Luca 5:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã apâ datẽme wisi wamhã, te nimahã bâtâ na dama rowasu'u, Zezusi hã. Te te dama rowasu'u ré, te i'rata ai'ubumro, farizeu norĩ hã. Rowahutu'wa norĩ me, te i'rata ai'ubumro, 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ hã. Ta norĩ hã ma tô itẽme sito Galiléa hawi, duré Zudéa hawi, duré Zeruzalẽ hawi. Tawamhã 'Re ihâimana u'âsi mono tiwaihu'u pe hã, te te tãma isõmri na, ma tô da'apese, Zezusi hã.

Luca 5:17 ပူးပေါင်းရင်းမြစ်များ

Mateu 11:5

Itob'a norĩ hã to pese za'ra wa, ma tô apâ te te 're rob'madâ'â za'ra. Imorĩ'õ norĩ hã te duré oto para na 're nomro. Duré i'wa're ré norĩ hã ma tô 're pese za'ra. Tahawa te oto duré hâiba wẽ na hã 're nomro. Duré ipo'reptõ norĩ hã te oto po're 'repu'u wa 're simipari za'ra. Duré 're idâ'â za'ra mono norĩ hã ma tô duré apâ 're hâiwa'utu za'ra. Ĩwasu'uwẽ hã ma tô duré isibrob'õ norĩ hã te te 're wapari za'ra. Ãne na te za tãma irowasu'u za'ra wa'wa, Zuwãhã ma.

Mateu 15:1

Tawamhã farizeu norĩ hã, duré 'Re ihâimana u'âsi mono nhimiroti na rob'ui'éré na dama rowahutu'wa norĩ hã ma tô ai'aba'ré Zeruzalẽ hawi, Zezusi hã te te siwi ãma sadanharĩ da, zudeu norĩ hi'rata nhimiroti na. Ãne te taha wamhã ãma siwi sadanha:

Marcu 1:45

Tazahã aibâ hã rowasu'u wẽ na ma tô ãma ropé. Tahawa, sõ'awi 'ri ahâ u hã datẽme 're ne waihu'u mono õ di, Zezusi hã. Tahawa, a'ubuni wi te a'â 're hâimana, danhiti. Tame 're hâimana mono ré, te itẽme 're dasihutu, daro mono bâ, da te 're sabu za'ra mono da.

Marcu 16:18

Sa'rese ãna, wahi hã te te 're waibui mono nherẽ, duré dapãrĩzé hã te te 're âhuri mono nherẽ, tãma 're rowẽ za'ra mono di za. Duré, tinhib'rata na ihâzé ré norĩ hã te te 're upi za'ra mono wamhã, te za 're séptâ'â za'ra, ihâzé ré norĩ hã.

Marcu 3:22

'Re ihâimana u'âsi mono nhimiroti 'rata na rob'ui'éré na dama rowahutu'wa norĩ hã, Zeruzalẽ hawi datẽme isihutu norĩ hã, ãne te taré sima rowasu'u za'ra, Zezusihi hâiba na: — Õ hã Bezebuhu zadawa para te 're mo, wa'uburé norĩ nhib'apito zadawa para. Bezebu hã romhõsi na te te 're pawapto, wa'uburé te te dama 're anhamra mono da.

Marcu 5:30

Awa'awi ma tô duré sina waihu'u, Zezusi hã tiwaihu'u pese na te te ida'maipesezém na. Tahawa, ma aipi'ra, da'ahâ wa'wa. Ãne te tawamhã da'a'mahâ: — E 'wa hã ma ĩ'uza hã ĩwi upi.

Marcu 7:1

Tawamhã aibâ norĩ hã Zeruzalẽ hawi isihudu hã ma tô Zezusihi u si'rã'õtõ, zudeu norĩ hã. Ta norĩ hã farizeu, duré 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ.

Luca 15:2

Tawamhã farizeu norĩ hã te ãne tãma nharĩ za'ra, 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ me: — Õ hã ma tô ãma 're siwadi za'ra, siwa'ru 're inomro mono ãma hã. Ta norĩ siré, te nasi tisa.

