Luca 4:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã Zezusi te asa tãma tinha, ãne: — 'Re ihâimana u'âsi mono mreme na rob'ui'éré, ãne: “Dasa na si 're danhiptete za'ra mono õ di za.”

Luca 4:4 ပူးပေါင်းရင်းမြစ်များ

Mateu 4:4

Tawamhã Zezusi asa te tãma tinha, ãne: — 'Re ihâimana u'âsi mono mreme na rob'ui'éré hã ãne: “Dasa na si 're danhiptete za'ra mono õ di za. 'Re ihâimana u'âsi mono te te dama 're i'awaihu'u mono zém na zama, te za duré 're danhiptete za'ra.”

Mateu 6:31

Aimama 'wa hã hâiwa ãma 're isãmra mono ma hã, tãma aiwaihu'u pese za'ra wa'aba di, marĩ zô aiwi 're irowaptâ'â za'ra wa'aba mono zém na hã. Tahawa, marĩ na asina 're aihâtâ'â za'ra wa'aba mono õ di za. Ãté asina 're aihâtâ'â za'ra wa'aba mono wa, te za ãne asima 're irosa'rata za'ra wa'aba mono zéb zarina, ãne asima 're inharĩ za'ra wa'aba mo: “E ma hawi te za mra hã wama 're wairébé, duré wa te 're i'âhuri mono zéb da hã, duré wa'uzazéb da hã.” Ãne na asima 're rosa'rata za'ra wa'aba mono õ di za. 'Re ihâimana u'âsi mono waihu'u'õ'wa norĩ hã, taha zô si te sima 're sõpré, sina 're hâtâ'â za'ra mono na 're hâimana za'ra mono wa, ta norĩ hã.

Luca 22:35

Tawamhã Zezusi te sadanharĩ za'ra, tisiré 're inomro mono norĩ hã, ãne: — Datẽme te asatõrĩ za'ra wa'aba wamhã, wa tô aré aiwi sawi za'ra wa'wa, marĩ hã asiré 'wasari aba tõ da, rob'uiprazém nhemezé hã, duré ro'wapézé hã, duré aipara'uzazé wa'wa hã. E tawamhã marĩ hã aiwi sô rowaptâ'â aba õ di. — Marĩ zô, wawi rowaptâ'â za'ra õ di. — Ãne te asa tãma nharĩ za'ra.

Luca 4:3

Tawamhã Wa'uburé hã te Zezusihi ma tinha, ãne: — Sena a hã, 'Re ihâimana u'âsi mono 'ra wamhã, ma'ãpé ẽtẽ ma nharĩ, i'u'ẽtẽ wapu na aima si'manharĩ da.

Luca 4:8

Tahawa, te Zezusi hã asa tãma tinha, ãne: — Mare di. 'Re ihâimana u'âsi mono zadawa 'mahârâ'wa, ma tô ãne rob'ui'éré, ibaihâ na hã: “Uburé Danhib'apito uptabi ãma si, te za 're aiwata za'ra wa'aba mo, 'Re ihâimana u'âsi mono ãma si. Taha ma si, te za 're iromhuri za'ra wa'aba mo, Asib'apito za'ra wa'aba ma si.” Ãne imreme na rob'ui'éré hã.

Éfézu 6:17

Da'rãzaza itete na te za 're asi'rãzaza za'ra wa'aba mo. Da'rãzaza itede hã wanho'reptuzé, te duré ta hã wasu'u. Duré sib'ézé 'wa pa hã te za asiré 're i'wasari u'âsi aba mo. Sib'ézé 'wa pa hã 'Re ihâimana u'âsi mono zadawa wasu'u, te duré ta hã wasu'u, Ipẽ'ẽzani te te wama 're awaihu'u mono da, isimiroti hã.