Luca 6:14 - ꞌRe Ihâimana Uꞌâsi Mono Zadawa Wasuꞌu

¹⁴ Ta norĩ nhisi za'ra hã ãne: Sima Pedru, ino Ãdréhé me. Pedru na te za sisi té, Zezusi hã. Duré Tiagu norĩ hã tisisãnawã Zuwãhã me, duré Filipi norĩ hã, Batolomeuhu me,

Luca 6:14 ပူးပေါင်းရင်းမြစ်များ

Mateu 10:2

Isisi za'ra hã, ãne: Sima, isisi amo hã Pedru na. Duré ino nhisi hã Ãdré na. Duré Tiagu, duré isisãnawã, Zuwã. Ta norĩ hã Zebedehe 'ra zahuré.

Mateu 10:3

Duré Filipi, duré Batolomeu, duré Tome, duré Mateu. Ta hã rob'uiprazé arĩ ubumroi'wa aré. Duré Tiagu, Afeuhu 'ra. Duré Tadeu, duré Sima ihâiba amo. Ta hã ma tô aré dame 're hâimana, romanu norĩ zada, tirom hawi apâ te te 're satõrĩ za'ra mono da. Duré Zuda Icarioti, Zezusi te te dama ihâiba nhomri'wa da hã.

Mateu 4:18

Tawamhã Zezusi hã Galiléa na isõ'u nhisi zaihâi baba 're morĩ wamhã, ma tô aibâ norĩ hã sãmri zahuré, tepe mrami na romhuri'wa norĩ hã, tisisãnawãi me: Sima na isisi hã, Pedru na isisi amo hã. Duré ino hã Ãdré na isisi hã. Isõ'ui wa, te nasi ta norĩ hã abazipara hã wabzuri zahuré, tepe zô.

Mateu 4:21

Tawamhã suru na sina pahâ wi, ma duré 'madâ'â zahuré, Tiagu norĩ Zuwãhã me. Ta norĩ hã Zebedehe 'ra zahuré. Timama siré te abazipara sisinarĩ hã te te apâ ãma a'rã'õtõ zahuré, uba're wa. Tawamhã te duré sô tihârâ zahuré ta norĩ zô hã.

Marcu 1:19

Tawamhã suru na sina pahâ wi, ma duré 'madâ'â zahuré, Tiagu norĩ hã Zuwãhã me. Ta norĩ hã Zebedehe 'ra zahuré. Abazipara sisinarĩ hã te apâ te te ãma a'rã'õtõ zahuré, uba're 're.

Marcu 1:29

Taha pari, ma tô Zezusi norĩ hã rowahutuzém hawi wairé, Sima Pedru norĩ nhorõwa u si'aba'ré da. Tisiséme me, Ãdréhé me, te siré 're simasisi zahuré, Sima Pedru norĩ hã. Ta norĩ hã, Tiagu norĩ me, Zuwã norĩ me hã, ma asisi 'ri para u, Zezusihi siré.

Marcu 14:33

Tawamhã Pedru norĩ hã te siré te te simro, Tiagu norĩ hã, Zuwãhã me. Tawamhã te te sina rosa'rata pese wamhã, sina pẽ'ẽzé uptabi di.

Marcu 3:16

Aibâ norĩ hã, 12 na ihâiba hã ãne isisi za'ra hã: Sima hã Pedru na, ma tô sisi té, Zezusi hã. Isiré norĩ hã ãne isisi za'ra hã: Tiagu, Zuwãhã me, Zebedehe 'ra norĩ hã. Bu'anezi na, ma tô sisi téb zahuré, Tiagu norĩ hã Zezusi hã. Bu'anezi na, isisi hã, tãirãrã te wasu'u, isisi té hã.

Marcu 9:2

Tawamhã bâdâ 6 na ãma si'utõrĩ pari, ma tô Zezusi hã Pedru norĩ si te te simro, Tiagu norĩ me, duré Zuwã. Ẽtẽ 'rãihâ u ma tô ai'aba'ré. Tame ma tô Zezusi hã tihâiba na saprĩ, Pedru norĩ nho'a.