Luca 2:46

Tawamhã si'ubdatõ bâdâ ãma ne wapsi, ma tô sõpẽtẽ zahuré, 'Re ihâimana u'âsi mono nhorõwa 'ri ãma, dame sãmra ré. Zudeu norĩ ma, rowahutu'wa norĩ me, te dame nhamra. Tame te Zezusi hã da'awapa, roti na. Te duré roti na da'azadanha, roti hã te te tãma waihu'u pese za'ra da.

Luca 5:21

Tawamhã rowahutu'wa norĩ hã te farizeu norĩ me tãma nharĩ za'ra, tipẽ'ẽ na, ãne: — E niha ma tô bété õ hã tãma tinha, imorĩ'õ ma. 'Re ihâimana u'âsi mono ma, wẽ õ di, aibâ ma, te te inharĩzé hã. Dawasédé hã da te 're i'manharĩ wasété za'ra mono zé hã, ni'wa hã te te dama 're apari waihu'u mono õ di. 'Re ihâimana u'âsi mono ma si, waihu'u pese di, dawasédé hã te te dama 're i'apari mono da hã.

Luca 5:30

Tawamhã saihuri da, si'ubumroi ré, ma tô 'madâ'â za'ra farizeu norĩ hã, rowahutu'wa norĩ me. Tahawa, te ãne tãma nharĩ za'ra, Zezusihi siré 're inomro mono norĩ ma: — E niha bâ, te bété dawazari asaihuri 'wa, rob'uiprazé arĩ ubumroi'wa norĩ siré, dawasété na 're idanomro mono norĩ siré zama.

Luca 6:19

Simipese waihu'u pese wa, ma tô dasima wẽ za'ra ni, danhib'rata na da te upi za'ra da, rowẽ na oto 're dasi'ubumroi mono da.

Luca 7:30

Tazahã, farizeu norĩ hã rowahutu'wa norĩ me, ma tô siwi wẽ'õ za'ra 'râwi, 'Re ihâimana u'âsi mono te te sima ida'awẽzé hã. Tahawa, te te siwi wẽ'õ za'ra wa, â dawabzuri hã te te tãma 'manharĩ za'ra õ di, Zuwã hã.

Luca 8:46

Tawamhã Zezusi asa te tãma tinha, ãne: — Ni'wa hã ma tô ĩ'uza hã ĩwi upi. Ĩwaihu'u pese na, wa tô pese. Ãne, wa tô ĩsina waihu'u.

Zuwã 3:10

Ãhã wa, te duré Zezusi hã asa tãma tinha, ãne: — A hã Izaraéu nhihudu norĩ ma, rowahutu'wa. E niha tane nherẽ, ĩnhimirowasu'u hã aima pibui prã ti. E niha waihu'u õ di bété.

Zuwã 3:21

'Re inomro wẽ mono norĩ si te za itẽme 're nomro, rowa'a u. E marĩ da. 'Re ihâimana u'âsi mono nhimiroti si te te 're i'madâ'â pese mono na, te te 're awaihu'u mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:11

'Re ihâimana u'âsi mono, ma tô Paulu hã pawapto, marĩ dama i'manharĩ waihu'u'õ te te dama 're ab'manharĩ mono da, iwẽ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:30

Zezusihi zadawa para, wa te 're dapese za'ra mono da, wei wapawaptob za'ra na. Zezusi hã aima romhuri wẽ 'wa, taha zadawa para, marĩ iwẽ hã dama i'manharĩ waihu'u'õ hã wa te dama 're 'manharĩ za'ra mono da, wei wapawaptob za'ra na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:34

Tane nherẽ, aibâ iwẽ hã Gamaliéu na isisi hã ma tô hâiwi za. Ta hã farizeu norĩ niwĩ te 're mo, dama iwazé pe hã. 'Re ihâimana u'âsi mono nhimiroti na dama rowahutu'wa, te 're hâimana. Tawamhã ta hã ma tô oto dama 'ru za'ra, Zezusihi zadawa wasu'u'wa norĩ hã da te sani za'ra da, dama ipire norĩ nhiti si'ubumro da, suru na.