Tanei õ di, a norĩ wa'wa hã za. Ãne wamhã, e niha te za 're i'umnhasi za'ra wa'aba mo, iwẽ na te te aima ãma 're i'a'uwaimrami aba mono da hã, 'Re ihâimana u'âsi mono hã. Tahawa, te za marĩ hã uburé dama 're i'manharĩ wẽ za'ra wa'aba mo.

Luca 6:33 ပူးပေါင်းရင်းမြစ်များ

Provébiu 22:16

Ni'wa, isimarĩ'õ norĩ te te 're iwati pese za'ra mono zarina, 're sisimarĩ pese mono wamhã, niha wamhã, isibro pese norĩ ma, taré ro te te tãma 're sõmri za'ra mono wamhã, te za 're sisimarĩ õ pese za'ra.

Luca 6:32

— Siwa'ru, te za 're idazawi pese za'ra wa'aba mo. Dawasété na 're idanomro mono hã, tizawi pese 'wa si, te te 're sawi pese za'ra. Tanei õ di, a norĩ wa'wa hã za. Ãne wamhã, iwẽ na te te 're asawi za'ra wa'aba mono õ di za, 'Re ihâimana u'âsi mono hã. Tahawa, te za uburé 're idazawi pese za'ra wa'aba mo.

Luca 6:34

Duré, uburé te za dama 're asõprub za'ra wa'aba mo. Ãté marĩ hã te za da te aiwi 're waptẽrẽ za'ra wa'wa, a'â dama 're sõmri za'ra wa'aba mono da. Tawamhã te za dama 're isõmri za'ra wa'aba mo, iwa'rãmib zô 're asimnhasi za'ra wa'aba mono ãna. Dawasété na 're idanomro mono hã te marĩ hã tisiré norĩ ma si, te te 're sõmri za'ra, te te siwi 're waptẽrẽ za'ra mono wamhã. Tawamhã te duré iwa'rãmib zô 're simnhasi za'ra. Tanei õ di, a norĩ wa'wa hã za. Ãne wamhã, iwẽ na te te 're asawi za'ra wa'aba mono õ di za, 'Re ihâimana u'âsi mono hã. Tahawa, te za uburé dama 're asõprub za'ra wa'aba mo.

1 Timotiu 6:18

Ãne te za duré isibrob ahâ norĩ ma 're i'aroti mo, te te dama 're 'manharĩ wẽ u'âsi za'ra mono da. Te za duré uburé marĩ wẽ na dama 're sõprub za'ra. Te za duré simi'ẽ na marĩ na te te 're dazari u'âsi za'ra.