Luca 5:2 - ꞌRe Ihâimana Uꞌâsi Mono Zadawa Wasuꞌu

² Tawamhã uba're maparane ma tô sabu zahuré, isõ'u zaihâ na isa'wari hã. Tepe na romhuri'wa norĩ hã ma tô iwana wairé. Abazipara, te oto tawamhã upsõ za'ra.

Luca 5:2 ပူးပေါင်းရင်းမြစ်များ

Mateu 4:18

Tawamhã Zezusi hã Galiléa na isõ'u nhisi zaihâi baba 're morĩ wamhã, ma tô aibâ norĩ hã sãmri zahuré, tepe mrami na romhuri'wa norĩ hã, tisisãnawãi me: Sima na isisi hã, Pedru na isisi amo hã. Duré ino hã Ãdré na isisi hã. Isõ'ui wa, te nasi ta norĩ hã abazipara hã wabzuri zahuré, tepe zô.

Mateu 4:21

Tawamhã suru na sina pahâ wi, ma duré 'madâ'â zahuré, Tiagu norĩ Zuwãhã me. Ta norĩ hã Zebedehe 'ra zahuré. Timama siré te abazipara sisinarĩ hã te te apâ ãma a'rã'õtõ zahuré, uba're wa. Tawamhã te duré sô tihârâ zahuré ta norĩ zô hã.

Marcu 1:16

Tawamhã â zaihâ u ma tô wi, Zezusi hã, Galiléa na isõ'u nhisi u hã. Wisi wamhã, â zababa 're morĩ ré, ma tô tepe mrami na romhuri'wa norĩ hã sõpẽtẽ zahuré. Sima Pedru norĩ, isisãnawã Ãdréhé me. Ta norĩ hã tepe zô, te nasi abazipara hã wabzuri zahuré.

Marcu 1:19

Tawamhã suru na sina pahâ wi, ma duré 'madâ'â zahuré, Tiagu norĩ hã Zuwãhã me. Ta norĩ hã Zebedehe 'ra zahuré. Abazipara sisinarĩ hã te apâ te te ãma a'rã'õtõ zahuré, uba're 're.

Luca 5:1

Tawamhã Zezusi hã te nhamra, isõ'u zaihâ na, Zenezaré na isõ'u nhisi ãma, 'Re ihâimana u'âsi mono te te dama sadawa wasu'u da. Da'ahâ uptabi na ma tô itẽme hã dasito, da te wapari za'ra da hã.

Luca 5:3

Tawamhã Zezusi ma tô ãzé, uba're wa, Simahã te 're. Tawamhã uba're wa, sébré wamhã, te Simahã ma tinha, suru na te te iré sa'ré da, supara'ré nhiti. Tawamhã uba're wa, te oto nhamra, te te dama rowasu'u da.