Luca 5:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Zezusi hã te nhamra, isõ'u zaihâ na, Zenezaré na isõ'u nhisi ãma, 'Re ihâimana u'âsi mono te te dama sadawa wasu'u da. Da'ahâ uptabi na ma tô itẽme hã dasito, da te wapari za'ra da hã.

Luca 5:1 ပူးပေါင်းရင်းမြစ်များ

Mateu 11:12

Zuwã Batista hã, 'Re ihâimana u'âsi mono te te dama 're isadawa wasu'u mono zém na te te dama ãma isãna'ratazém hawim haré, te oto ni'wam norĩ hã sib'ru na 're hâimana za'ra, 'Re ihâimana u'âsi mono hã da'ãma 're sib'a'uwẽ mono tõ da. Da te dasima 're wẽ za'ra mono nherẽ, te ta norĩ hã te te dawi 're ro'wa'rutu za'ra, 'Re ihâimana u'âsi mono hã ãma 're sib'a'uwẽ za'ra mono tõ da.

Mateu 14:34

Tawamhã isiré 're inomro mono norĩ hã ma tô saprĩ za'ra, Zezusihi me, isõ'u na hã. Te te saprĩ za'ra wamhã, ma tô aihutu oto, Zenezaré na danhipti'a nho'õmo nhisi u.

Marcu 3:9

Uburé ihâzé ré norĩ hã te itẽme 're sisãmra, te te siwi upi da, tinhib'rata na. Tahawa, tisiré 're inomro mono norĩ ma, te 'ru za'ra, uba're hã te te 'ma'âri za'ra da dawi, iwap sébré da, da te dasiwi hâiba wati tõ da, dasina hã.

Marcu 4:1

Tawamhã Zezusi hã te duré dama rowahutu, Galiléa ãma, isõ'u zapoto 'rata. Da'ahâ uptabi na itẽme dasito mono wa, ma uba're wa ãzé, â zada'ré prã na.

Marcu 5:24

Tawamhã Zezusi te ime mo. Da'ahâ na isiré dasi'aba'réi wamhã, ma dasiwi hâiba wati ni.

Marcu 6:53

Tawamhã Zezusi norĩ hã ma tô saprĩ za'ra, isõ'u na zara u. Te te saprĩ za'ra wamhã, ma tô aihutu, Zenezaré na danhipti'a nho'õmo nhisi u. Tame ma tô â zada'ré ãma, uba're na ãma wasisi za'ra.

Luca 12:1

Tawamhã ma tô dasina tahâ'â ni. Tahawa, da'ahâ uptabi di oto. Da'ahâ uptabi wa, ma tô 're dasipara wati'i za'ra. Ãhã wa, te Zezusi hã a'â tãma nharĩ za'ra, tisiré 're inomro mono norĩ ma, ãne: — Farizeu norĩ hâimanazé hã, tô senai õ di. Tahawa, te za tiwi 're asi'madâ'â pese za'ra wa'aba mo, i'u'ẽtẽ wapuzém nhiti 're anomro aba mono da, farizeu norĩ nhimi'manharĩzém nhiti. Wa za ãma simiré'é, ãne: Ãté te za marĩ hã da te dawi 're sahâri za'ra, da te 're waihu'u tõ za'ra mono da, danhimirowasu'uzé hã, danhimi'manharĩzé hã. Tane nherẽ, te za niwapsi waihu'u za'ra ni. Tane bara na, aihâiba pisutu dama asimirowasu'uzé hã te za rowa'a ré dama asimirowasu'u za'ra wa'aba zém na aiwasu'u za'ra wa'aba ni. Duré 'ri nhitob ré, aihâiba pisutu dama asimirowasu'u za'ra wa'aba zé hã, te za sõ'awi dama asimirowasu'uzém na aiwasu'u za'ra wa'aba ni. Tahawa, te za 'râwi 're asi'madâ'â za'ra wa'aba mo, farizeu norĩ hâimanazéb zarina, 're aihâimana za'ra wa'aba mono tõ da, tô senai õ wa, ta norĩ 're ihâimana za'ra mono zé hã.

Luca 5:2

Tawamhã uba're maparane ma tô sabu zahuré, isõ'u zaihâ na isa'wari hã. Tepe na romhuri'wa norĩ hã ma tô iwana wairé. Abazipara, te oto tawamhã upsõ za'ra.

Luca 8:22

Tawamhã bâtâ na, te Zezusi hã tãma nharĩ za'ra, ãne: — Oto zara u, wa te saprĩ za'ra wa'aba. Tawamhã uba're wa, ma tô asisi, zara u te te saprĩ za'ra da, isõ'u na.

Luca 8:23

Tawamhã te te siré sari za'ra ré, te oto Zezusi hã nhono, uba're wa. Sõtõ ré, ma tô rowa'u isa'ẽne hã watobro. Tahawa, uba're 're, ma tô â hã ãzé. Uba're 'remhã, â hã 'masisi wa, oto tãma za'ra hã simimnhasi di.

Luca 8:33

Tawamhã aibâ hawi ma tô wairé wa'uburé norĩ hã, uhâbâi u si'aba'ré da, ihâiba 're, 're si'ubumroi mono da. Tawamhã itẽme sisisi wamhã, uhâbâ norĩ hã te sisa're, wara sina. Sa'a hawi, te pi'reba sisa're, isõ'ui u. Tawamhã âi ba ma tô rere. Tahawa, ma ai'utõ uburé.

Luca 8:45

Tahawa, ma tô ãne da'mahâ, Zezusi hã: — E 'wa hã ma ĩ'uza hã ĩwi upi. Tane nherẽ, te tãma amrami za'ra ni. Tahawa, te Pedru hã tãma tinha, ãne: — Rowahutu'wa, oro aihĩni ai'ãma wasi'uirĩ mono za, wa wasina wasiwi aihõti ni.

Zuwã 6:1

Tawamhã Zezusi hã ma tô uba're na saprĩ, isõ'õmo na. Galiléa ãma, isõ'u te 're hâimana. Tiberiadi na isõ'õmo nhisi hâiba amo nhisi hã.

Hebreu 13:7

Ma'ãpé ãma asipo're pu'u za'ra wa'aba, 'Re ihâimana u'âsi mono zadawa wasu'u na isãna'rata hawi te te ãma aima 're irowasu'u za'ra wa'aba mono norĩ ãma hã, ai'madâ'â'wa za'ra wa'aba norĩ ãma hã. Ta norĩ 're ihâimana za'ra mono zém na, duré 're idâ'â za'ra mono zém na zama, te za ãma 're asipo're pu'u u'âsi za'ra wa'aba mo. Ta norĩ hã 'Re ihâimana u'âsi mono si te te sina 're i'umnhasi za'ra mono ne, te za duré a norĩ wa'wa hã isine asina 're i'umnhasi za'ra wa'aba mo, 'Re ihâimana u'âsi mono hã.

Zozué 12:3

Tawamhã Zodã na romharé nhisi niwĩ bâtâ pusizém niwĩmhã, Galiléa na pu'u nhisi hawi Bete-Zesimote u hã, ma tô Seõ isi'i'rãnho'õmozé hã tihâiba, Â warĩrĩ na pu'u nhisi ãma bâtâ pusizém niwĩmhã, hâiwa nhimire niwĩ, Pisga na ẽtẽ nhisi zahâpâ u.