Luca 5:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã tisiré tepe mrami'wa norĩ zô ma tô pahamrimi zahuré, uba're ihâiba amo hã te te itẽme sari zahuré da, te te ãma pawaptob za'ra da. Tahawa, te itẽme sari zahuré. Tawamhã uba're wa, ma tô sãmra za'ra, aibâ norĩ hã. Tebe hã uba're si'uiwa na hã 'masisi zahuré di. Tebe hã ahâ uptabi wa, te aré sina 'mazasi zahuré, uba're hã.

Luca 5:7 ပူးပေါင်းရင်းမြစ်များ

Provébiu 18:24

Marĩ u'âbâ si dasisawizé hã, õne u'âsi ãma 're dasisawi za'ra mono õ di. Tane nherẽ, dasiwaihu'u uptabi te dama 're hâimana, dasisãnawã 'râwi nhipai u hã.

Marcu 4:36

Tawamhã te a'â dazatõrĩ za'ra, apâ dasi'aba'ré da. Taha pari, Zezusi hã uba're 're isébrézéb 're, ma asisi isarina, zara u te te saprĩ za'ra da. Ni'wam norĩ hã te duré siré sari za'ra uba're hã, Zezusihi zarina.

Luca 5:6

Tahawa, abazipara, ma tô â wa'wa u sô siwi time. Tawamhã tebe hã ahâ na ma tô waibu za'ra, abazipara na. Tahawa, te aré te te sina sinarĩ, abazipara hã.

Luca 5:8

Tebe ahâ na te te awaibui wamhã, ma tô ãma titob'uzu za'ra. Tiagu norĩ zama, ma tô ãma titob'uzu zahuré, Zuwãhã me. Ta norĩ hã Zebedehe 'ra zahuré. Isiré tepe na, te te 're romhuri zahuré, Simahã siré hã. Tawamhã hi'rãtitõ, ma aime Zezusihi papara, Sima Pedru hã, tebe ahâ na te te 'madâ'â wa. Ãne te Zezusihi ma tinha: — Ĩ'rata asãmra õ di za. Te za oto aimo, ĩnhiti. Wa hã ĩwasétére di. Tawamhã Zezusi te asa tãma tinha, ãne: — Asina aipahi õ di za. Tepe na 're iromhuri mono ne, te za oto ĩma 're ida'awaibui wẽ mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:25

Banabé hã te oto mo Tasu u, Sauluhu zô te te robzabu da.

Galata 6:2

Marĩ wa, aiwi 're robzei'õ za'ra wa'aba mono wamhã, ma'ãpé 're asipawapto pese za'ra wa'aba mono, roti iwẽ na si. Ãne wamhã, Cristuhu nhimiroti wẽ 'madâ'â'wa te za tô 're aihâimana za'ra wa'aba mo.

Filipu 4:3

Duré a hã ĩpawapto wẽ 'wa na 're i'aihâimana mono hã, ma'ãpé ã pi'õ norĩ hã pawaptob zahuré na. Ta norĩ hã ma tô ĩsiré te te 're romhuri pese zahuré, Cristuhu wasu'uwẽ na wa te dama ãma 're iropéi mono na hã. Clemetihi siré zama ma tô te te 're romhuri zahuré, duré uburé ĩsiré romhuri'wa norĩ siré zama. Uburé te ã norĩ nhisi hã dame 're hâimana za'ra ibaihâ na hã, 'Re ihâimana u'âsi mono 'rata za 're idahâimana u'âsi za'ra mono norĩ nhisi ré, ibaihâ 're ihâimana mono na hã.