Luca 4:41 - ꞌRe Ihâimana Uꞌâsi Mono Zadawa Wasuꞌu

⁴¹ Duré wa'uburé hã ma tô dahawi wairé. Da'ahâ na, iré 're idanomro mono norĩ hawi, ma tô wairé, wa'uburé norĩ hã. Tawamhã dahawi wairébé sina, te ãne 'mahârâ za'ra: — A hã, 'Re ihâimana u'âsi mono 'ra. Zezusi hã, Danho'reptui'wa da, 'Re ihâimana u'âsi mono te te ipisutu na te te waihu'u za'ra wa, ma tô Zezusi hã imreme hã tiwi sisisi za'ra sa'ẽtẽ, ari'iwi dahawi wairébé da.

Luca 4:41 ပူးပေါင်းရင်းမြစ်များ

Mateu 26:63

Tane nherẽ, te Zezusi hã ari'iwi za. Tawamhã sasedoti ipire uptabi hã te duré sadanha, ãne: — E a hã Danho'reptui'wa da, 'Re ihâimana u'âsi mono te te i'aipisudu. E a hã 'Re ihâimana u'âsi mono 'ra. Ma'ãpé sena na wama asiwasu'u na. Duré wawi ai'udâ tõ, 'Re ihâimana u'âsi mono nho'a hã.

Mateu 4:3

Tawamhã Wa'uburé ma tô itẽme wi. Itẽme wisi wamhã, te tãma tinha ãne: — Sena a hã 'Re ihâimana u'âsi mono 'ra wamhã, ma'ãpé ẽtẽ ma nharĩ, i'u'ẽtẽ wapu na aima si'manharĩ za'ra da.

Mateu 8:16

Tawamhã bâdâ sébrézéb u, ma tô wa'uburé ré 're idanomro mono hã da te simro, Zezusihi u, ahâ uptabi na. Tawamhã misi si te nasi dama azatõ wa'uburé hã, misi haré timreme na. Uburé ihâzé ré norĩ zama te duré apese.

Mateu 8:29

Tawamhã rosa'rese õ ré, ma tô sa'ẽtẽ 'mahârâ zahuré Zezusi hã, ãne: — 'Re ihâimana u'âsi mono 'ra, e marĩ wa'ãma 'manharĩ da, te we aimo, wawa'wai baba. E ropsi'utõrĩzé wana wa'ahâri da, te we aimo, wa te oto robzépata mono da.

Mateu 8:4

Tawamhã Zezusi te tãma tinha, ãne: — Ĩwapari pese, asina. Ni'wai ma, asina ĩwasu'u õ di za, te i'aipesezém na hã. Sasedoti u si hã te za aimo, aihâiba wẽ zô te te aihâiba 'madâ'â da. Taha parip si, te za duré tãma asõpru 'Re ihâimana u'âsi mono ma, Mozésihi nhimiroti zarina, aipesezém na da te ãma aiwaihu'u za'ra da, sena na. — Ãne te Zezusi hã tãma roti, aibâ te te ipese ma hã.

Marcu 1:25

Tawamhã Zezusi te asa tãma tinha ãne, wa'uburé ma: — Tô'ã, we ĩma nharĩ tõ. Mo oto aibâ hawi aiwatobro.

Marcu 1:32

Tawamhã bâdâ sébrézéb u, ma tô itẽmemhã tasi'ãwisi za'ra ni, Zezusihi u, dahâzé mono bâ. Wa'uburé ré 're idanomro mono norĩ zama, ma itẽme ãwisi za'ra ni.

Marcu 1:34

Tawamhã dahâzé mono bâ, ma da'apese, da'ahâ na. Duré timreme na ma wa'uburé hã dama anhamra, ahâ na. Wa'uburé norĩ hã ma tô waihu'u za'ra Zezusi hã, 'Re ihâimana u'âsi mono 'ra na. Tahawa, Zezusi ma tô wa'uburé norĩ hã sina sadawa uwati za'ra, te te dama rowasu'u za'ra tõ da hã.

Marcu 3:11

Wa'uburé te te 're ida'awamnarĩ mono norĩ hã, Zezusi te te 're 'madâ'â za'ra mono wamhã, hi'rãtitõ te ipapara tãma 're sina. Te duré siwi te te 're 'mahârâ, ãne sa'ẽtẽ: — A hã 'Re ihâimana u'âsi mono 'ra.

Luca 4:39

Tahawa, isimiwaptâ u hã te itẽme mo. I'rata te za. Tawamhã iwa'ro ma, te tinha, wahâ da. Tahawa, ma tô tiwahâ. Awa'awi ma tô wahudu. Wahutu wamhã, ma tô tãma api za'ra, saihuri da hã.

Zuwã 20:31

Danho'reptui'wa da, 'Re ihâimana u'âsi mono te te ipisutu na, Zezusihi si 're saze za'ra wa'aba mono da, duré 'Re ihâimana u'âsi mono 'ra na 're saze za'ra wa'aba mono da, ma tô rob'ui'éré'wa hã ãne na ãma romnhihâtâ. E marĩ da, te za Zezusihi si asina 're i'umnhasi za'ra wa'aba mo. Rowẽ u'âsi ãma 're anomro aba mono da, duré 're atâ'â za'ra wa'aba mono ãna 're aihâimana u'âsi za'ra wa'aba mono da, 'Re ihâimana u'âsi mono 'rata, hâiwa ãma. Taha da, te za Zezusihi si asina 're i'umnhasi za'ra wa'aba mo.

Tiagu 2:19

Misire uburé Danhib'apito uptabi hã te 're sãmra. Ãne na hã aima waihu'u pese di. Taha wasu'u na ma tô ãma isaze. Wa'uburé norĩ zama ma tô misire Danhib'apito uptabi wasu'u hã waihu'u za'ra. Tahawa, te pipa te, 're rẽrẽ'ẽ za'ra.