Luca 5:8

Tebe ahâ na te te awaibui wamhã, ma tô ãma titob'uzu za'ra. Tiagu norĩ zama, ma tô ãma titob'uzu zahuré, Zuwãhã me. Ta norĩ hã Zebedehe 'ra zahuré. Isiré tepe na, te te 're romhuri zahuré, Simahã siré hã. Tawamhã hi'rãtitõ, ma aime Zezusihi papara, Sima Pedru hã, tebe ahâ na te te 'madâ'â wa. Ãne te Zezusihi ma tinha: — Ĩ'rata asãmra õ di za. Te za oto aimo, ĩnhiti. Wa hã ĩwasétére di. Tawamhã Zezusi te asa tãma tinha, ãne: — Asina aipahi õ di za. Tepe na 're iromhuri mono ne, te za oto ĩma 're ida'awaibui wẽ mo.

Luca 6:13

Tahawa, awẽ wi ma tô sô tihârâ za'ra, tizazei'wa norĩ zô. Tawamhã itẽme sihutu wamhã, ma tô pisutu za'ra, 12 na ihâiba za'ra hã isiré 're nomro mono da. Ma tô oto sisi za'ra, tizadawa wasu'u'wa na.

Luca 6:15

duré Mateu norĩ hã, Tomehẽ me, duré Tiagu, Afeuhu 'ra hã, duré Sima Zeroti,

Zuwã 1:45

Tawamhã Filipi te Natãnaéhé zô hã rĩtĩ. Te te oto sõpẽtẽ wamhã, ãne te tãma tinha: — Aibâ hã wa tô wasiwi 'madâ'â ni, wahi'rada Mozési te te ãma irob'ui'éré siro hã romhâ ré, 'Re ihâimana u'âsi mono zadawa 'mahârâ 'rata 'wa norĩ zama isa'u te te ãma irob'ui'éré za'ra hã. Ta hã Zezusi, Nazaré hawi we imorĩ, Zuzéhé 'ra hã.

Zuwã 14:8

Tawamhã Filipi te duré tãma tinha, ãne: — Wanhib'apito, ma'ãpé Aimama zô aihârâ, wa te 'madâ'â za'ra da. Wa te 'madâ'â za'ra wamhã, marĩ zô wawi 're rowaptâ'â za'ra mono õ di za, wama 're irowẽ za'ra mono zéb zô hã.

Zuwã 6:5

Tawamhã itẽme dasi'aba'réi wamhã, ma tô da'ab'madâ, Zezusi hã. Da'ahâ uptabi na te itẽme ai'aba'ré ni. Te te da'ab'madâ'â wamhã, te Filipihi ma, tinha, ãne: — E mame dasa hã te 're simi'wara, wa te dama i'uipra za'ra da hã, aihĩni ãma dasaihuri da hã.

Zuwã 6:8

Tahawa, Zezusihi siré 're imorĩ hâiba amo hã ma tô duré tãma tinha, Ãdré Sima Pedruhu no hã ãne: — 'Watébrémi te, i'u'ẽtẽ wapu hã te tihâiba, arozum ne u'ẽne hã. 5 na ihâiba hã. Duré pe'a hã maparanere. Ãhã wamhã, aihĩni dasaihuri õ di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:13

Ãhã wamhã, ma tô oto aihutu, Zeruzalẽ u. Sihutu wamhã, 're idanhimi'wara mono zéb u te oto ai'aba'ré. Hâimo te sai'uri za'ra, tisi'ubumrozéb u sisisi da, 'ri nhisi u. Isadawa wasu'u'wa norĩ hã ãne isisi za'ra hã: Pedru, duré Zuwã, duré Tiagu, duré Ãdré, duré Filipi, duré Tome, duré Batolomeu, duré Mateu, duré Afeuhu 'ra Tiagu na isisi, duré Sima zeroti norĩ me aré 're imorĩ, duré Zuda Tiaguhu 'ra. Ta norĩ hã ma tô hâimo sai'uri za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:2

Tahawa ma tô Zuwãhã dub'rada Tiagu hã dasiwi wĩrĩ ni, isi'uwazi 'wa pa na, apito Erodihi zadawa para.

2 Pedru 1:1

Wa hã Sima Pedru, Zezu Cristuhu ma romhuri'wa, duré isadawa wasu'u'wa, wa ãma aima rob'ui'éré za'ra wa'wa, wasiré isazei'wa 're i'anomro aba mono norĩ ma. Wanhib'apito 'Re ihâimana u'âsi mono hã wẽ uptabi di. Duré wa'anho'reptui'wa Zezu Cristuhu zama wẽ uptabi di. Wẽ uptabi zahuré wa, ma tô te te 're aipawaptob za'ra wa'wa, wasine asina 're umnhasi za'ra wa'aba mono da, te te 're asõ'reptu za'ra wa'aba mono da.