Luca 4:24 - ꞌRe Ihâimana Uꞌâsi Mono Zadawa Wasuꞌu

²⁴ Te duré tãma nharĩ za'ra, ãne: — 'Re ihâimana u'âsi mono zadawa 'mahârâ'wa norĩ zô hã, 're datob'uzu za'ra mono õ di, isipti'ai ãma wa. Mare di. Sô 're datob'uzu za'ra mono õ di za.

Luca 4:24 ပူးပေါင်းရင်းမြစ်များ

Mateu 13:57

Ãne para, ma tô Zezusi hã dasiwi wẽ'õ ni. Tahawa, te Zezusi hã ãne dama tinha: — 'Re ihâimana u'âsi mono zadawa 'mahârâ'wa norĩ daro mono bâ datẽme 're nomro mono wamhã, isimiroti na wazép sina, te za sô 're datob'uzu za'ra. Isipti'ai 're, 're idahâimana za'ra mono norĩ si hã sô 're datob'uzu za'ra mono õ di za, isipti'ai 're wa, ta norĩ hã. Duré isisãnawã norĩ zama, isõrõwa ãma 're isi'ubumroi mono norĩ hã te te duré siwi 're hâiba wazé mono õ di za.

Zuwã 4:41

Tahawa, da'ahâ na ma tô dasina umnhasi za'ra ni, dasi'uihâ na imreme hã da te wapari za'ra wa. Danho'reptui'wa na ma tô saze za'ra ni, 'Re ihâimana u'âsi mono te te ipisutu na hã.

Zuwã 4:44

Ta hã ma tô ãne nasi rowasu'u aré: “'Re ihâimana u'âsi mono zadawa 'mahârâ'wa norĩ hã isipti'ai ãma 're isi'ubumroi mono norĩ si, isimiroti na wazép sina sô 're datob'uzu za'ra mono õ di.” Ãne Zezusi hã ma tô sina wasu'u aré, iwana ré. Tahawa, te apâ mo, Galiléa u. Apâ morĩ wamhã, ma tô dasima wẽ za'ra ni, da'rata 're sãmra mono da. E marĩ wa. Ta norĩ hã ma tô aihutu Zeruzalẽ u, Pascowa na datoi wa, dame si'rã'õtõ da. Tame ma tô ãma 'madâ'â za'ra, Zezusi hã tiwaihu'u pese na te te idapawaptobzém na. Tahawa, ma tô sô tatob'uzu za'ra ni, Galiléa ãma 're idasi'ubumroi mono norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 22:3

— Wa hã, zudeu. Tasu na 'ri nho'õmo nhisi ãma ĩpotozé hã, Sirisia 'remhã. Ãme Zeruzalẽ ãma wa tô ĩprédu. Gamaliéu hã ma tô te te ĩma 're rowahutu, wahi'rata norĩ nhimiroti na hã. Ĩnhimi'ẽ na wa tô te 're romhuri pese, 'Re ihâimana u'âsi mono ma. A norĩ wa'wa hã asimi'ẽ na tãma 're iromhuri za'ra wa'aba mono ne, wa tô õhõ ma si 're ĩsisõmri u'âsi, ĩnhimi'ẽ na te tãma 're romhuri pese mono da, asine wa'aba.