Luca 4:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã Nazaré u te mo Zezusi hã, tiprédubzéb u. Sabadu sidâpâsi dame 're zasi mono wa, ma duré dame ãzé, zudeu norĩ te, rowahutuzéb u, romhuri zahârizém na hã. Tawamhã rowahutuzéb ãma sãmra wamhã, ma wahudu. Hâiwi te za, 'Re ihâimana u'âsi mono mreme ui'éré hã te te dama sõré da.

Luca 4:16 ပူးပေါင်းရင်းမြစ်များ

Mateu 2:23

Tame te oto 're simasisi zahuré, Nazaré na 'ri wa'õtõ nhisi ãma. Ãne iromhâimanazé hã, duréihã 'Re ihâimana u'âsi mono zadawa 'mahârâ 'rata 'wa norĩ nhimi'ui'éré hã te te ãma uwaimrami da. Ãne duréihã iwasu'u na rob'ui'éré 'rada hã: “Ta hã Nazaré ãma 're isãmra mono na te za oto da te 're sisi za'ra.” Ãne ma tô waihu'u siromo za'ra, za da te dasima 're iwasu'u za'ra mono zéb da na hã.

Luca 2:39

Zuzé norĩ hã zahadu te aimasisi, Zeruzalẽ ãma. Tame simasisi ré, ma tô ãma uwaimrami zahuré, uburé 'Re ihâimana u'âsi mono nhimiroti hã. Tawamhã te oto tineb zahuré apâ, tirob u. Galiléa u, te tineb zahuré apâ, Nazaré u. Tawamhã ma tô aimasisi zahuré apâ, tinhorõwa u.

Luca 2:42

Tawamhã 12 na Zezusihi ãma wahu wamhã, te duré ime timorĩ zahuré oto, datoi u hã.

Luca 2:51

Tawamhã Zezusi te ime timorĩ zahuré apâ, Nazaré u. Tame timama norĩ mreme, te te 're wapari pese. Ina hã i'ra tãma isiwasu'uzéb zahuré na, te te 're rosa'rata u'âsi, tipẽ'ẽ na.

Luca 4:15

Zezusi hã te te dama 're rowahutu, zudeu norĩ te, rowahutuzé mono bâ. Tawamhã da te 're wapari za'ra mono wamhã, te ãma 're dawata za'ra, isimirowasu'u hã wẽ uptabi wa.

Luca 4:17

Tawamhã ma tô tãma sõmri ni, Izaiaha nhimi'ui'éré hã. 'Re ihâimana u'âsi mono zadawa 'mahârâ 'rata 'wa, Izaia hã. Tawamhã ma tô oto sima sõzi, ibaihâ hã. Te te sõzi wamhã, ma tô tisã, da te ãma irob'ui'éré hã, ãne:

Luca 4:21

Tahawa, ma tô Zezusi hã tãma nharĩ za'ra, ãne: — Wa tô aima sõré za'ra wa'wa, 'Re ihâimana u'âsi mono mreme ui'éré hã. Iwasu'u hã ma tô iwapari za'ra wa'wa. Ãhã na ĩwapari za'ra wa'aba ré, ma tô oto we ãma uwaimra, 'Re ihâimana u'âsi mono hã.

Luca 4:23

Tawamhã Zezusi te dama tinha, ãne: — Ãté da te dasima inharĩ za'ra zém na, te za ĩma inharĩ za'ra wa'wa, ãne: “Wawede'wa, ma'ãpé 'râwi asipese.” Ãté te za duré ĩma inharĩ za'ra wa'wa, ãne: “Ma'ãpé, ãmeb zama 're wa'apawapto mono, aiwaihu'u pese na, Cafanau ãma 're ida'apawapto mono ne. Aiwasu'u hã wa tô wapari za'ra ni.” Ãté, ãne te za ĩma inharĩ za'ra wa'wa.

Zuwã 18:20

Tawamhã Zezusi asa te tãma tinha, ãne: — Sõ'awi wa tô te dama 're rowahutu u'âsi, rowahutuzé mono bâ. Ãme dasi'rã'õtõzéb ãma zama, wa tô nasi dama rowahutu, 'Re ihâimana u'âsi mono nhorõwa 'ri ãma hã. Pi'uriwi te dama 're rowahutu mono õ di. E marĩ da, te ĩzadanha. Ĩwapari'wa norĩ hã te za isadanharĩ za'ra wa'wa, te te aima ĩzadawa wasu'u za'ra da. Ta norĩ ma, waihu'u pese za'ra di, ĩnhimirowasu'u hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:2

Paulu hã nimomo 're simasisi mono sidâpâsi, te rowahutuzéb u 're zasi, 're ihâimana mono zéb zarina. Tahawa, Tesalonita u wisi wamhã, ma tô duré ãzé, rowahutuzéb u. Tawamhã si'ubdatõ romhuri 'rãsutu na ma tô dama rowasu'u sabadu na, 'Re ihâimana u'âsi mono zadawa wasu'u na rob'ui'éré 'rata na, tame 're isi'ubumroi mono norĩ ma.