Luca 6:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã ẽtẽ 'rãihâ na ma tô Zezusi hã sai'u, 'Re ihâimana u'âsi mono ma, mreme da. Tawamhã mara bâre te tãma mre.

Luca 6:12 ပူးပေါင်းရင်းမြစ်များ

Salmu 22:2

Ĩte 'Re ihâimana u'âsi mono, bâtâ sidâpâsi te 're ai'mahârâ u'âsi mono nherẽ, 're ĩzada'âbâ mono õ di. Duré bara na te 're ai'mahârâ mono nherẽ, 're ĩwa'utu waihu'u mono õ di.

Daniéu 6:10

Tawamhã apito tinhimirotizém na isisi hâtâzém na te te waihu'u wamhã, ma tô tinhorõwa u apâ hã mo. Hâimo ãma 'ri 're wa'õno ihâimana ãma te nhamra, zanela 'ri zadazâri norĩ Zeruzalẽ nho'õmoi baba ihâimana za'ra ãma. Tawamhã Daniéu ma tô 'ri zadazâri hã sima 'ridawa za'ra. Taha pari ma tô hi'rãtitõ nhamra. Ma tô duré tite 'Re ihâimana u'âsi mono ma hã mre, awẽ sidâpâsi si'ubdatõ na ãma isahu na tãma 're imreme u'âsi mono ne.

Mateu 5:1

Tawamhã Zezusi hã da'ahâ uptabi na te te da'madâ'â wamhã, ẽtẽ 'rãihâ na ma tô sai'u, tame a'â sãmra da. Tawamhã isiré 're inomro mono norĩ hã ma tô 'râwi itẽme ubumro.

Mateu 6:6

Duré, a norĩ wa'wa hã 'Re ihâimana u'âsi mono ma, 're aimreme zusi aba mono da, te za 'ri para u 're asisisi aba mo, asõrõwa 'ri 're wa'wa u. Tawamhã te za asiré 're i'ridawa nhitob za'ra wa'aba mo, Aimama aba ma, 're aimreme zusi aba mono da, romnhiwasi nimahã bâtâ na da te 're i'madâ'â waihu'u za'ra mono õ ma hã. Ãne wamhã, aihâiba pisutu 're aimreme zusi aba mono ré, Aimama aba si te te ai'ãma 're 'madâ'â za'ra wa'aba mono wa, te za taha si iwẽ hã te te aima 're sõmri za'ra wa'wa, iwa'rãmi.

Marcu 1:35

Tawamhã robza'rã ré, ma wahudu Zezusi hã, 'ri nhiti morĩ da, a'ubuni u. Taha wamhã, te tame a'â tihâiba, 'Re ihâimana u'âsi mono ma, mreme da.

Marcu 3:13

Tawamhã ẽtẽ 'rãihâ na, ma tô sai'u Zezusi hã. Tame te te sima iwẽzéb uwaibaba, te sitẽme sô tihârâ za'ra, aibâ norĩ zô. Sitẽme sô hârâ za'ra wa, ma tô itẽme aihutu 'râwi.

Marcu 6:46

Te te dama rob'rui pari, te ẽtẽ 'rãihâ u mo, Timama ma, mreme da.

Luca 5:16

Tane nherẽ, Zezusi hã ma tô dawi 're ne, a'ubuni u, 're mreme mono da hã, Timama ma.

Luca 6:11

Tawamhã rowahutu'wa norĩ hã ma tô sada tizahi za'ra, Zezusihi zada. Tawamhã te sima rosa'rata za'ra, marĩ hã te te tãma 'manharĩ za'ra da.

Luca 6:17

Tawamhã Zezusi norĩ hã ma tô sa'a hawi si'ra za'ra. Tawamhã ti'ai haré u sihutu õ ré, te a'â nhamra, sõnhihâpâ ãma, tizazei'wa norĩ me. Isazei'wa norĩ hã ahâ di. Tame duré da'ahâ uptabi na, te sô ai'ubumro ni. Daro mono bâ, ma tô iwana sô tasi'rã'õtõ ni, Zudéa na danhipti'a nho'õmo nhisi hawi, duré Zeruzalẽ hawi, duré Tiru na 'ri nho'õmo nhisi hawi, duré Sidõ hawib zama. Â zaihâ na Tiru hã, duré Sidõ, 'ri nho'u hã.

Luca 9:18

Tawamhã Zezusi hã bâtâ na te nhamra danhiti, mreme da, 'Re ihâimana u'âsi mono ma. Aibâ norĩ hã te i'rata asimro, isiré 're inomro mono norĩ hã. Timama ma, mreme pari, te sadanharĩ za'ra tisiré norĩ hã, ãne: — E niha ma tô dasima ĩwasu'u za'ra ni. E 'wa hã wa hã, wa 're mo.

Luca 9:28

Romhuri hã misi ãma si'utõrĩ pari, ma tô Zezusi hã te te siré simro, Pedru norĩ hã Zuwã norĩ me, Tiagu norĩ me, 'Re ihâimana u'âsi mono ma, mreme da. Ẽtẽ 'rãihâ na, ma tô sai'uri za'ra.

Luca 9:29

Zezusi hã Timama ma, mreme ré hã, aimawi oto i'ubu hã. Duré, ma tô ti'uza hâirã. Hâirã uptabi di, i'uza hã. Ma ai'ubuzi.

Zuwã 6:3

Tawamhã sa'a nhisi u, ma tô hâimo sai'u, Zezusi hã. Tamomo wisi wamhã, te oto nhamra, isiré 're inomro mono norĩ me.

Colosu 4:2

'Re ihâimana u'âsi mono ma, 're aimreme zusi u'âsi aba mono. Asimiza'rese te za tãma 're aimreme zusi aba mo, ãma 're aiwata za'ra wa'aba mono sina.

Hebreu 5:7

Zezusi hã ti'ai ãma 're morĩ ré hã, ma tô wawa sina Timama ma mre, mreme 'rãihâ na, za te te irobzépatazém na te te pawaptob da. Tawamhã 'Re ihâimana u'âsi mono, Zezusihi mreme te te wapari wamhã, ma tô sima wẽ tô, te te pawaptob da. Zezusi hã uburé marĩ hã Imama te te tãma ipisutuzéb uwaibaba si, te te 're ab'manharĩ mono da, te te sima 're wẽ u'âsi mono wa, ma tô Imama hã sima wẽ, te te pawaptob da. Duré 'Re ihâimana u'âsi mono, niha na hã te te sima wẽ 'wa'âhã, te aré tô tiwaihu'u pese na hã sõ'reptu, dâ'â tõ da.

1 Samuéu 15:11

— Sau hã, ma tô ĩrẽ. Duré te tãma iwaihu'uzé hã ma tô ĩmreme rẽ. Tahawa, ma tô ĩwi tirobzei'õ wa hã apito te te i'manharĩzé zabâdâmhã. Tawamhã ãne te te tãma waihu'u wa, ma tô Samuéu wi hã tirobzei'õ duré. Tahawa, mara bâre ma tô mreme 'rãihâ na Sauhu ãma hã mre, Uburé Danhib'apito ma.