Luca 5:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã uba're, ma tô sani za'ra, rob'ré u. Uburé ma tô marĩ hã rẽme za'ra, tinhimiromhuri za'ra zé hã, Zezusihi siré oto 're nomro mono da.

Luca 5:11 ပူးပေါင်းရင်းမြစ်များ

Mateu 10:37

— Ni'wam norĩ hã te te 're ĩzawi za'ra mono zém nhipai u, timama norĩ hã te te 're sawi pese za'ra mono wamhã, ĩ'ãma 're nomro waihu'u mono õ di za. Duré ni'wam norĩ hã ĩzawi nhipai u ti'ra norĩ te te 're sawi pese za'ra mono wamhã, ĩ'ãma 're nomro waihu'u mono õ di za duré.

Mateu 19:27

Tawamhã Pedru te tãma siwasu'u, ãne: — Wa norĩ hã wa tô wanhibro hã uburé rẽme pese za'ra ni wasipara, asiré 're wanomro mono da oto. Ãne wamhã, e marĩ te za 'Re ihâimana u'âsi mono hã te te wama 're apisutu, te te wama 're i'anhomri mono da hã.

Mateu 19:29

Ãté ni'wam norĩ hã te za tinhorõwa hã te te 're rẽme pese za'ra, duré ãté tisisãnawã norĩ hã, duré ãté timama norĩ hã, duré ãté ti'ra norĩ hã, duré ãté tinhipti'a hã. Ãté ĩsiré 're nomro mono da, te za uburé marĩ hã te te 're rẽme pese za'ra. Ta norĩ ma, te za uburé marĩ te te 're irẽme za'ra mono zém nhipai u pese, 'Re ihâimana u'âsi mono te te tãma hã 're sõmri za'ra. Ta norĩ ma si te za duré dadâ'â ãna 're idanomro u'âsi mono zé hã te te tãma 're apisutu.

Mateu 4:20

Tahawa, ma te awa'awi tãma marẽme zahuré abazipara ma, Zezusihi siré 're neb zahuré da oto.

Mateu 4:22

Sô hârâ zahuré wamhã, awa'awi ma tô tinhimiromhuri ma hã marẽme zahuré. Taha wamhã, timama zama hã ma duré oto rẽme zahuré, Zezusihi siré si 're neb zahuré da oto.

Marcu 10:21

Tawamhã Zezusi hã te aibâ 'madâ, isawi hã tãma hâimana sina. Ãne te tãma tinha: — Zahadu te misi aiwi sô rowaptâ, tãma ãma i'uwaimrami'õ hã. Mo oto aimorĩ apâ, asibro hã uburé dama wede mono da, iwa'âbâ zô, isibrob'õ norĩ ma, sõmri mono da. Ãne wamhã, duré asibro pese di za, hâiwa ãma. Taha parip si, te za we apâ aimo ĩtẽme, ĩsiré 're aimorĩ da hã oto.

Luca 5:28

Tawamhã ma wahudu. Tinhimiromhurizé, ma tô tirẽ, Zezusihi siré 're morĩ da oto.