Luca 4:42 - ꞌRe Ihâimana Uꞌâsi Mono Zadawa Wasuꞌu

⁴² Tawamhã awẽ ma tô watobro, 'ri nho'õmo hawi, a'ubuni u morĩ da, Zezusi hã. Tahawa, ma tô sô danhopré. Da te sõpẽtẽ za'ra wamhã, ma tô ãma ropti za'ra ni, nimomo danhiti morĩ tõ da oto.

Luca 4:42 ပူးပေါင်းရင်းမြစ်များ

Marcu 1:45

Tazahã aibâ hã rowasu'u wẽ na ma tô ãma ropé. Tahawa, sõ'awi 'ri ahâ u hã datẽme 're ne waihu'u mono õ di, Zezusi hã. Tahawa, a'ubuni wi te a'â 're hâimana, danhiti. Tame 're hâimana mono ré, te itẽme 're dasihutu, daro mono bâ, da te 're sabu za'ra mono da.

Luca 24:29

Tahawa, ma tô tãma nharĩ zahuré, tiwi morĩ zahuré tõ da: — Wa'rata asãmra a'â. Ma tô wawi tihâiwahâ. Te za wawi tirobra. Tahawa, ma tô ãzé 'ri para u, i'rata sãmra zahuré da, a'â.

Luca 6:12

Tawamhã ẽtẽ 'rãihâ na ma tô Zezusi hã sai'u, 'Re ihâimana u'âsi mono ma, mreme da. Tawamhã mara bâre te tãma mre.

Zuwã 4:34

Tawamhã te Zezusi hã asa tãma nharĩ za'ra, ãne: — 'Re dasaihuri mono wamhã, dama 're rowẽ za'ra mono di za. Tane, wa hã. We ĩzatõrĩ'wa te te ĩ'ãma irotizé hã te ĩsina uwaimrami wamhã, ĩma rowẽ di za. Ĩnhimiromhuri hã te tãma uprosi wamhã, ĩma rowẽ di za duré.

Zuwã 6:24

Tawamhã Zezusi hã sãmra õ wa, duré isiré 're inomro mono norĩ zama si'ubumroi õ wa, ma tô uba're wa, asisi ni, tisa te te ihuri norĩ hã zara u te te saprĩ za'ra da apâ. Tawamhã Zezusihi zô danhopré da, ma tô uba're na saprĩ za'ra ni, Cafanau u.