Luca 5:33 - ꞌRe Ihâimana Uꞌâsi Mono Zadawa Wasuꞌu

³³ Tawamhã ni'wam norĩ hã te Zezusihi ma nharĩ za'ra, ãne: — Zuwã Batistaha siré 're inomro mono norĩ hã nimahã bâtâ na si, te sai ãna 're si'ubumro, 'Re ihâimana u'âsi mono ma, te te 're romhuri za'ra mono da, farizeu norĩ zadawa 'madâ'â pese 'wa norĩ zama. Ãnei õ di, asiré 're inomro mono norĩ hã. Te 're saihuri u'âsi, asiré. Te duré asiré te te 're âhuri.

Luca 5:33 ပူးပေါင်းရင်းမြစ်များ

Provébiu 28:9

'Re ihâimana u'âsi mono, isimiroti te te 're iwapari za'ra mono õ norĩ nhimirowaptẽrẽzé hã te tô te te 're awẽ'õ.

Mateu 23:13

— Farizeu norĩ, duré dama rowahutu'wa norĩ, aihâimana uptabi õ na dama 're aihâimana za'ra wa'aba mono wa, aima 're ropipa uptabi za'ra wa'aba mono di za. 'Ridawa hã 're danhisisi tõ mono da, da te dawi 're isitob za'ra mono ne, te a norĩ wa'wa hã dawi 're isawi za'ra wa'aba mo, 'Re ihâimana u'âsi mono, da'ãma 're isib'a'uwẽ mono zéb u 're danomro tõ mono da hã. A norĩ wa'aba zama te 'Re ihâimana u'âsi mono wi 're asihâiba zawi za'ra wa'aba mo, ai'ãma 're sib'a'uwẽ za'ra wa'aba mono tõ da.

Marcu 12:40

Dama rowahutu'wa zahã, te sadawa nhipese na pi'õi mrotõ norĩ wi, isimarĩ na 're sipsaihuri za'ra. Tane nherẽ, te ta norĩ hã danho'a 'Re ihâimana u'âsi mono ma 're mreme zusi hâ, 're hâimana wẽ uptabi za'ra mono newa. Tahawa, te te dama 're irob'manharĩ za'ra mono zém nhipai u, te za 'Re ihâimana u'âsi mono hã te te tãma 're rob'manharĩ za'ẽtẽ za'ra.

Luca 11:1

Tawamhã nimahã bâtâ na, te Zezusi hã nhamra, Timama ma, mreme da. Tãma mreme pari, ma tô misi isiré 're inomro mono norĩ hã 'mai'mahâ, ãne: — Wanhib'apito, ma'ãpé wama waihu'u za'ra na, 'Re ihâimana u'âsi mono ma, 're iwamreme zusi mono zéb da hã, wa te waihu'u za'ra da. Zuwã hã tinhimi'ubumro norĩ ma, te te iwaihu'u ne, te za wama iwaihu'u za'ra, wa te wasiwi waihu'u da.

Luca 18:12

Maparane bâtâ na romhuri sidâpâsi, wa ĩsai ãna 're ĩnhamra, te aima 're romhuri mono da, ĩmreme na. Ĩpawa'â hã wa duré te aima 're po'o, suru na.” Ãne ma tô farizeu hã tiwẽ hã sina tihi, 'Re ihâimana u'âsi mono ma.

Luca 20:47

Rowahutu'wa zahã, te za pi'õi mrotõ norĩ wi, isibro hã te te tiwi 're uprosi za'ra. Tane nherẽ, te ta norĩ hã danho'a 'Re ihâimana u'âsi mono ma, 're mreme zusi hâ, 're hâimana wẽ uptabi za'ra mono newa. Tahawa, te te dama 're i'arob'manharĩ mono zém nhipai u, te za 'Re ihâimana u'âsi mono hã te te tãma 're rob'manharĩ za'ẽtẽ za'ra.

Luca 5:32

Tane duré wa hã, dawẽ na 're idanomro mono norĩ zô, ĩsitẽme 're ĩhârâ mono da, we ĩmorĩ õ di. Dawasété na 're idanomro mono norĩ zô si, 're ĩhârâ mono da, wa wei mo, dawasédé hã da te 're rẽme pese za'ra mono da, 're danomro wẽ mono da oto.

Luca 5:34

Tahawa, te Zezusi hã asa tãma nharĩ za'ra, ãne: — Aibâ hã imrozéb u, sô ihârâ za'ra norĩ hã sihutu wamhã, e te za dasa hã tiwi sawi za'ra ni, saihuri ãna si'ubumro da, ta norĩ hã. Mare di. Aibâ imro da hã, i'rata sãmra za'ra ré, te za tô isiré tisa tihu, to sina.

Zuwã 1:35

Tawamhã awẽm na te duré Zuwã Batista hã tame tihâiba, isiré maparane 're inep siré.

Zuwã 3:25

Nima norĩ Zuwãhã siré 're inomro mono norĩ hã ma tô siwi sada'â zudeu hã, dahâiba wẽ da, idasihâiba upsõ na hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:11

— Aiwahutu, Zudaha nhorõwa u aimorĩ da, “Awa'awi” 'ri nho'õmo nhi'riti nhisi ãma isõrõwa u. Tame te za aibâ zô asinha, Saulu na aibâ nhisi zô, Tasu na 'ri nho'õmo nhisi ãma ipoto zô. Ãhã na te we ĩma mre.