Luca 6:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã sabadu na, Zezusi norĩ hã ma tô ro'rahâri za'ra, amnho wa'wai baba, zudeu norĩ te, romhuri zahârizém na. Tawamhã amnho trigu hã ma tô te te sima 'rãnhinarĩ, tinhib'rata na te te sima tomhâiwazu za'ra da, te te huri mono da, isiré 're inomro mono norĩ hã.

Luca 6:1 ပူးပေါင်းရင်းမြစ်များ

Ezodu 12:15

Tawamhã te duré Mozési norĩ ma, 'Re ihâimana u'âsi mono hã waihu'u zahuré ãne: — Ãne te za duré Izaraéu nhihudu norĩ ma, ĩzadawa wasu'u wa'wa. Tawamhã bâdâ 7 na si'utõrĩ mono ré, te za asa hã ihuri aba mo, i'u'ẽtẽ duptoi'õ na. Tahawa te za dia 1 bâdâ isãna'rata hawi, i'u'ẽtẽ duptozé hã rob u isani za'ra wa'aba mo, 'ri para isimi'wara mono hã. E marĩ wa, te za rob u isa'ra aba mo. Ni'wa hã bâdâ 7 mara u, romhâimana õ ré, i'u'ẽtẽ duptoi ré hã te te 'rẽne wamhã, za Izaraéu nhihudu siré 're hâimana mono õ dâ'âsina.

Luca 5:39

Uwa 'rãi wa'u isé i'ratare hã da te 're âhuri mono pari, e te za da te dasima 're wẽ za'ra, uwa 'rãi wa'u isé ité hã. Mare di. Ãté ité hã da te dasima 're wẽ za'ra mono õ di za. Te za dasima da te 're nharĩ za'ra: “Iwa'u 'ratare si, wẽ uptabi di.” Ãne te za dasima da te 're nharĩ za'ra.

Luca 6:6

Tawamhã sabadu ihâiba amo na, ma tô duré ãzé zudeu norĩ te, rowahutuzéb u, Zezusi hã. Tame te duré aibâ hã dame nhamra, isimire niwĩ isimizu'rã're hã.