Luca 4:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Wa'uburé hã taré te te Zezusi hã pibui mono pari, te oto isiti mo, isimiroti na te te sazei õ wa, a'â sadawa utu da.

Luca 4:13 ပူးပေါင်းရင်းမြစ်များ

Mateu 4:11

Tawamhã Wa'uburé ma tô ihawi oto mo. Morĩ wamhã, hâiwa ãma romhuri'wa norĩ hã ma tô we itẽmemhã oto aihutu, te te siwi pawaptob da, Zezusi hã.

Luca 4:12

Tawamhã Zezusi te asa tãma tinha, ãne: — Mare di. “Asib'apito za'ra wa'wa hã 'Re ihâimana u'âsi mono hã, marĩ hã te te aima 're pisutu za'ra wa'aba mono õ nherẽ, 're pibu za'ra wa'aba mono õ di za, ta hã te te 're aipawaptob za'ra wa'aba mono zô.” Ãne imreme na rob'ui'éré hã.

Luca 4:14

Tawamhã apâ te mo Galiléa u, Zezusi hã. 'Re ihâimana u'âsi mono pẽ'ẽzani ré, te 're mo. Iré 're morĩ wa, te waihu'u pese na 're mo. Tawamhã ma tô iwasu'u hã wapari za'ra ni, Galiléa ãma daro mono bâ.

Zuwã 14:30

Aima ĩmreme suru aba di za oto. E marĩ wa. Ĩzazei'õ'wa norĩ wada'uri'wa, we ĩzô morĩ wa, Wa'uburé hã. Ta hã ĩma pire õre di. Ĩma pire õ nherẽ, itẽme wasi'aba'réi wa'aba, Ĩmama te te ĩ'ãma irotizé hã te ĩsina uwaimrami da. Tawamhã te ĩsina uwaimrami wapsi, Ĩmama te 're isawi pese mono na te za da te 're ĩwaihu'u za'ra.

Hebreu 4:15

Tawamhã tô õ hã sasedoti ipire uptabi na, te te wa'ãma 're iromhuri mono hã, e wahâimana nhib'uware na 're wahâimana za'ra mono nherẽ, wa'ãma 're siwamri mono õ di za bété, ta hã. Te za tô wa'ãma 're siwamri u'âsi. E marĩ wa. Ta hã ma tô Wa'uburé hã te te 're pibu aré, tiwasédé hã te te 'manharĩ da, wawasédé hã wa te 're 'manharĩ za'ra mono da, te te 're iwa'apibui u'âsi mono ne. Tane nherẽ, tiwasédé hã te te 'manharĩ õ uptabi di, Zezusi hã.

Tiagu 4:7

Tahawa, ma'ãpé 'Re ihâimana u'âsi mono ma, aiwapu na 're aihâimana za'ra wa'aba mono, isimiroti na si ãma 're anomro aba mono da. Wa'uburé norĩ nhib'apito nhimipibui wasété zé wi, te za 're asiptete za'ra wa'aba mo. Tawamhã si'aba'ré na, te za asiti za'ra wa'aba hã sina 're pahâ.